封面
爆女歌星獻身醜聞
2012年04月11日
楊受成早前在自傳《爭氣》中自爆曾經同女藝員到九龍塘時鐘酒店開房，一班 70年代花旦被翻舊帳，全城競猜誰是「花花」。
娛樂圈係大染缸，一位曾活躍於本地樂壇、入行逾廿年的混血音樂人，最近向同行爆出女歌星獻身醜聞，有玉女歌星為了成功出唱片而主動色誘，另一豪放歌后則在出道初期濫交，揭開女歌星與音樂人的複雜關係，勢必掀起眾女神歌星大恐慌。
娛樂圈競爭激烈、入行難，想成功上位更難！女星為求名利，博老細好感不惜獻身成日都聽到。
玉女歌星借醉送上門
玉女歌手在酒吧內「借醉行兇」，騎上混血音樂人大髀，被色誘的音樂人亦非常受落， 2人其後直落。
混血音樂人 入行逾廿年
爆料音樂人是混血兒，在音樂界打滾逾廿年，早年以藝名幫過唔少歌星作曲及編曲，先後在中、港、台發展，更曾在香港的唱歌學校作星級導師，培育新一代歌手。
醉酒主動擒
一名於音樂界打滾逾廿年的混血音樂人，近日就向身邊人爆出曾跟至少兩名女歌星有不尋常關係，女星願意獻身的原因只是想出唱片。知情人士透露：「做得藝人，唱埋歌梗係最好啦，可以去外地登台、開演唱會，有知名度又可以搵多好多錢，遇着一啲行內幕後老手，話有機會畀你，自然要識得有嘢『回報』，益番人哋啦！」
一些心頭高的藝人都想向樂壇發展，有些為了做歌星會不擇手段，甚至主動獻身。
混血音樂人指其中一位甘願為出唱片而獻身的，是樣貌標致、說話嗲聲嗲氣的玉女歌手。他的身邊人透露：「個女仔係毒男女神，咪睇佢平時好純好玉女咁款呀，查實真人好鬼狂野 㗎！有次同佢仲有幾個圈中人去飲酒，佢當時好想唱歌出碟；個女仔飲 咗幾杯突然發酒癲，借醉騎上佢大髀搞 㷫人！有女送上門梗係咪走寶啦，之後佢兩個仲一齊走添。」玉女歌手事後繼續在幕前扮純情，其後雖推出了個人大碟，始終上不到一線。
豪放歌后出道濫交
混血音樂人又爆出一名 80年代出道的豪放歌后，為求達到出唱片的目的，主動引誘他上酒店開房。
黐音樂人有 so
入得樂壇，有靠山自然 着數 啲，音樂監製或者經理人可以話係最可靠的靠山，唔少藝人都係因為泊到好碼頭至有今日，不過呢行都有好多係真正靠勤力同實力嘅，唔好一竹篙打一船人。
老闆照
JJ賈曉晨曾屬「上海仔」郭永鴻經營的娛樂公司「 Joy Star Artiste Managament Ltd.」旗下藝人，其後上海仔收手離場，將 JJ過繼給陳百祥打骰的「 SNAZZ」。阿叻非常愛錫 JJ，力捧她成為「美女廚神」，又推出寫真集及國語專輯，令 JJ成為不少宅男中的女神。
高層錫
鍾嘉欣 08年在無 綫安排下，簽約當時的「星娛樂」，立即成為高層 Herman（何哲圖）新寵，對嘉欣寵愛有加， Herman除親自出馬陪嘉欣出席活動，更曾被週刊拍到攬腰掃背等熱情行為。後來「星娛樂」轉新 label「星煥國際」，身為愛將的嘉欣亦於去年跟隨 Herman過檔。
監製睇
《忽然 1周》圖片
衞蘭 18歲就跟黎明做和音，之後被雷頌德發掘才簽約成為 Amusic首位藝人，但雷頌德要她練歌及練好廣東話才能正式出道，終於衞蘭一出道即橫掃各大音樂頒獎禮的新人獎，大部分歌曲及專輯由雷頌德監製。
80年代豪放女
混血音樂人又倒數至 80年代出道的女歌手，混血音樂人認識她時她已有另一半，但性格爽朗又豪放的她甚為濫交，曾經走紅成為歌后，可是為了繼續有碟出仍然要獻身 冧幕後。「當時市道仲係好，呢個女歌手都幾唱得，佢好有男人緣，身邊嘅男人冇停過，聽講佢同好多音樂人有一手，其中混血音樂人係其中一個啦，呢行係咁 㗎啦！」據知這位女歌手沉寂一輪後已再戰歌壇。
玉女歌手有好多，《當旺爸爸》的鍾嘉欣都是清純玉女路線，她透過經理人 Herman回覆：「 Linda一滴酒都唔飲好自律 㗎，更加唔會做 啲咁嘅嘢啦！」
同樣是毒男女神的糖妹，週一（ 9日）於活動上則回應：「睇吓影射邊個啦，唔關我事，一定唔關我事。」在旁的糖兄則搞笑地說：「要獻身都獻畀我啦。」糖妹即扁嘴冇佢咁好氣。
身在上海拍攝《名媛望族》，出過碟的 JJ賈曉晨，在電話中則好大反應：「做呢 啲 嘢會嫁唔出 㗎！」表明立場。
性格爽朗的薛凱琪，週一在新碟發布會上聽到傳聞後，覺得不可思議：「有冇發生過都係 嗰對男女 嘅決定啦……我出道 8年都冇聽過呢啲事發生喎。」
而活躍於 80年代的劉美君則說：「我都唔蒲 嘅，我都想知係邊個，不如你話畀我知。」另外一向喜歡獨斷獨行的關淑怡和永遠玉女周慧敏，則透過經理人 Marianne表示：「唔回應。」拒絕同賣肉女歌星扯上關係。
周慧敏
'87出道
玉女周慧敏出道至今都以清純形象示人，她對有女歌手色誘音樂人一事則不願回應。
關淑怡
'86出道
《壹週刊》圖片
關淑怡一向我行我素，身為樂壇天后級的她喜歡狂野打扮， 11年前更秘密未婚產子，至今未肯透露兒子爸爸是誰。
劉美君
'86出道
《壹週刊》圖片
劉美君結過兩次婚，歌曲作品較為大膽，不少更涉及性題材。 2千年推出國語碟《愛自己》後甚少幕前演出，直至 08年宣布復出。
爆開有癮
過去有不少名人藝人自爆醜聞，引致滿城風雨，是真是假就要靠雪亮眼睛睇清楚。
楊受成女星開房
《蘋果日報》圖片
楊受成在自傳《爭氣》中，自爆 70年代時曾與女星開房，一班當年紅極一時的女藝人被拖落水，紛紛耍手否認自己就是「花花」，引起一陣恐慌。
傅穎遭毒打
《忽然 1周》圖片
去年傅穎在微博上，自爆與羅仲謙的戀情，更聲稱曾被對方毒打，自己身上有多處瘀傷；而這次爆料事前經理人公司星皓娛樂毫不知情，故將傅穎雪藏，同公司的羅仲謙則劇照拍、舞照跳。
杜德偉揭毒 P
《蘋果日報》圖片
杜德偉兩年前楊言會出書，數臭俾天后搶助手、男歌星開毒 P內情等，不過最後卻得個講字，出唔成書。
Orignal From: 爆女歌星獻身醜聞
沒有留言:
發佈留言