向陳嘉桓三鞠躬道歉
陳浩民攬妻痛哭發軟蹄
【抽水門之賤狼崩潰】 19歲宅男女神陳嘉桓日前在橫店消夜時，遭陳浩民和馬德鐘輪流抽水，陳浩民昨日首度開腔謝罪，其妻蔣麗莎挺着巨肚撐夫。陳浩民三度鞠躬向陳嘉桓道歉，又攬着妻子痛哭，離場時更哭至發軟蹄。
陳浩民上周與馬德鐘在橫店消夜，兩名人夫席間被拍到輪流向陳嘉桓抽水，嘉桓大前日在港報警。陳浩民昨日偕同下周一剖腹產女的太太蔣麗莎現身觀塘的酒樓向陳嘉桓謝罪，記者會歷時 20多分鐘，他喪喊道歉，大肚老婆為撐夫也淚如雨下。陳浩民拿着貓紙誦讀聲明 7分鐘，其間三度鞠躬，四次道歉，他臨走時又發軟蹄，反要妻子安慰，網友即時插爆陳浩民演大龍鳳。
陳浩民甫進場，安頓太太坐下後，隨即由衫袋拿出貓紙，沉默半分鐘醞釀情緒才開腔說：「就上個禮拜我同陳嘉桓小姐所發生嘅不愉快事件，我喺度（低頭沉思）衷心咁同嘉桓講聲對唔住。（站起）對唔住。（ 90度鞠躬 5秒，坐下，唞了大氣）我承認當日我係飲多咗酒，係過份咗，做出咗啲唔禮貌嘅行為，我家承認我真係做錯咗。」
陳浩民昨午開記招謝罪喪喊，與大肚老婆互相攙扶。
為表誠意，陳浩民三度鞠躬，向陳嘉桓致歉。
陳浩民道歉時聲淚俱下，非常激動。 DV圖片
「冇心令嘉桓受傷害」
陳浩民續說：「我真係冇心，我冇心令嘉桓受傷害，但我知道今次真係令到佢好難堪同好難過，我喺呢度再次向佢、佢嘅屋企人、同埋痛錫佢嘅朋友，因為我無心之失，一時飲多咗，而帶畀佢咁多麻煩，令到佢身邊愛錫佢嘅人擔心、感到難過，我喺呢度同佢講一聲對唔住。
「今次醉酒行為我感到好後悔，因為我亦都令到我嘅屋企人、好多關心我嘅好朋友，佢哋好傷心、好失望，尤其係我身邊嘅太太（陳突然哽咽，不停擰頭作哭狀）我真係錯啦！」陳浩民一臉痛苦，但未見擠出眼淚，雖泣不成聲，他不停擰頭、啜泣、咳嗽，蔣麗莎遞上紙巾，並掃老公膊頭予以安慰。此時，陳浩民已不能說話，不停用紙巾拭淚，蔣麗莎也起勢啜泣，但明顯平靜得多。之後，陳浩民望着蔣麗莎說：「佢有快要出生嘅 BB，我真係好後悔，咁大個人都仲咁貪玩（眼淚滴下，又再拭淚及嘆氣）我唔知可以做啲乜嘢可以彌補到今次過失，但係不幸中嘅大幸，我得到我太太嘅原諒同埋信任，畀機會我改過自新，做番一個有承擔、同埋肯改過嘅爸爸同埋丈夫。」
陳浩民昨日離開時遺下貓紙，字裏行間竟然有提示何時鞠躬（紅框示）。
陳浩民離開時突然發軟蹄，認真誇張。
「今後我會努力戒酒」
當陳浩民向傳媒誦讀聲明時，其妻蔣麗莎情深款款望着他。
陳浩民極速調整情緒後說：「我同大家承諾，今後我會努力戒酒，我會睇醫生，如果醫生覺得我需要……接受戒酒療程嘅話，我真係樂意接受，因為我真係好想同酒脫離關係。我亦都好希望嘉桓可以接受我嘅道歉（點頭）我再次真誠咁同嘉桓講，對唔住，請你原諒我。（站起鞠躬）有兩位長輩，我都好想同佢道歉，一位係嘉桓嘅媽媽，另外一位係冼師傅，因為今次嘅事件令到兩位前輩感到痛心同埋難過，我係難辭其咎，所以，我喺度向兩位前輩送上我最衷心嘅道歉。對唔住。（鞠躬）」
