娛一叮
壓力爆煲 陳敏之衝入廁所嚎哭
2011年12月02日
陳敏之去年因拍劇弄傷頸椎，甚至跌斷鎖骨，不久更患上腎炎。頭頭碰着黑的她，搞到面腫、頸腫，局住暫別娛圈大半年。
至今年初陳敏之病癒回歸，憑《怒火街頭》「索腿天后」一角，成為今年台慶頒獎禮女配角大熱。而於新劇《東西宮略》中，其戲份跟陳法拉平起平坐。首次擔正的她，看似已經洗脫一身衰氣，不過據知陳敏之回歸後給自己極大壓力，幾近爆發抑鬱。
日前拍攝《東》劇時，有人更目睹陳敏之突然情緒失控，掩面衝入洗手間嚎哭，嚇到在場的演員陳法拉、呂慧儀和阮兆祥都呆晒。
現時正忙於拍攝《東西宮略》的陳敏之，每次都早早入廠化妝，刨熟劇本。
飾演夏迎春的陳敏之，與飾演鍾無艷的陳法拉戲份相若，入行13年的陳敏之終於擔正，難免會給自己太大壓力。
今次陳敏之在新劇《東西宮略》終於擢升一線，飾演夏迎春一角，跟陳法拉的鍾無艷戲份不相伯仲，開工時間同樣要鬥長，閒閒哋一日拍十多個小時。本月中，法拉就率先自爆捱到面癱，表示煞科後要請大假回娘家美國休息。
日接夜捱殘
身體狀況一向麻麻的陳敏之，雖然獲公司睇重，劇接劇之餘，要返大陸登台搵真銀，又要兼顧下星期台慶頒獎典禮的司儀重任。早前於電視城趕戲期間，她終於壓力爆煲，突然情緒失控，掩面衝入洗手間嚎哭。
據《東》劇劇組人員透露：「陳敏之今次有機會坐正，佢自己好大壓力同緊張，成日悶悶不樂咁。有次拍拍吓廠景，佢突然匿埋入廁所喊，鎖埋門十幾分鐘唔出嚟。啲工作人員都驚佢有事，喺出面猛問佢有咩唔開心？佢就話『冇嘢』。過咗幾分鐘，佢發洩完又當冇事咁返埋位繼續開工。我哋好驚佢會抑鬱，所以之後都有同佢玩吓魔術同講吓笑。」
無綫台慶當晚，陳敏之雖然打扮高貴大方，但忽然精神呆滯，更自動波揭開長裙，因而露黑底，令在場人士甚為驚訝。
今年32歲的陳敏之早前才肯公開承認與經營燈飾生意的男友William拍拖。最近敏之情緒不穩，男友亦不時貼身照顧，十分細心。《壹週刊》圖片
上周五（25日）陳敏之與陳智燊等人到名店揀選台慶頒獎禮首飾。甫到場的陳敏之一臉不耐煩，更忟憎地與現場工作人員訴苦。
阮兆祥開解敏之
身為敏之同劇拍檔兼好友的阮兆祥，原來在事發前已發現對方情緒有異，拍攝期間更充當敏之的輔導員，煲定湯水給她調養身體。為此祥仔說：「佢好重視今次機會，先會俾咁大壓力自己啫。（佢開工期間，壓力大到匿埋廁所喊喎。）不如咁講，我其實係情緒健康大使。我有試過開解佢，又有同佢玩iPhone啲情緒健康APPS，發洩完，家陣佢狀況係OK嘅。」看來祥仔為幫敏之解決情緒問題，都出過不少心力。
陳法拉則表示：「套劇故事係圍繞住我同敏之嘅角色，唔止佢壓力大，我都拍得好辛苦，身體都有唔舒服。不過睇得出佢真係好重視今次機會，係好投入角色，但佢有冇喊我就唔係好清楚啦。」至於呂慧儀則說：「嗰日我都喺現場，見佢好少出聲，佢有冇喊我就唔清楚，不過做藝人點會冇壓力吖！」
睇得出佢好重視今次機會，好投入角色。（真實對白）
我係情緒大使，係有試過開解佢！（真實對白）
佢嗰日好少出聲！（真實對白）
承認以喊宣洩
上周二（22日），記者發現陳敏之到電視城入廠拍《東》劇，對於自己因壓力瀕臨崩潰邊緣，她未有否認：「壓力係我自己俾自己，因為身體一向唔好，近排就算好攰，攤上牀闔埋眼就會見到好多工作時嘅畫面，唔可以即刻瞓到。」之後記者再問她匿入洗手間喊一事，她停頓數秒，大力吸口氣再說：「可能嗰晚係拍喊戲啦……就算係，我都係宣洩吓啫。」至於有否尋求醫生協助和如何減壓，她則沒有回應。
醫生籲家人多關心
陳敏之03年喪父後，除了痛失一位至親之外，從此更要負起養家重任。不過近年她無奈因病停工，阻礙事業發展，難怪如今復工擔正，不容有失的她會壓力爆煲。
對於因壓力瀕崩潰邊緣而喪喊，著名精神科醫生丁錫全表示，這是屬於抑鬱症情緒病的一種，情況屬最輕微。「有呢個病會成日有想喊衝動，係無緣無故就會流眼淚，情緒好低落、好煩躁，甚至失控。」
丁醫生又謂，病者大可以找朋友及家人關心、傾訴，維持社交活動最緊要，很快便會康復。若然不幸病發至最嚴重階段，便一定要尋求醫治。切記留意病患者日常行為，有否自殺風險。
Orignal From: 壓力爆煲 陳敏之衝入廁所嚎哭
沒有留言:
發佈留言