網友熱捧奪男配角 黄智賢：開心咗好耐！

黃黃智賢憑劇集《潛行狙擊》中「辣薑」一角，成為頒獎禮「最佳男配角」的熱門人選，更有網友希望「辣薑」能夠成為第二個「Laughing哥」，以他為主線開拍全新劇集。角色得到觀眾支持，日前黃智賢接受本報專訪，坦言感到相當高興，還以「開心咗好耐」來形容。對於奪獎信心，入行22年的他早已睇得很開，因為他更享受拍攝過程得到同事正面的評價。

黃智賢89年加入無綫出任「青少年大使」，之後主持兒童節目《閃電傳真機》，直到95年參演處境劇《真情》，飾演純品戇直「容向海」（阿海）一角而為人所熟悉，「阿海」一演就5年，令他戇直正面形象深入民心，亦令他有所突破更困難。

認同比獎項重要

事隔多年，黃智賢終於憑《潛行追擊》中「辣薑」（鄧國彬）一角，被受外界讚賞。日前他接受本報訪問時，坦言仍在享受這些讚賞的聲音，「我開心咗好耐啦！其實由拍嘅時候，有本身唔認識嘅後期剪片同事喺飯堂同我講，話我做得好，有咁專業嘅評價，我已經好開心，o依家再有網友觀眾支持，仲有機會提名，真係好滿足！」

黃智賢坦言入行多年，早已對得失看得很開，今次提名反而令他有壓力，不過他對獎項不會強求，反而對於花心思在角色上，得到認同和接受更重要，「好多人都話法律場戲好，其實我攞劇本度咗好耐，本來對白係『我以為冇人睇到我放火』，我改咗做『我以為燒緊垃圾咋！對唔住呀！對唔住呀』，令到『辣薑』精神有問題更合理，o依家大家鍾意呢場戲，真係好有滿足感！」

採訪：杜淑霞 髮型︰Willie Chan @ Hair Corner 手錶︰Galtiscopio 卡比奧


黃智賢入行22年，對於能得到觀眾支持，他坦言感到相當高興。

黃智賢的Fans既有上班族又有小朋友，極受歡迎。


在《真情》中，黃智賢飾演戇直的「容向海」。資料圖片

黃智賢憑《潛》中「辣薑」一角，被受外界讚賞。劇照

撐過「Laughing」

網友除了大讚黃智賢演繹「辣薑」一角比「Laughing」更搶鏡出色，力撐他憑「辣薑」奪得「最佳男配角」外，還提議無綫應該像當日「Laughing哥」一樣，開拍以「辣薑」為故事骨幹的新劇。

---

Orignal From: 網友熱捧奪男配角 黄智賢：開心咗好耐！