2012年5月18日星期五

鬥少NG《拳王》老吉(梁梓豪)單挑鄭嘉穎

忽然1周 第877期

娛聞樂


鬥少 NG 《拳王》老吉單挑鄭嘉穎


2012年05月18日
《拳王》播放以來,贏盡口碑,今個星期大結局,劇中除了拳拳到肉外,鄭嘉穎同兒子老吉的一段真摯父子情亦賺人熱淚。現實生活中的老吉(梁梓豪),現年十歲,學校成績優異,自小聰穎,對白背一次就過目不忘。拍攝期間更膽粗粗挑戰鄭嘉穎,鬥唸對白和鬥少 NG,其精叻伶俐,連平日酷爆的鄭視帝也被融化。

老吉(梁梓豪)
拍攝地點在遊樂場,老吉玩到滿頭大汗,話:「老竇媽咪要返工,好少帶我去遊樂場,至少兩年冇去。」玩到興起,但家人一叫停,老吉即乖乖返回家人身邊,一啲都無扭計。

鄭嘉穎曾以「寸寸哋」形容劇中兒子老吉(梁梓豪)。佢話:「如果我好命,都想有個咁有性格嘅仔。因為佢咁有性格,拍劇時先有火花,出來效果好好。」老吉不算可愛,但樣子醒目精靈。十月就十歲的老吉,現時就讀小學四年級,坪石邨 Band 1小學,全級考第四名,常識、數學、英文文法都是全級第一,更身兼學生會副會長、風紀、圖書館領袖生,是校內風頭躉。

問老吉點解鍾意拍戲?他答:「好玩。」然後突然爆一句:「拍戲先可以有個拳王老竇!」登時令大家笑唔停口。如果撞正考試、默書要拍劇點算?老吉一本正經答:「喺學校、屋企做晒功課、溫晒書先,咁咪心安理得去拍戲囉。」

《拳王》老吉(梁梓豪)
《拳王》中,老吉在第十集送拳套俾老竇鄭嘉穎,但鄭拒接受,更表示自己不再打拳,老吉十分傷心,場面感人。

《拳王》老吉(梁梓豪)
《拳王》慶功宴,鄭嘉穎一見老吉即一手抱起他,點知老吉抵死話:「我感覺你手震喎!」

老吉(梁梓豪)
6個月肥 B

老吉(梁梓豪)
1歲學行
老吉小時候肥嘟嘟好可愛, 1歲兩個月就學識行路。佢入讀小學開始變瘦,吉姐爆:「細佬揀飲擇食,唔鍾意食肉。」

同老大補祝父親節


《拳王》老吉(梁梓豪)
訪問當日正值母親節,吉媽因工作未能陪老吉,外婆(左)、家姐(右)及表弟(後)則陪伴他做訪問,不時為他抹汗和噴蚊怕水,是家中金叵羅。

《拳王》拍攝時老吉只有八歲,不過他一向鍾意同哥哥姐姐玩,所以同鄭嘉穎相處絕無隔膜:「第一次同老大(鄭嘉穎)見面時,佢問我:『平日點叫爸爸,就點叫我啦﹗』我本來叫開老竇,點知叫叫吓變咗老大,叫到依家。佢又叫我睇周潤發《阿郎的故事》。」

片場中,老吉同鄭嘉穎的「親子活動」,是鬥唸對白。老吉話:「我哋鬥快背熟對白,然後一齊對,睇吓邊個錯?」陪伴老吉做訪問的家姐補充:「有次等埋位時,細佬喺度玩,鄭嘉穎就問細佬:『你喺度玩?記得晒對白未?一陣嗰場戲好緊要㗎喎﹗』細佬答番佢:『睇吓一陣邊個 NG先?』細佬記對白好叻,喺屋企同佢對一次,去到現場唔使再睇,就算臨時有改動,都唔會錯,所以細佬同鄭嘉穎鬥少 NG都好少輸。」

老吉的真正老竇在旁指着兒子,笑說:「唔知點解好長對白佢都記得,叫佢喊又即刻喊,之前都唔知佢識得演戲。佢仲同鄭嘉穎交換電話,我哋都無佢(鄭嘉穎)電話。」老吉表示跟鄭嘉穎仍然保持聯絡,「佢會問我功課點,叫我食多啲嘢!我打俾老大想約佢六月慶祝父親節,但佢唔喺香港,叫我等佢大陸拍完嘢返嚟﹗」
連鄭視帝都搞得掂,老吉真係魅力沒法擋。

專冧巨星


老吉三年前因媽咪朋友介紹下拍廣告,自此被導演看中,其間拍過 MV、電影、教育電視及港台節目等。在《拳王》戲份最多,角色討好,成功彈出。

在電影《保衞戰隊出動喇朋友!》老吉和林嘉華戲內戲外都玩得很投契,經常騎膊馬。老吉(梁梓豪)
在電影《保衞戰隊出動喇朋友!》老吉和林嘉華戲內戲外都玩得很投契,經常騎膊馬。

與林一峰、林二汶合作〈好天氣〉 MV,老吉扮演一峰童年,其間一峰教他彈結他,自此便愛上了,現在還有學彈。
與林一峰、林二汶合作〈好天氣〉 MV,老吉扮演一峰童年,其間一峰教他彈結他,自此便愛上了,現在還有學彈。

和盧海鵬一起拍攝港台劇集《沒有牆的世界》,二人飾演兩爺孫,老吉背埋鵬哥的對白,幫手提水,鵬哥大讚叻仔。
和盧海鵬一起拍攝港台劇集《沒有牆的世界》,二人飾演兩爺孫,老吉背埋鵬哥的對白,幫手提水,鵬哥大讚叻仔。

電視日播夜播的 Osim廣告,令主角老吉和黑人小朋友 friend咗。近日老吉突然戴眼鏡,原來被太多街外人認出索取簽名,所以「易容」。
電視日播夜播的 Osim廣告,令主角老吉和黑人小朋友 friend咗。近日老吉突然戴眼鏡,原來被太多街外人認出索取簽名,所以「易容」。

新晉童星


代代都有唔少童星,近年電視界當中,除梁梓豪之外,就以譚真一及王樹熹的表現較為突出。

譚真一
賣可愛

譚真一
8歲的譚真一, 08年在《師奶股神》飾演梁靖琪兒子,肥肥白白又可愛,令人留下印象。 09年他在電影《殺人犯》一人分飾多角,更可說是代表作。今年播出,由林峯擔正的《回到三國》亦會見到譚真一。

王樹熹
賣精靈

王樹熹
13歲的王樹熹, 03年入行,父親是副練馬師王燦聲。王樹熹 06年在《師奶兵團》飾演鄧萃雯兒子開始為視迷認識,今年重頭劇《造王者》及《情越海岸線》都有份演出。

Orignal From: 鬥少NG《拳王》老吉(梁梓豪)單挑鄭嘉穎

沒有留言:

發佈留言