採訪：杜淑霞 化妝：Jessica Chan 髮型：Matt Chiu@Xarter
胡定欣01年參加無綫「第三屆Covergirl選舉」，連奪三獎兼勇奪全場總冠軍，之後她入藝員訓練班入行。一直安份守己的她，雖然劇接劇，但始終未有突破，那段時期的她除了跟吳浩康的一段情，外界沒甚關注。
08年定欣終變得進取，主動向公司提議參加《舞動奇蹟》，果然「舞出彩虹」，成功突圍還奪得同年頒獎禮的「飛躍進步女藝員獎」，創下事業小高峰。直至去年她演《巾幗梟雄之義海豪情》「麗華」一角，就算拍住視帝黎耀祥和視后鄧萃雯，依然沒有被他們光芒蓋過，演技開始備受肯定。
無心插柳學跳舞
不過原來跳舞跟演戲一樣，都是定欣無心插柳被發現的才華，「中學時本來諗住學Jazz，點知上咗一堂就Cut咗，後尾只有中國舞揀，我男仔頭性格根本就唔鍾意，初頭學得好辛苦，但係老師好肯畀機會我，後尾慢慢有啲成績，做埋主角，估唔到入咗行先發覺跳舞對我幫助好大。」
今年定欣再接再厲，憑《法證先鋒III》的「Eva」及《萬凰之王》「彩藍」，兩個奸角成為觀眾熱烈討論對象，更憑《法證先鋒III》成為「最佳女配角」大熱人選。對於奪獎的信心，她很謙虛地說：「我對自己點都有信心，但個個對手都強，個個都好有機會，唔會諗太多。」
估不到會行的路
其實定欣入行時一心當歌手，當年參加完「新秀」晉身最後四強後，再參加「Covergirl」也為實現這個夢想，結果入行十年始終未能圓夢，「我對唱歌嘅熱情點都唔會變，呢樣興趣係會跟足我一世，有機會依然好想唱歌，但係唔會強求，因為一直以嚟好多路，都係估唔到咁就行咗，順其自然啦！」
由「飛躍進步女演員」到「最佳女配角」，定欣坦言下個目標就是要衝擊「女主角」位置，「我當然希望可以做女主角，因為自己一步步嚟，都做咗快十年，算係打好咗根基，我準備好㗎啦！希望監製都肯畀機會我啦！」談到現在男、女主角都有機會唱主題曲，定欣即時雀躍起來，「係喎！如果做咗主角，都有機會唱主題曲囉！我都想唱主題曲呀！」
希望蘇民峰靈驗
胡定欣跟吳浩康分手後，跟馬國明的緋聞一切維持着，最近還指二人復合，問到兩人關係，她答得爽快，「一直都係好朋友囉！（有發展可能？）聽天由命啦！」她表示也想有段穩定感情，但目前還未找到，「蘇民峰話我2016年會結婚，咁啱嗰陣時我份約啱啱完，都係適當時候，希望趁呢段時間搵到個好對象，如果結婚生BB，我會做全職媽咪。」
Orignal From: 圓歌手夢 望唱主題曲 胡定欣：我要做主角！
沒有留言:
發佈留言