《拳王》首做小三 龔嘉欣望角色愈做愈壞

龔嘉欣加入無綫4年，雖然演出機會不絕，但始終局限一些乖乖女角色。最近她終於有新突破，將會在劇集《拳王》客串一角，飾演極為乞人憎的「小三」角色，還會跟黃浩然有激烈牀戲。嘉欣不介意飾演這類壞女人，更希望將來的角色可以愈壞愈好。

撰文 : 杜淑霞 攝影：徐錦池化妝：Sammy Lam @ Zeal.image
髮型：Bowie Lo @ Chin.G?場地： MM/H生活築閣


龔嘉欣今次在《拳王》將會打破乖乖女形象，挑戰壞女人角色。

龔嘉欣將會在《拳王》第17集開始出現，飾演郭少芸的妹妹，是個典型壞女人角色，最愛勾引男人，更專門向有婦之夫埋手，最初目標是姐夫黃德斌，失敗後再主動搞黃浩然，「我為咗要贏到浩然，竟然同另一個男人有咗BB之下，都主動去勾引浩然上牀，呢個角色真係幾賤格㗎！」

不用問准男友

一向飾演乖乖女的嘉欣，為這個只有不足10集的客串角色破壞形象，她認為絕對值得，「我最初都有啲擔心，唔係擔心觀眾唔接受，反而係擔心做唔嚟，點知監製畀信心我，今次之後相信其他監製睇到，都會夠膽畀我去做奸角，咁樣我就可以擴闊到戲路，將來希望有多啲機會演呢啲壞女人角色，愈壞愈好㖭！」

講到在20集播出跟浩然的那場牀上戲，嘉欣坦言不用事先問准男友鄧健泓。不過，起初都有小小尷尬，但幸好與浩然夠熟絡，所以很快便可以投入拍攝，「我唔使問准男友，大家都係呢行好明白。拍嗰日我同浩然只係排咗一次，但係下意識瞓上佢身仲用隻手頂住佢心口，佢仲提我『正式時隻手就唔可以咁放』，到正式時大家好放去做，無晒尷尬啦！」


嘉欣坦言希望藉此擴闊將來的戲路。

---

Orignal From: 《拳王》首做小三 龔嘉欣望角色愈做愈壞