2011年11月23日星期三

馬德鐘老婆傳嗌離婚 揭借醉非禮另一版本 馬德鐘:老婆好信我

發聲明圖洗狼名
馬德鐘老婆傳嗌離婚


【抽水門之婚姻危機】馬德鐘、陳浩民上周在橫店涉向陳嘉桓抽水,二人可謂講多錯多,馬德鐘還被鬧將責任全推到陳浩民身上,據知馬德鐘太太張筱蘭得知此事十分嬲怒要求離婚,馬為挽救婚姻力洗污名。馬德鐘昨更發聲明強調自己沒有侵犯及非禮他人。

馬德鐘、陳浩民以非一般「好客之道」照顧世姪女陳嘉桓,連日來備受各界非議,馬德鐘更表明「後悔沒及時制止」陳浩民,將陳浩民擺上枱,據知原來馬太張筱蘭有感丈夫緋聞不是第一次而嬲爆嗌離婚。馬德鐘昨日在內地開工,就傳離婚以短訊回覆:「別搞事,沒有。」

有傳非禮事件令張筱蘭向丈夫馬德鐘提出離婚。資料圖片

有傳非禮事件令張筱蘭向丈夫馬德鐘提出離婚。資料圖片


馬德鐘昨日發聲明,強調自己並無做過侵犯及非禮行為。

馬德鐘昨日發聲明,強調自己並無做過侵犯及非禮行為。

陳嘉桓回港報案,將事件的嚴重性升級。資料圖片

陳嘉桓回港報案,將事件的嚴重性升級。資料圖片

發聲明還擊陳嘉桓


有傳馬德鐘 06年狂追郭羨妮,馬太氣得帶同兒子遠走法國,分居了一段長時間。

有傳馬德鐘 06年狂追郭羨妮,馬太氣得帶同兒子遠走法國,分居了一段長時間。

陳嘉桓前日在記者會中提到沒想過兩位前輩突然變成另一個人,馬德鐘就陳嘉桓的這番言論,昨午向傳媒發出聲明:「本人嚴正聲明對陳小姐並沒有侵犯及非禮,並沒有意圖向對方作出輕薄行為,根據報道由於事件已交由警方處理,本人不就此事進一步評論。」馬德鐘強調對任何媒體及個人轉載或誇大揑造該事情,及利用言語、文字作人身攻擊,他都保留法律追究權利。對於馬德鐘發聲明質疑陳嘉桓前日言論,陳嘉桓經理人 Ronnie表示沒有回應。

馬德鐘與妻子張筱蘭結婚 18年,經歷過幾番風雨,次次張筱蘭總是心軟返回老公身邊,想不到今次又因為陳嘉桓而再鬧離婚。緋聞成籮的馬神 06年初追求郭羨妮,看不過眼的張筱蘭帶兒子移居法國,實行「冇眼屎乾淨盲」。

不止一次傳出離婚


後來馬德鐘變本加厲,更拖圈外女友 Katherine秘遊泰國斷正。當時張筱蘭由法國返港與丈夫攤牌嗌離婚,惟馬德鐘出動甜言蜜語攻勢,成功挽救婚姻,甚至在人前人後大晒恩愛,重建好男人形象。沒想到經歷這麼多事的馬德鐘沒吸取教訓,致使他再陷入另一次婚姻危機。

揭借醉非禮另一版本 有人熱情主動 馬德鐘:老婆好信我


昨午,被陳嘉桓(Rose)指控酒後變成另一個人的馬德鐘發出聲明,強烈否認曾向女方作出侵犯及非禮,並聲言會保留一切追究權利,緋聞無數的他難得今次作出反抗,看來「雙狼抽水」事件案中有案。事發當晚同樣連走三場的劇組人士,對事件要報警處理感到相當莫名奇妙,爆料人指:「Rose一向好熱情,成日挨落啲男藝人度,嗰晚由第一場晚飯開始,佢已經狂飲烈酒,亦任由在場男人熱情招呼,一直無反抗。」對以上可能為自己洗脫非禮嫌疑的有利言論,接受本報獨家訪問的馬德鐘沒有否認,靜默了數秒後回答:「總之老婆好信我。」

一條鎖匙唔會響,凡事總有兩面。當全民圍插賤狼同時,本報記者聯絡到事發當晚跟「抽水記」三人連走三場的劇組人士,該不便透露姓名的爆料人對一班港星在橫店酒後癲狂事,最終以報警作結感到相當奇怪,還指陳嘉桓一向熱情主動,在劇組當中甚受歡迎。「由晚飯到卡拉OK至食串燒,眾人都無酒不歡,就算陳嘉桓都係,(但女方自稱只飲橙汁。)係鬼,佢咩酒都啱,烈酒同啤酒都有飲,佢本身性格已經好熱情,酒後就熱上加熱,又會主動挨住男人,又會同人耳語,喺卡拉OK度佢已經任陳浩民攬,一直無反抗,而且仲跟大隊走第三場,仲叫助手返酒店先,邊諗到原來佢覺得受咗傷害啫。而且佢一直表現好High,好風騷,聽佢講嘢就知佢唔清醒。」

