陳展鵬與楊怡今年同以《真相》一劇角逐喜愛電視角色獎項，展鵬坦言雖對自己相當有信心，但都會平常心看待，此劇乃他首套擔正演出，多謝監製王心慰及高層曾勵珍一直給機會。一直被指是「珍姐」寵兒的他被問到會否希望對方投他一票時，他說：「梗係希望，不過珍姐向來對事不對人，就算投都唔會係因為我，而係會平衡所有演員質量而投。」
問到覺得此獎勁敵是誰，他坦言：「我對自己有信心㗎！如果要揀，會揀黃宗澤，其實我覺得佢有絕對實力攞男主角，不過攞唔到都希望佢攞到喜愛男角色。」
楊怡揚言若得獎一定會落淚。
陳展鵬多謝珍姐一直畀機會他。
陳豪對自己冇信心，反睇好鍾嘉欣捧獎。
自私啲投己一票
而楊怡表示向來不會給壓力自己，而且都參與多年，誰攞獎都開心，她說：「尤其今年，好多候選都係同輩，就好似一班同學等攞成績表咁，感覺反而輕鬆。」說到勁敵，她笑言自己都有參演《點解阿Sir係阿Sir》，更睇好Miss Koo鍾嘉欣，她謂：「咁真係要返學校同校長傾傾，不過自私啲都要投自己一票，如果贏到對自己都有交代。」她又表示如果攞獎，一定會喊，會毫不保留，因這是她真性情。
撐鍾嘉欣喊出位
而以《點解阿Sir係阿Sir》角逐喜愛男角色的陳豪於劇中欺騙Miss Koo感情，他坦言今年對此獎沒有太大信心，對劇中角色更是不敢恭維。問他是否因角色欺騙感情，他謂：「呢樣嘢反而唔理，作為演員，我哋嘅作用係波動觀眾情緒，我對自己冇信心，反而支持鍾嘉欣，佢喺劇中嗰場喊戲咁突出，睇吓佢好唔好彩啦！」
Orignal From: 楊怡陳展鵬揭「最喜愛」真相
沒有留言:
發佈留言