破格升級
阿戚挑戰師奶極限 邵美琪鋸甩手 陳豪幻術殺人
2012年05月09日
睇《拳王》見鄭嘉穎和黃浩然打到砰砰聲，以為好暴力？未算！緊接《拳王》播嘅《心戰》先真正重口味。事關班底係神劇《天與地》監製戚其義及編審周旭明呢對夢幻組合。
《天與地》講人性玩血腥、《 4 in Love》玩溫馨，今次《心》劇 2人再次回歸血腥，而且比起《天》劇更誇張黑暗。本月 21日播映第一集將會大噴血水，女主角邵美琪會被狂徒鋸斷左手，畫面血花四濺，據知大陸版已自動河蟹變無血版。男主角陳豪今次更變身魔術殺人狂，由頭殺人殺到尾。
邵美琪亦係戚其義愛將，今次《心戰》亦由頭帶到尾，同陳豪，鄭少秋都有感情戲分。劇中她被鋸手後因未能接受，要魔術師陳豪輔導先能接受有義肢，最後更成為情侶。
監製戚其義
唔血腥，普通查案劇啫！真實對白
邵美琪每次埋位前都要戴假手，要 3個人幫手先戴到，假手仲有拉鏈方便穿戴。 TVB嚟講叫做好大突破 㗎喇！
假手包到上手 踭，所以邵美琪每次都要將衫袖摺到高一高先戴到。
邵美琪同陳豪於《心》劇內飾情侶，不過床戲戲分點到即止，無《天與地》咁激！留意邵美琪摸住陳豪塊面都係假手。
神劇《天與地》低收視勁口碑，更令監製戚其義同編審周旭明成為網友至 like無 綫夢幻組合。 2人現忙拍《金枝慾孽貳》，不過 21日會播映 2人兩年前嘅作品《心戰》。該劇是 2人拍完《天與地》之後 嘅作品，題材一樣偏鋒，而且血腥場面更有過之而無不及，挑戰師奶底線。
徐榮一向係戚其義愛將，喺《天與地》一開始就跟阿佘有床戰。可惜，近年阿戚開親劇都撞 啱徐榮開緊另一套，令徐榮喺《心戰》又係客串幾集，真係唔好彩。
史上最血腥
上套《天與地》開首第一場戲就有佘詩曼同情夫徐榮埋身肉搏。今次由陳豪、鄭少秋及邵美琪等孭飛的《心戰》一樣超激，一開場就係女主角邵美琪被徐榮虐待，最後更將成隻左手鋸 咗。成個過程徐榮仲會用閉路電視拍低，畫面應該係無 綫有史以來最暴力血腥一幕，據知無 綫會原汁原味出街，內地版已被河蟹變無血版，強國朋友要翻牆睇先得。
秋官今次飾演戲劇大師，利用角色代入方式，代入兇手心態協助警方破案，其實最終希望搵番失蹤 25年 嘅女兒。
呢幕鐵鏈吊屍 喺 09年節目巡禮《心戰》宣傳片出現，拍攝地點 喺無 綫員工接駁巴士站對開。不過到正式拍攝就刪除 咗呢一幕，原因可能因為太恐怖。
戚其義：日日都有斬人新聞！
邵美琪第一集就放血，而陳豪飾演 嘅魔術殺人狂亦有唔少暴力場面，其角色更似足羅拔迪尼路主演的經典西片《的士司機》一樣，會以暴易暴專殺佢認為該殺嘅人，而且每次都會用唔同工具行刑。監製戚其義話：「唔血腥，普通查案劇啫！（成隻手鋸落嚟喎？）劇情需要咋！（驚唔驚師奶頂唔順呀？）點會呀？日日都有斬人新聞㗎啦，啲師奶都會八卦嗰啲癲佬啦，點會頂唔順呀？」而陳豪就話：「關於劇情所有嘅嘢我都唔講得㗎，但我知出嚟效果好好，師奶會睇嘅。」
乜都可殺死人
飾演連環殺手的陳豪於《心》劇內會用多種兇器殺人，基本上獵物到佢手就實死冇生。
繩索
吸塵機
軍刀
筍盤學魔術
劇中陳豪除 咗成日殺人，亦係一個著名魔術師，所以經常表演魔術，尤其係用銀仔、紙幣呢 啲近距離魔術表演。而呢 啲魔術表演及指導就由魔術師 Johnny負責， Johnny曾經參加過上年 嘅《魔法擂台》。 Johnny話:「我都入 咗去（ TVB）拍 20幾次喇，多數都係教陳豪，佢其實都算幾聰明，好多時佢埋位前先學，都好快上手。手腳算幾靈活。佢家玩銀仔，紙幣 啲魔術應該幾好。」
陳豪拍《心戰》期間先對戲，埋位前先學魔術，好彩陳豪夠醒目，幾乎次次埋位都識表演。
Johnny主攻近距離魔術，劇中陳豪一啲高難度魔術動作，都係 Johnny做替手。
玩盡化身幻覺
雖然戚其義、周旭明標榜原創，不過《心戰》大玩幻覺、夢境虛擬和真實交錯，有部分場口同情節與幾套電影情節似曾相識。
心魔似《神探》
劇中陳豪 嘅思想會化身不同人喺佢嘅幻覺中出現，例如黃德斌飾演陳豪心魔，何脗南係陳豪嘅暴力他身，簡慕華係代表陳豪情慾一面。其中一幕一齊迫車，情節及畫面同《神探》（右）非常相似。
吸塵機似《維多利亞壹號》
陳豪用膠袋笠住目標人頭部，再用吸塵機吸走空氣殺人。呢招原來曾經出現 喺《維多利亞壹號》（右），何超儀亦係用吸塵機令葉璇窒息死。
死女似《屍中罪》
秋官無法接受女兒已經被撕票，所以經常入夢去搵自己個女。據知阿戚曾叫秋官及幕後參看《屍中罪》《 The Lovely Bones》，戲中男主角的女兒亦是被鄰居謀殺，阿戚想佢哋睇完會更了解當中角色。
Orignal From: 《心戰》挑戰師奶極限 邵美琪鋸甩手 陳豪幻術殺人
沒有留言:
發佈留言