2012年5月8日星期二

被炒8年 梁思浩風光回巢TVB

FACE週刊 第259期

回頭草


被炒 8年 梁思浩風光回巢 TVB


2012年05月09日

王維基新電視台瘋狂挖角,無綫人材流失嚴重令高層晒頭,惡劣到連司儀人手亦不足。據知樂易玲最近四出找舊將回歸,連 8年前遭炒魷而鬧得極不愉快的梁思浩亦唔放過,急召回巢做大騷。
現正在有線主持《怪談.異秀戰》的梁思浩承認確跟無綫有接觸,講到有機會回巢亦忍唔住興奮心情:「我成日都想返 TVB!」恩恩怨怨,粉筆字抹走晒!

梁思浩被問到 TVB有意找他回巢即忍唔住陰陰嘴笑:「我成日都講自己好想返 TVB㗎啦……有提過想搵我做大騷,我實 ok!」恨到出面。
搵我做大騷!
梁思浩被問到 TVB有意找他回巢即忍唔住陰陰嘴笑:「我成日都講自己好想返 TVB㗎啦……有提過想搵我做大騷,我實 ok!」恨到出面。

'04被裁發火


無綫 04年突然大規模裁員,無論台前幕後工作人員都有份,梁思浩成為第一批藝員受害者。梁思浩表示當時曾致電樂易玲,樂易玲只解釋因他好多年冇拍劇,當年思浩開記招鬧爆:「我覺得樂小姐你點做電視 㗎?我 15年前先 喺戲劇組……我做 live show都超過一萬小時,但係佢睇電視都唔知夠唔夠一萬小時。」又鬧無綫不近人情:「最慘係扮豬扮狗,佢都唔要我!」不過思浩離開無綫後薪酬反而大躍進,由 3千元一個騷加到 6位數字做亞姐司儀,之後撈有線《怪談》又做飲食生意,靠自己愈撈愈掂!

思浩在無綫期間做過唔少大騷司儀,好似 03年就拍住汪明荃主持《星光熠熠耀保良》,咁有經驗,無綫想他回巢實在唔出奇。
思浩在無綫期間做過唔少大騷司儀,好似 03年就拍住汪明荃主持《星光熠熠耀保良》,咁有經驗,無綫想他回巢實在唔出奇。


當年被無綫炒魷,思浩駕車離開 TVB前揮手向記者道別,卻因事後遺失泊車證被無綫罰款 100元,令思浩大罵無綫無情。《蘋果日報》圖片


雖然當年曾遭梁思浩批評唔識做電視,但據知無綫藝員部高層樂易玲有意找思浩返 TVB,週一( 7日)樂小姐因開會為由至截稿前仍未有回覆。

四台聯爭


梁思浩被 TVB炒魷後,曾過檔亞視及在有線主持《怪談》而大受歡迎,現時除繼續主持《怪談.異秀戰》外,他已簽約 nowTV及將主持全新娛樂節目,另外今年以部頭形式接拍王維基 CTI的靈異電視劇,計埋在鄭大班嘅數碼廣播開咪主持《大家真風騷》,梁思浩食緊 4家茶禮。


now做主持
《忽然 1周》圖片


CTI拍劇
王維基的 CTI電視已決定和梁思浩合作以部頭形式拍劇,預計年尾開拍鬼片。


dbc開咪
去年思浩被港台炒魷,同年有傳他出 300萬入股兼過檔到鄭大班的數碼廣播,開咪主持《大家真風騷》,今年 2月一齊出席直播室啟用禮。


有線講鬼故
思浩話自己百無禁忌,為有線主持《怪談》扮過死,又被大蛇纏身搏到盡。

電視台挖角潮唔只令無 綫藝員流失,連司儀同主持人手亦嚴重短缺,尤其有經驗又可孭飛做大騷的來來去去得幾個,觀眾睇到悶。

樂易玲首肯


據知情人士透露, TVB已急謀對策,又認為現在培訓新人已經太遲,故此四出找舊人回巢。知情者說:「藝員部開過會,有人提議搵舊人撐住先,當中有人建議搵梁思浩,樂易玲都覺得 ok㗎!」
但梁思浩與 TVB有牙齒印, 8年前 TVB裁員,第一批就炒走梁思浩,辣㷫思浩開記招反擊,不過思浩事後多次表示好恨返 TVB, 04年他曾公開話:「叫 TVB搵我啦!不過我只做大騷司儀咋。」
既然有供又有求,據知樂易玲已派出新加盟無綫藝員部的得力助手何其穎聯絡梁思浩。「思浩接到電話聽到有大騷做不知幾開心,想一口應承返 TVB㗎,可惜同有線簽 咗約又傾緊其他電視台,無 綫惟有用住崔建邦先囉,不過等年尾思浩約滿會再傾,返去機會好大。」

梁思浩 01年曾在節目扮過容祖兒(小圖),今年 2月他出席英皇春茗時,跟楊受成世紀合照,思浩更在微博上說:「天下間沒有不能破的冰!」非常識做。




10月完約回歸


記者致電藝員部的何其穎了解,她直說:「我負責搵 啲好藝員畀製作部 嘅,家需要大量好藝員,有好 嘅唔會放過。我同思浩係多年朋友,有 啲 嘢未得公司指示唔講得,佢有冇機會返 嚟我唔知道,佢咁好,人人都鍾意佢,我都同佢講:『我好掛住你呀!』」
而梁思浩出席有線電視活動時,聽到無 綫找他回巢即掩不住興奮,風騷笑住話:「我唔知講唔講得無 綫有人搵過我,不過我同有線 嘅合約到 10月至完,要到時再算。我成日都講自己好想返 TVB㗎啦,我當然唔介意!有提過想搵我做大騷,我實 ok!」咁都俾你恨到,世界果然冇永遠敵人。

崔建邦監製怕怕


TVB等人用,最順手當然是轉了做 PA(助導)的崔建邦翻生,崔建邦曾於年頭拍住曾志偉做《十大勁歌金曲頒獎典禮》,早前重新簽了 TVB經理人合約,在 5月正式生效,但據知崔建邦至今仍未獲安排工作,只因有不少監製反對。知情者說:「有幾個綜藝科嘅監製都覺得邦邦太多負面嘢,驚佢做司儀會影響收視,所以邦邦到家都未有新嘢做囉!」


崔建邦雖然做番《勁歌》總選司儀,早前更簽回經理人合約,但至今仍未獲安排實際工作。


崔建邦做 PA亦受到厚待,被調派到《誰家灶頭無煙火》劇組多廠景,甚少日曬雨淋。

Orignal From: 被炒8年 梁思浩風光回巢TVB

沒有留言:

發佈留言