我條命係大起大落，人生低點都有幾個，哈哈，谷底就當然係去台灣發展。當年喺台灣出完第一集碟，錄緊第二隻唱片就好唔好彩遇上金融風暴，第二隻唱片即刻On Hold。
鄭嘉穎坦言由歌手轉做演員時都經過掙扎，幸現在發展順利。
唱片無大賣
當年身為一個歌手，錄完歌就真係冇其他嘢做，最多都係練吓歌，但係練歌一日都唔練得幾多個鐘，如是者一日過一日、一日過一日，大概過咗半年第二隻唱片都仲未出到。本來每日等待出碟嘅心情當然慢慢冷卻，於是無聊就要搵啲嘢做，買啲烹飪書學煮飯。其實自己煮飯係為咗慳錢，因為之前儲落嘅積蓄都已經使得七七八八，去咗台灣年幾兩年先出第一隻唱片，唱片老實講又唔算大賣，只可以話係OK，嗰陣真係搵唔到錢，當時如果唔搵屋企幫，真係冇錢開飯，當時係要靠屋企支持，靠阿媽先可以繼續做呢行。
拍《絕代雙驕》成為鄭嘉穎事業的轉捩點。
鄭嘉穎在台灣時，要靠家人支持才得以繼續發展。
鄭嘉穎憑《步步驚心》在內地爆紅，登上事業高峰。
簽TVB翻身
困境維持咗年幾，呢年幾可以話係自己人生最Down嘅時候，每日無所事事，去買吓餸、煮吓飯、睇吓書打發時間。直到李國立搵我去拍《絕代雙驕》，由歌手轉做演員，當時都好大掙扎。如果冇《絕代雙驕》後來亦唔會簽到TVB，當時《絕代雙驕》畀亞視買咗，TVB見到我原來會拍電視劇，咁先叫我返來拍劇，之後返TVB到依家發展都算順利。
Orignal From: 鄭嘉穎：我條命大起大落
沒有留言:
發佈留言