據知，陳嘉桓早前雖在港報警備案，但有關方面仍感到香港警方在司法管轄制度下只能作有限度調查，甚至未必有足夠證據對有關人士作出刑事指控，冼國林日內除到內地報公安，同時亦會入稟香港法院，對陳浩民作出侵害他人身體的指控。據知，香港警方將案件列為境外罪行，程序上亦會展開行動，有指下星期會邀陳浩民會面，不排除會套取一份口供。
陳嘉桓昨日在橫店繼續避見記者，未有會見傳媒。（資料圖片）
未有觸及敏感部位
冼國林昨日聯同無綫高層樂易玲在港舉行記者招待會，吸引近百傳媒到場。樂易玲說：「好多謝前兩次同冼師傅傾談中達成共識，得到諒解和支持。馬德鐘頭先打畀我，要多謝冼師傅、陳嘉桓同佢嘅家人。」冼國林稱馬德鐘承認事件處理不恰當，沒有施予援手。他說：「我問過陳嘉桓，佢話馬德鐘當時有以安慰方式拉佢埋嚟，問佢有冇事，而佢手部冇觸及到陳嘉桓任何敏感部位。馬德鐘解釋當時飲咗酒唔識即時反應施援手，得饒人處且饒人，了解真相後唔會冤枉好人。」他更指馬德鐘主動道歉、無推卸責任、誠意比較好、從來無逃避、沒指陳嘉桓借意上位，在沒有貶低陳嘉桓為大前提下，故作出諒解和包容。
據知，冼師傅堅持咬實陳浩民唔放，導火線是陳浩民及其經理人在微博的回應內容顯出不承認過錯、推卸責任和語帶雙關，令他怒不可遏。問冼國林是否原諒陳浩民？他說：「佢做咗唔應該嘅事，明顯係嚴重行為，於法於理佢責無旁貸，道義上唔啱！（記者會佢感動唔到你？）諸多掩飾、指黑為白，連鞠躬幾多次都要寫埋出嚟，心裏都有答案！佢所謂道歉，一出事佢就唔誠懇，先話冇掂過陳嘉桓、再解釋自己『好客』、再推搪同推卸責任，又話要帶眼識人，又指有人借佢上位、人紅是非多等！完全睇唔到佢有咩誠意！我唔考慮佢所謂嘅道歉。」問早前備案是對哪一位作出控告？他說：「我哋只係講出事實，告邊個由律政司決定。我唔認為馬德鐘會被告。」
對於陳嘉桓當日在記招指「兩位前輩都變咗另一個人」，冼國林代為解釋：「一個俏皮突然變狼，一個謙謙君子為何不施予援手？從寄望變咗失望，所以佢咁講，因為佢兩個之前形象都唔係咁。」
廿五分鐘的記者會，冼國林指馬德鐘可以原諒，樂易玲亦力撐沒有影響馬德鐘與無綫關係。
陳浩民日前開記招被指誠意不夠，未獲冼師傅原諒。
後悔兜巴星鬧死蠢
冼國林自爆曾質問陳嘉桓為何多次與二人出入夜店，以致令人有機可乘，但陳嘉桓答不出。他說：「我有逐張相問佢，女仔同人熟都要保持距離，我『星』咗佢一巴仲話佢死蠢。我緊張錫佢先咁做，依家仲未向佢道歉。」有傳他們收到「收聲指令」，冼國林表示絕無此事。
提到陳嘉桓介入洪天明與周家蔚戀情，冼國林着傳媒不要再炒作。他又指已收到洪天明的道歉短訊：「佢係我世姪，洪金寶係我尊重嘅大哥。天明冇保護嘉桓，明知佢（陳浩民）個底係咁都冇提醒佢！為佢父親同自己着想，都要遠離豬朋狗友。」
馬太到內地陪丈夫
有傳馬德鐘與太太婚姻出現問題，樂易玲指馬太已到內地陪丈夫以示支持。冼國林寄語說：「佢太太出咗好多力，佢要珍惜眼前人和家人。」問到事件有否影響馬德鐘與無綫之間的關係，樂易玲說：「一件事還一件事，當務之急係解決呢件事。藝人唔喺香港都唔可以放鬆，要守望相助。酒可以飲，但唔可以醉。陳嘉桓為人好單純，希望佢快啲冇事投入工作。」
已捐30萬予慈善機構
馬德鐘於攬錫事件曝光後，曾於微博留了一段捐錢去東華三院言論，惹起網民及王晶批評。陳嘉桓師傅冼國林昨日就此事為馬德鐘解畫，冼國林指馬德鐘透過很多方法找他，而馬德鐘太太亦找來一位跟他認識的東華三院總理作為調停人。由於馬德鐘覺得道歉不足夠，故該總理提議他捐錢。冼國林得悉後，覺得馬德鐘很誠意，並不是借捐錢來掩飾錯誤，故予諒解。據本報收到的可靠消息，馬德鐘早前以私人名義向慈善機構捐了卅萬元。
馬德鐘心情靚靚否認離婚
【姜裕橫店直擊】馬德鐘昨日繼續在橫店開工，下午時分與一名女演員拍攝飲茶戲份，當時冼國林師傅仍未開記招公開表示原諒他。當他發現記者追訪時，一度大皺眉頭。
馬德鐘昨午沒精打采現身片場。
直至傍晚六時三十分，馬德鐘座駕返抵酒店，徘徊半小時始下車接受訪問。重現笑容的他感激冼師傅還他清白，同時多謝公司和樂易玲的勞心勞力，以及同事、朋友和粉絲的支持及信賴。他謂：「特別多謝我太太，因為呢件事影響咗佢嘅工作同生活好緊要，亦都令到佢好費心，多謝佢嘅體諒，跟住落嚟會好專心好專注拍戲。」記者多次求證其太太是否已到當地陪他拍戲？馬德鐘均沒正面回答。提到離婚傳聞時，他即說：「傳言嚟啫！」再問他如何向太太解釋？知否陳嘉桓情況？知否冼師傅透露會到內地報警？馬德鐘一概表示不想就事件多作回應，然後以趕開工為理由離開。
馬德鐘得悉已獲冼師傅原諒，受訪時重現歡容。
馬德鐘（右）發現記者拍照時眉頭深鎖。
陳浩民真心道歉非做戲
冼國林昨日出席記者會時咬實陳浩民，浩民經理人林查理坦言「唔知講咩好」。查理說：「我希望師傅息怒，唔好誤解浩民做戲，佢係真心道歉。佢喊到腳軟係真情流露，唔係做戲。如果佢唔係真心，點會出嚟道歉咁瘀？當日浩民表現咁激動我都始料不及，佢真係好後悔咁貪玩同對老婆好內疚。如果師傅覺得我哋仲有不足，希望佢話畀我哋聽點做佢先息怒，我哋都好被動。」他坦言多年來不斷勸對方戒酒，現在唯一能做的是替浩民向外界不斷謝罪。
另外，陳嘉桓本月廿二日到警署報案，並準備提出民事索償。律師黃國桐指女藝人如要作出民事索償，首先必須證明自己的傷害程度有多大，如影響聲譽或公眾形象，並需要提供有效文件作為理據，民事索償方能成立。他又指若文件準備齊全，一般索償程序最快可於半年完成。黃律師續稱如果事件在境外發生，而女事主年齡小於十六歲，警方會介入調查，否則要視乎警方取向。而有關金額索償方面，他就稱要視乎個別例子，現階段難判斷。
Orignal From: 陳嘉桓追殺陳浩民 冼國林放生馬德鐘
沒有留言:
發佈留言