橋唔怕舊
TVB打仗玩二次創作 森美反串桃姐 小儀惡搞春嬌
2012年05月23日
電視大戰一觸即發，一向有慣性收視撐住的 TVB都要諗計，除了劇集，綜藝節目都要搞搞新意思。
《歡樂今宵》創作元老余詠珊年初回巢坐正做綜藝科總監，已揚言要大革新。據知她正籌備連串搞笑節目谷起十點半時段收視，招兵買馬大玩二次創作，包括搵森美小儀玩轉 hit爆的《春嬌與志明》及《桃姐》等，其實咪又係老翻 EYT！不過點都好過亞視二次創作阿努亞圖做「阿努亞視」咁面懵嘅！
梗係幫手啦！真實對白
一定好玩！真實對白
森美同小儀唔只會有新一輯馬來西亞版《千奇百趣》，仲有機會在新節目惡搞兼反串，終於自己有份玩埋一份。
《歡樂今宵（ EYT）》創作元老余詠珊回巢 TVB，代替已過檔 now的何麗全，接管綜藝科總監一職，即拍心口承諾重新打造一至五晚的綜藝節目，又話要搞顛覆《歡樂今宵》的娛樂騷及反斗頒獎禮，至於有幾顛覆，卻遲遲未公布。
《歡樂今宵》翻生
TVB綜藝節目一潭死水，連余詠珊都睇唔過眼，揚言要大搞，第一步是搞靚港姐，亦正籌備暑假的新節目。
挑戰余文樂
據知余詠珊喜歡劉以達呆呆滯滯的表情，而有意請他來演搞笑版《志明》。《忽然 1周》圖片
強攻十點半
本刊得知，其實余詠珊已構思好一個全新節目，當係《 EYT》前奏，繼《盛女愛作戰》後，強攻每晚的十點半時段。半小時的搞笑劇場版，搵藝人玩轉賣座電影，頭炮鐵定惡搞《春嬌與志明》及《桃姐》等。據知余已搵重兵如小儀演搞笑版「春嬌」、劉以達則玩轉「志明」，唔知使唔使唱〈別問我是誰〉呢？
記者向小儀求證，她證實余詠珊確有找她做新節目：「的確同我傾過，仲係同埋森美一齊傾添，不過係咩節目就未落實。（搵你演搞笑版春嬌喎？）係咩？係就幾得意喎！一定好玩喎！做唔做到要到時睇時間。」
森美：我舉手玩
小儀爆森美都有份，但森美在電話回覆本刊時卻矇查查：「 Sandy（余詠珊）有搵過我呀，乜唔係傾《千奇百趣》馬來西亞版咩？」當聽到是惡搞節目後，森美即時好雀躍：「係就梗係幫手啦！我最主力做綜藝節目嘛，如果有得玩我舉手添！（最想扮邊個？）哈哈！我想反串做桃姐喎！（怕唔怕得罪葉德嫻同劉華呀？）唔驚得罪，外國電影同搞笑節目都係咁啦，唔通《黃飛鴻笑傳》又得罪黃飛鴻咩？最緊要好玩啫！」
舊部歸隊
《蘋果日報》圖片
余詠珊（後排左二）曾為有線電視打造 24小時娛樂新聞台，如今返回無 綫，據知會預埋舊主持班底，有線之花黃翠如已簽約無綫，已過檔 now的洪永城（小圖）則未定。余詠珊說：「黃翠如已傾好做綜藝節目，遲 啲公布。」
拍低清翻版王
上週四（ 17日）正忙於港姐籌備工作的余詠珊在電話中回應：「呢個係放 喺暑假 嘅節目，我稱佢為『低清翻版王』，將電視、電影同綜藝節目惡搞，一共有 15集，逢一至五播，但唔係新 嘅《 EYT》。我係有搵過森美、小儀，但劉以達同其他人都未定。」惡搞電影擺明撐「二次創作」，余詠珊就解釋：「觀眾覺得好笑嘛！我連自己台嘅電視劇都會做二次創作，幾好呀！」一句講晒，橋唔怕舊，最緊要受啫！
頭炮 hit玩
森美 Vs葉德嫻
若然由森美反串演「桃姐」，劉華仲喊唔喊得出呢？
設計圖片
劉以達 Vs余文樂
由劉以達扮余文樂扮王馨平，可能比余文樂扮女人（小圖）更有趣！
設計圖片
小儀 Vs楊千嬅
同劉以達談情，齋聽已夠搞笑！唔怪得小儀都話：「幾得意喎！一定好玩喎！」
設計圖片
第一代惡搞王
余詠珊惡搞電影，但其實早在 79至 85年《歡樂今宵》已搞過 4屆「電影頒獎典禮」，惡搞一大堆當年賣座的港產片及西片。盧海鵬、大姐明扮乜似乜，如今事隔差不多 30年再搞，都只不過換湯不換藥！
《鬼 吔鬼》
最近憑《奪命金》贏得「最佳男配角」獎的盧海鵬，當年可以話乜都扮過，除了深入民心的「籮記」之外，亦扮過洪金寶的《人嚇人》，好鬼神似。
狄娜與許安娜
《桃姐》由許鞍華執導，當年盧海鵬（右）亦扮過「許安娜」攞獎；旁邊的大姐明林建明則扮狄娜。
《發瘟情》
30年前已惡搞過葉德嫻同劉德華的《法外情》，變成《發瘟情》，莊文清（左）扮葉德嫻，梁愛（右）扮的修女更變成師太。
大姐明同盧海鵬一樣是《歡樂今宵》搞笑能手，連外國女星珍茜摩爾都扮過，變了「煎西多士」的《時光返頭七十年》。
《 EYT》改戲名都有一手，鄧英敏揸住奶樽扮史泰龍的《第一滴血》，戲名就叫《第一滴奶》。
港產片《午夜儷人》變成由吳君如主演的《午夜鬧人》，確係抵死！
Orignal From: TVB打仗玩二次創作 森美反串桃姐 小儀惡搞春嬌
沒有留言:
發佈留言