柏豪昨日接受商台訪問，半推半就與玻璃杯尷尬合照。設計對白
歌手周柏豪近年不甘被規範成偶像派，於是在專欄發佈其拍攝照片及感性文字展示才情，但字裏行間有點為賦新辭強說愁，將無病呻吟當成詩意。上月底他在 Facebook留下一段感嘆水杯被打破的 200字短文，提到自己用 15分鐘去欣賞水杯美態，又把玻璃碎排列好拍照，最後聲稱從破水杯中悟出一個無人知曉的答案，集戲劇性、懸疑性於一身。
當日柏豪把玻璃碎整齊排列拍照，不過咁危險，小朋友千祈唔好學柏豪哥哥！攝影：周柏豪
《抽》無綫新聞
「有時用上慢鏡，可能比正常的形態更美」
「此起彼落的灌籃聲，或許是球迷看球賽聽過最美好的聲音。」
「開心咁多人留意」
誰知柏豪禪師的感性行文，卻換來全城瘋狂抽水，網友狂轟潮文狗屁不通，並將潮文瘋狂改編，甚至以朗誦形式讀出放上網，連無綫新聞都引用潮文來報道 NBA球隊湖人大勝山貓的賽事：「有時用上慢鏡，可能比正常的形態更美」、「此起彼落的灌籃聲，或許是球迷看球賽聽過最美好的聲音。」令球賽報道添上幾分詩意。至於亞視《馬上全接觸》也連環抽水，男主持表示撕爛了貼士，然後用 15分鐘欣賞紙碎的美態，女主持則責備他不要扮「靚仔大文豪」。小小水杯令柏豪花了人生的 30分鐘去欣賞、拍照和打掃，他珍視水杯的程度，激發起宜家傢俬引用來賣廣告：「打爛心愛嘅水杯，唔打緊，就換隻新水杯吧！」
被抽到變人乾的柏豪應懂得愁滋味，但前日他在其雜誌專欄依然故我：「儘管被世界取笑，拋棄，只要自己愛的人，認同自己和一起欣賞目前，可能只是碎片幾塊，甚至乎是垃圾一堆，那又有甚麼所謂呢？」相信他打破水杯時，是與拍拖 4年、在 I.T任職採購的正印女友 Stephanie一起欣賞，文中謂悟出的答案，相信便是其女友。
柏豪昨日到商台宣傳新碟，記者一早放了隻玻璃杯在枱上，他見到時面露尷尬，並將水杯放枱底，但最後也應要求放回枱上。問他因打爛水杯而找到的答案是指甚麼？他說：「係私人事唔講得，但唔關感情事。總之當日我唔開心，入廚房搵嘢食，點知打爛咗個杯，咁啱啲射燈射落去，折射得好靚，咁我咪影低。」他續說：「其實我唔覺有乜值得討論，不過都開心，有咁多人留意，絕對唔會尷尬，我又唔係攻擊人，亦唔覺俾人插。」
《再抽》亞視賽馬
男：我今日唔小心將啲心水撕爛咗，然後我用 15分鐘去欣賞佢，我發現呢一堆紙碎，係我今日見過最美好嘅嘢。
女：唔好學人哋扮靚仔大文豪啦！
《勁抽》宜家廣告
「打爛心愛嘅水杯，唔打緊，就換隻新水杯吧！」
陶傑：題材無聊
早前柏豪被拍到與正印女友行街。《 Face》圖片
談到連宜家都抽他水，柏豪笑說：「唔緊要，但有朋友笑我話我以後去買嘢有折頭，難得咁大品牌都有留意，都係好事。」有網友指他扮金句王黎明，他說：「我用嘅文字冇深度，小學三年班嘅文字，好易好淺。」他透露當日為玻璃碎拍了多張相片，問他會否集齊出影集？他說：「我嘅 fans page有 10萬人，但留言嘅只有 1萬左右，我唔會講定要幾多人留意先做啲乜，因為網上威力好大，我唔會亂講嘢。」
另外，提到柏豪的文筆，陶傑昨在電話說：「文筆冇問題，但打爛玻璃杯嘅聲音有幾美妙呢？打爛玻璃杯啟發到啲乜嘢呢？唔見到有！成篇文冇聯繫，功力未夠，想寫出感觸文章，過多十幾年啦，佢家都係寫番點追女仔好過喇。創意係有，但題材無聊，畀五十幾分啦。」至於任教中文科的補習社導師曾 sir也謂柏豪犯了一般中學生的通病，就是無病呻吟，他說：「打爛玻璃杯嘅聲唔美妙，亦唔見有乜嘢人生哲理，加上文筆唔通順，基本上係爛文。」
採訪、攝影：林妃、胡比
潮文原文
今天不小心把心愛的水杯打碎了 事後我用了十五分鐘去細心欣賞 發現打碎了的玻璃碎 竟然比起平日那個形態更美 然後我再用了十分鐘去打掃地方 再為其拍照 這短短的三十分鐘 算是今天我思緒最安穩的時間 打碎了的水杯 是我今天看過最美好的東西 而那水杯著地的那一聲 是聽過最美好的聲音 原來人生覺得最爛的事情 也未必是最糟 因為最糟的 可能一直就在眼前而未曾發現 又或者根本就是自己 我想我找到了答案
柏豪碎杯 30分鐘紀實
周柏豪日前打碎玻璃杯，在三十分鐘內將之欣賞、打掃和拍照。
設計圖片及對白
Orignal From: 碎玻璃潮文 笑到不行了 全城抽乾周柏豪
沒有留言:
發佈留言