王維基任主席的城市電訊昨日以逾50億港元出售電訊業務，集中火力發展多媒體市場。由於手持重量級銀彈，據知他將再加碼以大好「錢」途利誘無綫藝人過檔，並已鎖定五大目標！
有「電訊魔童」之稱的王維基，自申請免費電視牌照後便集中火力向無綫大挖角，廣發挖角短訊兼大開「水喉」，令無綫出現前所未見的逃亡潮，昨日再有新發展！城電公布以逾50億港元出售電訊業務，並重點發展多媒體業務包括免費電視，傳聞將增聘台前幕後職藝員達700人，如今王維基水頭充足，勢掀「翻挖」熱潮。據知，他已鎖定視帝、視后鄭嘉穎與胡杏兒、剛約滿無綫的馬浚偉與宣萱，以及在內地吸金的林保怡加盟！除了積極向小生花旦挖角外，有消息指王維基最近以五萬元一集利誘二、三線小生包括曾偉權過檔，相信一線挖角價更會達至天價！
暗示有傾偈
記者昨日致電相關一線小生求證，自由身的林保怡暗示「有傾偈」：「聽到呢個係好事，有足夠彈藥搞更多大製作，一路同王維基傾緊但未正式提過價錢。其實任何電視台都可以傾，有好劇本就會拍，價錢唔係主要，亦唔知佢畀幾高！如果收20、30萬一集但拍出嚟效果唔好，我情願唔賺！寧願收少啲，將啲錢放喺製作上。」馬浚偉亦承認去年已與王維基接觸，但雙方並無洽談價錢，問到銀彈下會否心動？他表示酬勞並非重點，亦要看誠意：「就算TVB搵我，都等我拍埋套內地劇先。」對於城電投放更多資源拓展電視業務，他認為有競爭才有進步：「TVB一切都完善，王維基雄心壯志，相信會令香港電視界展開新一頁。」曾盛傳有意離開無綫向外闖的鄭嘉穎，至截稿前仍未有回覆。
首重好製作
花旦方面，宣萱坦承去年曾與王維基接觸過，坦言若對方再邀請會感興趣，但並非看重金錢：「對演員嚟講，錢係要搵，但若然畀多多錢拍埋啲垃圾，對演員唔係好事，希望佢拍多啲好製作。」視后胡杏兒則說：「有競爭先有進步，電視業百花齊放，大家都好。」至於杏兒另一半、曾收挖角短訊的黃宗澤表示不清楚：「身為演員係做好本分，無綫好多大製作都投放好多資源，好似嚟緊《衝上雲霄2》，所以好難比較。」另一挖角對象陳豪則表示要建立電視企業，需要資金非常龐大，希望在城電的手足有更好發展。
對於王維基的挑戰，無綫外事部副總監曾醒明說：「歡迎公平競爭，會不斷投入資源加強製作，但就唔係為咗新競爭者，TVB一向係同自己競爭。」
8月搶攻 全實景劇
王維基集中大量資源進軍電視界，據知他將繼續大手筆廣簽演員，城電亦會陸續開劇，最新是林文龍、姜大偉與艾威等於8月拍攝時裝劇，更以全實景拍攝！城電位於將軍澳的製作基地仍在打樁中，但他已租用西貢成豐片場其中三個錄影廠，現正裝修中。
記者致電姜大偉求證，他坦言剛聽到王維基斥巨資投入電視業務，認為這樣也好，大家要努力；艾威坦承將與林文龍及姜大偉等合作，對老闆王維基甚有信心。
法拉撐娘家全球化冇得比
陳法拉與陳敏之昨日錄影投資節目，談及王維基集中巨資攻視界，法拉坦言不擔心受威脅：「佢手頭上有咁多資金，證明真係有心搞電視。（威脅無綫？）唔同，TVB嘅市場係環球性，唔淨止本地。」敏之則表示贊成：「有競爭先有進步，任何電視台搞得好都可以推動無綫。」
問到投資心得，法拉指現時手持現金不敢進取：「我有少少股票，香港樓價太高買唔落！（唔怕現金貶值？）冇辦法啦！我揸美國護照連人民幣戶口都開唔到。（叫男友幫你投資？）唔會啦！」敏之則透露由母親管理積蓄：「我本身有層樓，都想買多層收租，依家Keep住有睇樓，但人哋話遲啲樓價會跌，所以儲定彈藥睇定啲先。」
叛將張可頤讚好：有資源先有進步
自由身藝人宣萱、林保怡與馬浚偉對加盟城電心郁郁，已落實加盟的張可頤則賣花讚花香，激讚新公司投放更多資源發展電視是好事：「睇到公司投放咁多資源好開心，有資源先有進步。」另一過檔花旦唐寧則笑言向來專注的王維基「廿四小時唔夠使」，很高興對方現時有更多精力發展電視業務。同樣過檔王維基後「升呢」花旦拍劇的陳霽平則讚新老闆作風大膽兼有創意。
至於城電男藝人亦對公司變動大表支持，黃日華透過助手指對新公司有信心；元華則稱雖不知是好是壞，但撐王維基改攻電視會有更好作為。
Orignal From: 王維基套現50億 強挖無綫小生花旦
沒有留言:
發佈留言