唔做「情癡」，揚言要專注事業的唐詩詠繼去年勇奪「飛躍進步女藝員」後再下一城，今年升呢成為候選「最佳女配角」之一，跟陳敏之、陳茵媺、江美儀、陳曼娜鬥過你死我活！但講到得獎機會，她就有保留說：「個個都有爆點，曼娜姐同江美儀表現突出；陳敏之又因為拍《怒火街頭》博到受傷，真係強敵當前，我又唔可以話對自己冇信心，唯有用黑馬去形容啦，我反而希望試多啲唔同角色，好似《法證先鋒3》裏面的壞女人，有人話好想打我呀！迴響愈大我愈高興！」
作為朋友的崔建邦，有冇乘機鼓勵你呀？Natalie語帶肯定說：「肯定冇，在我嚟講，反而旁人或前輩級的鼓勵更加重要。」
認上邦邦屋企
經常影到做埋柴可夫司機，出入崔家的唐詩詠談到跟Amigo的關係說：「我同佢只係普通朋友咯，識咗咁多年，要認真分嘅話，係傾到偈，好Close嘅朋友，我哋乜都傾，但絕對唔係男朋友嗰種，連拖手仔都冇！不過，有單獨去佢屋企食飯。」明眼人見崔建邦黐得咁埋都有心想復合啦？Natalie即敏感避談：「佢應該專心做嘢，就算有心，都唔好呢刻，（有冇機會復合先？）感情要講緣份。」
Natalie又開出擇偶條件：「錫我啦，對我朋友好，有義氣，孝順！（忠誠呢？）都要！」以往崔建邦花心與忠誠距離頗遠，何解仲死心塌地愛他？Natalie表示：「件事唔係咁㗎，個世界咁大，我仲有人追㗎，只係唔啱；以前同佢拍拖時係（死心塌地），但都過咗去。如果話，男人唔壞，女人唔愛，在男人角度，女人唔壞，男人唔愛啫，男人有時都幾麻煩，主要睇吓兩個人夾唔夾。」不過，Natalie又忍不住替邦邦講好話：「外界標籤佢唔好，我都想佢好！而家只係靠佢自己努力洗底，我冇得幫！」
唐詩詠認曾死心塌地愛崔建邦，但這些已成過去。
Natalie今年十分爆，事業愛情皆多新聞。
Orignal From: 唐詩詠：男人幾麻煩 認曾死心塌地愛邦邦
沒有留言:
發佈留言