無綫台慶頒獎禮將於下月5日舉行，除視帝視后競爭激烈外，「最佳主持」和「最佳綜藝節目」獎項亦話題十足，過往有「獎門人」和「福祿壽」放笑彈；今年則有草蜢的《華麗明星賽》，由「Chok王」阮兆祥和「Chok后」伍詠薇（伍姑娘）主持的《變身男女Chok Chok Chok》網上人氣勁高，早前伍姑娘偕監製錢國偉及三位「Chok之天使」劉蔚萱、白雲及陳芷尤拉票。
去旅行慶功
伍姑娘對「最佳主持」獎項充滿渴望︰「見到網上走勢咁好幾開心，同好朋友草蜢嘅節目叮噹馬頭，講真邊個拎呢個獎我都開心，但我梗係想攞啦！係大家對呢個Team嘅認同。今次主持呢個節目心目中已經贏咗，如果得獎就『錦上添花』！」問到伍姑娘若得獎會怎樣慶祝？錢國偉即表示計劃去旅行，可Chok去其他地方，伍姑娘亦十分興奮。提到頒獎禮，她稱有揀定戰衣︰「台慶一定要靚，可能同祥仔夾吓有咩特別造型。」問到有否找珠寶商贊助？她指着其胸部說︰「冇呀！我會戴自己副架生去，起碼值3億啦！呢啲自己嘢嚟，肯定你冇。」
碌爆人情卡
首次主持節目，伍姑娘坦言十分緊張及充滿壓力，朋友的短訊打氣令她十分感動︰「第一、二集我同祥仔碌爆人情卡，叫晒啲朋友上嚟，之後所有嘉賓都傳短訊我，好窩心！傑仔（蔡一傑）仲同我食消夜，傾到凌晨3點幾，分享佢做主持經驗，好感動！」此外，伍姑娘大讚祥仔是最佳拍檔︰「祥仔唔會淨係想自己出位，而佢最叻係唔會覺得教緊我，大家有時要面子，如果叫你點樣去做未必受，反而佢教你係好似同你傾偈咁。」
最佳節目主持提名名單
曾華倩、田蕊妮《心有靈犀》
草 蜢《華麗明星賽》
金 剛、阮小儀《街坊廚神》
馬浚偉《大廚出馬》
阮兆祥、伍詠薇
《變身男女Chok Chok Chok》
歐陽靖、林盛斌、陳國鋒、唐嘉麟
《兄弟幫》
最佳綜藝節目提名名單
《華麗明星賽》
《魔法擂台》
《大廚出馬》
《變身男女Chok Chok Chok》
《功夫新星》
專案組
伍姑娘恨攞最佳主持，笑言要騷事業線Chok盡頒獎禮。
伍姑娘、監製錢國偉偕三位Chok之天使齊齊拉票。
伍姑娘感謝監製的賞識及大膽起用她任主持。
伍姑娘已揀定戰衣出席台慶頒獎禮。
伍姑娘（右二）碌爆人情卡，曾邀陳敏之（右起）、胡杏兒和周秀娜等亮相節目。
Orignal From: 伍詠薇Chok三億架生等攞最佳主持
沒有留言:
發佈留言