FACE週刊 第235期

封面

騙色狂徒 6萬撩包　陳自瑤龔嘉欣捲入賣淫局

2011年11月23日

娛圈不時傳出女星為搵快錢而甘被包養，不過一向地下進行，本刊卻發現最近竟有一名自稱 Mandy Kwan的女子，大膽兼低莊地透過 facebook結識口靚模，撩人秘撈賣淫；於 fb上明言「我老闆想照顧你」，更開出 6萬月薪肉金引人下海！

日前本刊放蛇聯絡 Mandy，並成功接觸「幕後老闆」、自稱 29歲大律師的 Lawrence，自吹有多年包養女星及 model經驗，更亂噏 2年前自己以 30萬包起 TVB小花陳自瑤一個月，並指另一小花龔嘉欣和前新聞之花林燕玲亦遭其朋友「照顧」，被踢爆後即狂奔速逃。

連新婚人妻 YoYo都拖埋落水，好冇品喎！


Lawrence：我2年前包過陳自瑤！真實對白
上週六（19日），本刊放蛇邀約Lawrence在圓方某餐廳見面，聲稱自己月使7、80萬包女嘅Lawrence，竟要確定唔使埋單，先肯進餐廳與記者面談，縮數諗到盡！

日前，本刊發現有模於 fb上留言指遭中間人 Mandy Kwan撩援交，話有老闆願以 6萬元月包，更以大包圍形式廣發「邀請」。上週四（ 17日），本刊主動 add Mandy的 fb戶口， Mandy極速留言說：「你幫我搵女……我老闆想約佢哋出街， 3,000（元）至 5,000（元）一次……我老闆想包 7個 model， 60,000（元）一個月」，明碼實價之餘，更催促記者致電其老闆傾合作。

本刊遂放蛇致電 Mandy提供之電話，一位自稱 Lawrence的男士接聽，並着記者安排約廿名 model供其揀蟀。



30歲陳自瑤婚前爆出王浩信偷嗒醜模 Cammi，新婚期間又被人亂講曾遭包養，認真當黑！



當場對質
後來本刊與 Lawrence當場對質，問自稱律師嘅佢知否教唆別人賣淫係犯法時，用手掩臉嘅佢話：「我唔知呀！」



慌不擇路
自詡有朋友家住凱旋門嘅 Lawrence，卻明顯對圓方唔識路，來時除咗要記者用電話帶路，連着草都走咗入倔頭巷。



上天水圍巴士
Lawrence見東窗事發，即時推開在場記者，極速逃離餐廳，之後本刊發現他逃上往天水圍的巴士離開。

30萬包 1個月

陳自瑤與王浩信於今年 11月註冊，有傳女方已有兩個月身孕，至截稿前本刊仍未獲 YoYo回覆。

言談間， Lawrence向記者透露自己「今年 29歲、喺中環交易廣場做大律師」、「屋企人開律師樓」及家住港島南區「貝沙灣附近」，又自稱已聘用 Mandy替佢拉客多年，「我識咗佢（ Mandy） 3、 4年，佢一路都幫我搵開 model，但我想其他人幫我搵，然後我畀番 commission（佣金）佢」。

但 Lawrence強調：「咁聽日見面，一開始就似 dating咁，會拖手（與 model）、攬同錫，如果我覺得之後唔 ok就算喇！（咁你會唔會計番錢或者畀車馬費？）唔會 㗎！咁我唔鍾意、唔啱（我）都要畀錢咩！」 Lawrence更向記者吹噓 2年前曾以 30萬包起 TVB小花陳自瑤（ YoYo）一個月，並指另一小花龔嘉欣、和前新聞之花林燕玲亦曾遭其朋友「照顧」，愈作愈離譜。

最後記者相約 Lawrence在上週六（ 19日）於圓方面談，當日他以一件普通 T-shirt、牛仔褲打扮出現，自稱有大班富貴朋友，可以「出到 100萬月包一個。」

拆穿大話局

記者追問佢為何改包模， Lawrence解釋：「我驚俾記者影相，俾人影到瀨晒 嘢，成個封面喎！我包陳自瑤都係 2年前，佢最 down嘅時候，我玩呢 啲 嘢好小心。……（包）陳自瑤嗰時真係同家一樣。（咁龔嘉欣佢哋都有做？）好 X正佢哋！…… 嗰時我包咗陳自瑤一個月，但嗰時太揚，費事俾記者影到。（佢係上你屋企？）佢係上我屋企。」