浩民嘉桓玩開有感情

陳嘉桓師父冼國林對在場人士見Rose被非禮亦見死不救感到非常憤怒,爆料人聽畢即冷笑一聲:「吓,當時成圍枱仲有好多清醒嘅工作人員坐喺度,但佢(Rose)一直無離開個位又無出聲叫唔好,加上之前見佢同陳浩民都係咁玩,女方都無問題,(女方話因為人生路不熟而唔敢走。)咁仲好笑,在場有其他女工作人員,要走一定有人帶到佢走,唔通有火警都仲坐喺度咩?而且既然覺得事件咁嚴重,就應該叫醒洪天明幫手啦。」

馬太信晒老公

對於爆料人的言論,被指對女方狼啜的馬德鐘聽畢記者轉述後沒有否認,只說:「總之老婆好信我,(女方報咗警,有咩打算?)香港警方仲未聯絡我,而我亦搵緊律師,事件無影響我日常生活,都係好平靜咁開工,而且我發咗聲明,都係唔方便回應咁多,(王晶恥笑你喎。)我同浩民有共識,亦溝通過,大家知咩事,晶哥唔知內情先會咁講。」事件發生後,馬德鐘和陳浩民分別作出回應,但反遭外界插爆,尤其前者的一番置身事外的言論,大有與陳浩民劃清界線和卸膊之意,連導演王晶也在微博直斥馬德鐘「賣友求榮」,可能被網友喪鬧,馬德鐘於昨晚已將所有微博刪除。

重案組接手非禮案 識功夫無助防相熟「色狼」陳嘉桓師傅:嗰刻識乜都無用

「雙狼抽水」連續劇愈演愈引人入勝,兩位男主角的回應更令人髮指,但同時亦有人質疑識打功夫的陳嘉桓為何被霸王硬上功後仍然賴死唔走,女方事後解釋:「因為人生路不熟。」其天真又愚蠢的言論瞬即遭無數港女圍插,對於徒弟慘被「孖狼」蹂躪後再被恥笑,冼國林師傅對此既心痛又忿怒:「一個19歲女仔,畀啲識嘅阿叔搞已經驚到手足無措,識乜都無用啦。」

冼國林坦承知道事件後的首個反應就是:「鬧到佢(陳嘉桓)X街,邊有人危機意識咁低㗎?但事後我知自己都鬧得好過份,佢都係受害者。我有同佢分析件事,Rose話佢有反抗亦推開過好多次,係啲癲狗太癲,佢反抗唔到。」

對於徒弟賴死唔走之謎,冼師傅不厭其煩地替徒弟解釋:「第一,當時得洪天明有車,所以要等天明醉醒後先可以走,去過橫店嘅人就會知,嗰度好荒蕪,交通好唔方便。第二,?一個19歲女仔畀一個完全唔識嘅人非禮絕對會反抗,但Rose同佢哋處於熟與唔熟之間,唔知反唔反面好,佢根本唔知點做,咁好正常吖。」

怒插陳浩民是契弟

「連黃玉郎都話啦,無人夠膽喺燈光火着下搞啲咁嘅嘢,但嗰條契弟仲伸手入佢(陳嘉桓)件衫入面,真係好過份呀,一個19歲女仔,畀啲識嘅阿叔搞已經驚到手足無措,識乜春都無用啦,嗰個環境,咩功夫都唔記得。嗰條契弟起初仲唔認,仲話人抽佢水,呢啲咪賤人囉,我夠膽講呀,今時今日喺香港呀,啲人識陳嘉桓多過識你陳浩民啦,你仲食緊孫悟空嘅老本咋,仲話人抽你水,癡線。」

圖文並茂 證據充分

事件另一男角馬德鐘在微博上聲稱已跟冼國林同陳嘉桓道歉,並得到兩人的諒解。

對於兩位男角有否致電道歉,冼師傅好肯定地說:「無,但有好多人搵過我,全部都係同佢哋求情,大家都提出好多方案希望好好解決呢件事,而今日我都會同樂小姐見面(有否信心將色狼送入監倉?)去年雲南有單香港社工性侵犯該地女孩案件,最後社工被重判8年,證明喺海外犯法同樣可以喺香港接受法律制裁,總之我知道雜誌仲有段片,證據好充足,而家單案已經由重案組接手。」

陳嘉桓再返傷心地

前晚,陳嘉桓由經理人陪同下飛返橫店繼續拍《笑聲震武林》,有傳有勢力人士曾叫她收聲,Rose稱未看報道,因為警方及律師告訴她現階段不方便講太多意見,只強調再返橫店後除了開工便不會離開酒店,問到兩位男角公開道歉會否接受?經理人即搶答會阻止和不接受。其實,Rose拍的是電影《笑聲震武林》,而兩位男角是拍另一套民初劇《藍蝶之迷》,所以Rose的粉絲們不用擔心。

Orignal From: 馬德鐘老婆傳嗌離婚 揭借醉非禮另一版本 馬德鐘:老婆好信我

沒有留言:

發佈留言