我呢個年紀點會唔想拍拖，都係好正常嘅事。拍拖其實唔介意公開，只不過唔想一開始就公開。一段感情要經過一番了解先會開始拍拖，拍拖到穩定嘅時候就可以公開。但係好多時都未去到穩定期間，咁公開嚟做乜？我唔介意公開拍拖，更加唔會瞞婚，結婚一定畀大家知，就算有仔女亦唔介意畀人知，只不過唔好影，呢樣嘢係為咗保護我嘅仔女。
鄭嘉穎大談擇偶條件，最重要是女方與自己性格夾得來。
年紀大咗更小心
我呢個年紀已經唔需要擔心有老婆、有仔女會影響形象，唔係十八、廿二喇。不過又唔心急得，要遇到啱先。我依家咁嘅年紀更加要小心，萬一遇到唔夾，要搞離婚咪仲一鑊泡，希望一次過搞掂，生幾個小朋友。
鄭嘉穎認為拍拖到穩定的時候才可以公開。
鄭嘉穎與周麗淇的緋聞令人印象深刻。
依家嘅擇偶條件，最緊要係性格夾，可以做到好朋友，任何嘢都可以傾到偈、大家有商有量。女仔美貌與智慧並重當然好，但係如果要揀一樣我會揀智慧。事實上拍過拖都知愛情慢慢就會變感情，長時間係要用感情維繫，大家可以做到好朋友，感情先會維繫得更好，仔女大咗唔會跟你一世，老咗就靠對方互相扶持，所以一定要傾得埋。
不停中港兩邊走
依家生活就係咁，我要不停中港兩邊走。人哋問我香港嘅女仔同大陸嘅女仔有咩分別，我話就係講廣東話同講普通話嘅分別。
Orignal From: 鄭嘉穎揀女友最緊要叻
沒有留言:
發佈留言