《法網狙擊》楊怡拖「古天樂」辣着謝天華

楊怡與阮兆祥昨日在商場拍攝甜蜜翹手逛街戲，劇中與楊怡演一對的天華見狀即激動至kick倒，混亂間再將祥仔推跌，場面過癮。楊怡事後自爆十年前與吳卓羲拍劇也會拖手逛街，不過現在則要「諗諗」，擺明怕其緋聞女友張馨予呷醋。


謝天華攬住楊怡都chok過人。

謝天華、楊怡、阮兆祥昨日於商場拍攝無綫劇集《法網狙擊》，講述本與楊怡一對的天華，眼見她與祥仔翹手甜蜜逛街，激動至kick倒，混亂間再將祥仔推跌在地上，令楊怡大為不滿，場面爆笑過癮。

不乏「好姊妹」

拍攝期間，楊怡與祥仔顯得相當親密，鏡頭前後都不時甜蜜翹手，楊怡受訪時笑言：「我同祥仔喺劇中只係『好姊妹』，天華純粹係呷錯醋。」問楊怡現實生活中有否這些男性「好姊妹」？她竟拉吳卓羲落水說：「吳卓羲都得架！嗰陣我同佢喺鬧巿拍劇，都係咁拖住手行街。」記者取笑她不怕張馨予詐型？楊怡即醒目地劃清界線說：「我講嘅係十年前啦。（依家敢唔敢？）依家佢拖我，我都要諗諗呀。」


楊怡與「古天樂」阮兆祥邊翹手邊傾，甜蜜逛街。

天華（左）kick親，混亂間將祥仔推跌地上，場面爆笑。

互畀螢幕第一吻

而飾演律政署檢控官的天華，揚言劇中性格絕不花弗，當記者取笑他與楊怡及王君馨有咀戲「左右逢源」時，天華即大叫說：「我都唔知王君馨點解單方面咁講，我都仲未知有咀戲。（佢話畀咗螢幕第一個吻畀你。）我都畀咗我嘅第一次佢啦，我做律師嘅第一個吻呀！」

另外，有趣的是祥仔的劇中名字為「古天樂」，楊怡每次喊他的名字時，現場圍觀者都忍不住笑，祥仔聞言只好打圓場說：「其實我個樣係似嘅！」

---

Orignal From: 《法網狙擊》楊怡拖「古天樂」辣着謝天華