樂瞳原名龔茜彤， 06年加入 TVB，雖然已 25歲，但由於外形的骰，入行 5年經常獲派做妹仔角色，她說：「可能我細細粒啦，所以廿幾歲都可以做學生妹。」今年她演的學生妹終於得到大家注意，她開心地說：「入行 5年，冇諗過有提名，一路睇有得提名都係陳敏之、李詩韻，我覺得自己冇咁快，點知喺台慶亮燈嗰日知道有提名，好開心，幾年努力有人睇到，我恨坐喺台上面好耐，之前幾年都係睇電視，我幻想過自己有一日坐喺上面，證明自己係一分子。」
樂瞳希望日後可有破格演出，她說最想拍清裝戲，做一個有份量的奸角。
在《點解阿 sir係阿 sir》演學生妹的樂瞳迷倒萬千宅男。劇照
《九江十二坊》的樂瞳（左一）繼續演少女角色。劇照
「其實我係歌手」
樂瞳在《法證先鋒 III》演天眼少女令人印象深刻。劇照
飛躍進步女藝員的一眾候選女藝人，實力不相伯仲，且各具特色。高海寧行性感見報率高；馬賽密密拍劇博上位；聽教聽話的有龔嘉欣；還有黑馬黃智雯。樂瞳有甚麼？她有一班遊走網絡世界的高登子民，她說：「我對自己有信心，我今年播嗰兩套劇嘅角色都深入民心，反應都好好，同事同朋友都話我做得好，增加我嘅信心。」
樂瞳今年在高登女神榜中名列前茅，一班高登子民功不可沒，樂瞳說：「係呀！真係好多謝佢哋，唔係中女呢個角色冇咁多人留意，都係多得佢哋。」她還記得其中一個子民給她的一個留言，她說：「有一個係話由《少年四大名捕》我做千金小姐開始留意我，直到中女個角色，仲話拎番我嘅歌嚟聽，話我唱歌都好好，真係好開心，係呀！其實我係歌手嚟㗎！」
樂瞳說：「我好想得飛躍進步女藝員呢個獎。」她認為這個獎對她來講，不是名，不是利，是一種安全感，她說：「 07年喺《少年四大名捕》同吳卓羲演一對，之後幾個月冇嘢做，然後每一套劇都係做妹仔，婢女，或者喺鏡頭後面浮游，之前都有人話我個形係似做婢女、妹仔，估唔到應驗咗！不過我真係好驚呢一世都係做妹仔。又好怕會返轉頭，返去幾個月冇嘢做嗰陣，所以我好想攞，有個獎會有安全感！」
現年 25歲的樂瞳經常獲委派演一些小妹妹角色。
樂瞳（中）曾於 09年度叱咤頒獎禮獲生力軍女歌手銅獎，徐子珊（左）及余翠芝分奪銀及金獎。資料圖片
「想做清代奸角」
做慣學生和妹仔，一時間好難想像樂瞳適合做甚麼角色，但當她着上黑色晚裝，梳了高髻，戴上一套幾百萬的鑽石首飾，在鏡頭前竟然可以變成年輕貴婦，破格有望，她說：「其實我任何機會都唔會放過，乜角色我都想試，雖然我真係似俾人毒死嘅妹仔，但係我好想拍清裝，做奸角，做一個有份量嘅奸角。」
攝影：楊潔雯 髮型： Bowie@Chin G
服裝： Killah 首飾：金至尊
Orignal From: 樂瞳高登女神 有獎有安全感
沒有留言:
發佈留言