深得高層樂易玲愛錫的無綫小花樂瞳，在「飛躍進步女藝員」提名中被封大熱之一，原本要出國拍特輯的她突然獲「御准」留港出席頒獎禮，難怪她日前笑晒試性感戰衣，看來成竹在「胸」！
今年進步極大的樂瞳，年中憑《點解阿Sir係阿Sir》的「中女」一角彈出，直至年底再憑《法證先鋒Ⅲ》的「天眼少女」標尾會，獲封為新一代「宅男女神」，並曾連續十多個星期成為TVB官網的Blog王！提名「飛躍進步女藝員」的她將決戰年資相當的馬賽、黃智雯、龔嘉欣及高海寧，但她仍被睇高一線！
日前，樂瞳往名店Miss Sixty挑選戰衣，揀衫揀鞋時不經意流露出勝利笑容，成竹在胸！她先後換上三套晚裝，當中對較有女人味的晚裝情有獨鍾，還主動要求拿走肩帶，將晚裝變成Tube Dress，似乎想一洗童顏形象。最後，她換上一套連身裙時谷出「小籠包」，看來想以性感迎戰！
諗定多謝樂小姐
其實樂瞳如此勝券在握，原來事出有因！有指她原本被安排往日本拍攝旅遊特輯，逗留至月中才返港，無緣出席台慶頒獎禮。特輯籌備期間，無綫突然改派「蜜瓜」關婉珊頂上往日本，讓高層樂易玲愛將樂瞳可留港出席頒獎禮，擺明是想她親自上台領獎。
對無綫的突然舉動，她解釋只因撞正拍攝新劇《護花危情》，但亦有信心可得獎：「今年嘅飛躍幅度好大，所以都好有信心！其實攞唔攞到都好，最緊要扮靚靚出席。（最想多謝邊個？）多謝樂小姐、監製劉家豪同梅小青提攜。」認真識撈！
樂瞳換上連身裙時谷出身材，當堂女人味大增！
被捧為大熱的樂瞳穿梭名店揀衫時笑晒口，似乎勝券在握。
樂瞳換上多個不同造型，由少女Upgrade變「熟女」。
樂瞳將晚裝變成性感Tube Dress，一於上台晒本錢！
高海寧甘陪跑馬賽自詡有A
台慶頒獎禮將至，除了視帝視后爭崩頭外，其他獎項亦競爭激烈，同是港姐出身的馬賽與高海寧，今年齊齊角逐「飛躍進步女藝員」，但仍無損姊妹情，雙雙晒Chok樣兼扮錫錫，打破爭獎與是非的必然關係！
姊妹情深抑或爭獎重要？馬賽與高海寧今年選擇前者，雖然雙雙入圍「飛躍進步女藝員」，但二人依然Friend過打Band，拍攝時默契十足。胸無城府的高海寧直言甘願陪跑：「我同馬賽都係港姐出身，睇住佢一路劇接劇，表現有進步，自己就留喺綜藝節目，所以我都有上網投佢一票o架！（信心？）一啲都冇，但其他四位入圍者就叮噹馬頭，嗰晚咪當扮靚，順便八吓邊個攞獎。」
以阿佘為目標
問到會否希望如馬賽般頻拍劇？她恨到出口，並感謝監製李添勝邀她參演《天梯》：「呢套劇令我開竅，希望好似海綿咁愈吸愈多！」
至於馬賽則自信爆棚：「今年好多劇出街，觀眾都睇到我嘅進步，成績表冇A都有A-啦！（信心？）有o架！但保持平常心，唔想希望愈大失望愈大。」她又感激前輩的鼓勵：「Bobby哥（歐陽震華）同麥包都話睇好我，但前者話攞獎係命運，自己控制唔到，其實得到行內人認同已經好開心。」
雖然馬賽謙稱演技略欠火候，但亦以視后佘詩曼為目標：「我想好似阿佘咁，演咩似咩，每部戲都好似考試咁，希望一套比一套高分！」
阿彭
馬賽（左）跟高海寧甚有默契，齊齊對鏡頭大Chok甫士影相！
高海寧（右）跟馬賽作狀咀嘴，力證爭獎無損友情。
Orignal From: 樂瞳出戰「飛躍」成竹在胸 高海寧甘陪跑馬賽自詡有A
沒有留言:
發佈留言