陳浩民語畢便由蔣麗莎開腔：「這一次浩民是真的認識到自己的過失和過錯，所以我也希望在場的朋友和大家給予浩民一次機會，因為浩民也確實向我承諾，也道歉了好好戒酒，為了我和 BB，可以好好工作，希望大家再次原諒他，也希望陳嘉桓小妹妹能夠原諒浩民，謝謝。」聽到老婆力撐，陳浩民狂哭不停。
貓紙提示鞠躬兩次
記者會後，陳浩民站立欲離開卻突然發軟蹄，反過來要腹大便便的妻子攙扶，他背着鏡頭哭至彎腰，邊呼天搶地哭，邊一拐一拐地離開，就算記者再追問陳嘉桓當晚是否有飲酒和反抗，以及陳浩民會否戒色，他全部充耳不聞。陳浩民離開後卻不慎遺下貓紙，當中竟發現字裏行間有提示何時鞠躬的時間。
對於陳浩民淚功道歉，陳嘉桓的經理人 Ronnie昨以短訊回應：「事件已經交由警方處理，唔再回應。」冼國林也回覆：「我現在很忙，沒有回應。」
馬德鐘無暇返港慰妻
馬德鐘唔認抽水事件惹怒太太要離婚。資料圖片
陳嘉桓被抽水事件爆出，陳浩民率先向當事人兼公眾認衰補鑊，但馬德鐘卻保持緘默，有傳該醜聞激嬲馬德鐘太太張筱蘭主動提離婚。對於婚姻亮紅燈，馬德鐘昨晚回覆本報記者否認其事說：「我唔知點解有呢啲傳聞。」他表示有工開，要到明年 3月才返港。
搬酒店避難
對於當晚被偷拍到向陳嘉桓抽水，馬德鐘避談說：「事件交咗畀警方處理，我又交咗畀律師，唔方便回應。」問到抽水事件可有影響其手頭工作？他說：「托賴，暫時冇影響。」若本港警方需要傳召問話，馬德鐘可會配合？他語調輕鬆回應：「如果有先算。」馬德鐘的心情似乎未受事件影響，他說：「我唔需要特登扮到好開心同唔開心，平常心面對。」
馬德鐘的劇集要到晚上才有通告，前晚他得知陳嘉桓重臨，即急忙由原先所住的貴賓樓酒店，搬到較遠的國貿酒店避難。
網友惡搞施狼爪
陳浩民和馬德鐘被惡搞變成狼人。
抽水門越演越烈，吃了成籮花生的網友大玩惡搞。有人將馬德鐘和陳浩民的合照改圖，兩人戴上狼人面具，套上狼爪，猥瑣相盡現。又有人 key上外籍設計師 Alain Miklitarian早前摸嘉桓的照片在中央，題為「三狼奇案 2011」。
有網民憶起 98年港片《超時空要愛》，有幕梁朝偉抽俏護士水，還大條道理說：「作為一個實驗，我錫你係迫於無奈。」嚇至花容失色的護士說：「你錫我啫，做乜揸我個胸？」朝偉答道：「喺呢個陌生環境入面錫你，自不然會緊張。人一緊張就會搵嘢嚟揸，咁啱揸住你心口，對唔住。」又食又拎又保住正人君子招牌，跟陳浩民現況差得遠矣。
Orignal From: 陳浩民嚎哭向陳嘉桓道歉 網友惡搞施狼爪
沒有留言:
發佈留言