當記者自揭身份，質問他知否犯法時，事敗 Lawrence即掩面逃離現場。其後他竟接聽記者來電：「我同 friend講晒今日嘅嘢，我家驚晒喇！（你知唔知你咁做犯法？）我就唔知犯法嘅！我自己冇做過！（你又話包過陳自瑤？）我啲 friend啫嘛！我唔講任何嘢㗎啦！」明顯前言不對後語，本刊再質問他是否化名 Mandy在網上搵獵物及叫模作不道德行為時，他即匆忙收線。

週一（ 21日）本刊致電無辜捲入賣淫騙案的 YoYo，其經理人 Amy回應：「我哋唔會回應，唔會講任何嘢！亦唔知呢啲係咩嘢事， YoYo日日都要開工唔得閒！」

吹得就吹

總之你幫我安排 20、 30個 model畀我睇睇，我可以包 7個！

如果我覺得唔 ok我唔會（畀錢），好似你買衫都會試件衫，你唔 ok都會 pat番喺度。

我早兩日先買咗架法拉利之嘛！

我已經有十幾個 friend住喺上面（指凱旋門），如果你幫到我，成班客轉晒落你度。

我喺中環交易廣場做律師，係大律師，唔係事務律師。

fb獵食
今月初，有人以「 Mandy Kwan」身份於 fb開設戶口，自稱國泰空姐又 post上大量工作相，同時於唔少模、 freelance model嘅 fb戶口留言或寄私訊，撩人應徵做援交。



扮 Mandy搵女
本刊發現 Mandy明刀明槍向 model出手問有冇興趣被包養，但致電 Mandy提供的號碼，竟是 Lawrence自己接聽，令人懷疑 Mandy和淫男根本是同一人！



Model不忿
有 model不堪 Mandy滋擾而將其私訊公開，怎料原來有唔少人都遭佢問價。





明碼實價
本刊放蛇跟 Mandy接觸，佢打完招呼就向本刊查詢有冇 model可介紹，更詳細列明各項費用及聯絡方法。



最高可判 7年監

據梁永鏗律師表示， Lawrence透過中間人或 fb撩人賣淫，雖然是次交易並未完成，但已屬犯法。「佢可能已觸犯咗『唆使他人作不道德行為』，最高刑罰為監禁 6個月，而另一條係『刑事及不誠實地使用電腦』，最高可以坐 5年監。 Mandy做中間人，都可能犯咗『倚賴他人賣淫為生』，已經可以判坐 7年監。」

TVB花旦 say no

淫男 Lawrence亂噏嗒過 TVB小花，又要求放蛇記者替佢安排，話「今日（ 19日）係台慶，實有幾個姐仔唔去㗎」，又話唔介意使 70、 80萬包起對方。查實班 TVB姐仔，有手有腳又搵到，唔恨賺呢啲羞家錢囉！



累埋小飛俠
前新聞之花林燕玲（小飛俠），現已是渣打銀行認股證銷售副董事，無端端遭淫男拖落水，冇陰功！《壹週刊》圖片



龔嘉欣
我夠膽講從來冇俾人問過價，亦冇遇過呢啲事喺我身上，覺得好荒謬！唔知點解佢要咁講，有啲無辜俾佢拖落水，我真係唔識得佢！真實對白



胡定欣
你唔理就得，我控制唔到呢啲人囉！



楊怡
我又唔驚，我都冇 fb，有心搵我嘅途徑就少咗一個喇！



徐子珊
我冇用開 fb，唔太了解，我從來都冇遇過，喺咩途徑都係。



沈卓盈
唔理佢就得喇，佢最多 leave message喺 fb啫，唔理佢就應該唔會再煩我！

食女敗走

男人愛偷食， Lawrence亂吹事敗要速逃，其實好多名人都樣衰過，天下烏鴉一樣黑。

處長會艷女

《蘋果日報》圖片

前廣播處長朱培慶在 07年被拍到與艷女 CoCo步出酒廊，搞到朱生要左閃右避躲鏡頭，最後龜縮埋大廈內。

陶喆嗒模

台灣《蘋果日報》圖片

09年，台灣唱作人陶喆在銅鑼灣偷會岑潔儀（ Zoey），被記者斷正後才子急撇 Zoey，閃入停車場電梯逃走。

才子時鐘短聚

《壹週刊》圖片

04年才子陶傑被影到與一名年約 26、 7歲嘅女子在九龍塘時鐘酒店「短聚」，有人得悉行蹤曝光後竟用廁紙纏面再揸車獨自逃走。

---

Orignal From: 騙色狂徒6萬撩包 陳自瑤龔嘉欣捲入賣淫局