每年TVB的《萬千星輝頒獎典禮》視帝后之爭，必屬矚目焦點，Bosco今年憑《潛行狙擊》中飾演的黑社會人物「跛Co」角逐「最佳男主角」，但今年頂頭大熱的叮噹馬頭，是《潛行狙擊》的「Laughing」謝天華及《怒火街頭》的「Law霸」鄭嘉穎，反而Bosco的奪標呼聲，就認真麻麻。
Bosco坦言：「今年競爭好大，坦白講，信心只係一半一半，對手好強勁，嘉穎『Law霸』一角觀眾好鍾意，『Laughing哥』套劇收視好，人氣又好旺 ……我資歷最淺，入到5強已經好開心。當然，我一定會撐Laughing囉，天華攞我會好開心，因為佢演得好好，不過如果他拿了視帝，要將個獎搣少少畀我，事關我和他對手戲最多，最好是請我們食飯啦。」
「識演戲」更勝「做視帝」
雖然Bosco封帝呼聲不算高，但他在劇中扮演的角色「跛Co」亦都反應不俗，不少人讚他演得入型入格，為求上位連「舔鞋底」都在所不惜，他說：「今次好多謝監製和編劇，我真的未試過演這類角色，收到劇本時，我已經覺得角色好『筍』，變化又好大，元素又夠豐富，自己都喜歡演反派，因為較多發揮機會。」
Bosco入行超過10年，但從來都沒強求過要拿甚麼獎項，反而他覺得口碑比獎項更重要，「我無乜所謂，睇得唔太重，演戲不是為攞獎，反而聽到觀眾或行內人的讚美評語，更加令我開心，這些才是認同呢！當然，獎項都是一種鼓勵及動力，夾硬攞會被人插㗎，我又不會以奪視帝為目標，自己並非沒鬥心，反而有人讚我識得演戲，才是我真正目標，我覺得『識演戲』比『做視帝』更重要，所以自己都努力去磨練演技。」
睇好杏兒封后
至於今年的視后之爭，身為Bosco緋聞女友的胡杏兒，今年卻是大熱人選，杏兒曾經被人批評演技稚嫩，早年增肥拍《肥田囍事》，出來效果麻麻，最慘是之後被網友冠以「胡囧囧」稱號，笑她演戲只識一味的囧樣狂喊。
不過，今非昔比的杏兒，年初先憑《魚躍在花見》的「姜羌」成功洗底，年中演《怒火街頭》的「王思苦」，以及近日《萬凰之王》的「沅苑」，令她人氣來個大反彈，身為緋聞男友的Bosco，也不避嫌睇好對方，「今年當然睇好杏兒啦，佢今年成績好好，《魚躍在花見》、《怒火街頭》和《萬凰之王》反應都好，特別是《萬凰之王》演奸妃一角，交足內心戲，其實演奸角的確着數好多，我當然想佢攞啦，坦白講，她真係努力付出過。」
Orignal From: 黃宗澤爭視帝等睇戲 睇好「Law霸」夠搶 大讚「Laughing」好旺
沒有留言:
發佈留言