大封面
16歲 Cammi獨家哭訴：第 1次俾咗佢 爆陳冠希手持 2分鐘情慾短片
2011年11月04日
08年初，陳冠希（ Edison）自拍過千張淫照流出，驚爆一場慾照風暴。縱使事隔三年，一眾淫照女主角仍未走出陰霾，不過始作俑者 Edison一鋪自拍慾照癮，依然戒唔甩。見過鬼唔識怕黑的他，近日又再重執相機，最新獵物是年僅 16歲的學生模謝芷蕙（ Cammi），日前二人一批濕吻啜嘴照更於坊間瘋傳。
Edison與 Cammi親密關係一曝光，男方未有一聲通知，隨即發聲明與 Cammi斬纜。面對 Edison完鬆如此絕情， Cammi周三（ 2日）向本刊獨家哭訴，指對方在拍拖期間，原來要她拍一段接近兩分鐘的情慾短片。剛剛「夠秤」的她，更向本刊默認已將寶貴第一次奉獻給對方，但……
崩潰痛哭
周三（2日），Cammi接受本刊專訪，自言初入情場，回顧當日跟Edison拍拖時的點點滴滴，她即崩潰痛哭。
陳冠希聲明：
情慾照流出後， Edison第一時間發聲明。在聲明中，他強調自己半年前與 Vincy楊永晴（圖）分手，變相踢爆自己早前自稱與 Vincy冇分手的謊言。《蘋果日報》圖片
其實看見這些報道後，我的心情一直很複雜，大約六個月前，我跟 Vincy分手，失戀的感覺並不好受，當我遇上這個女孩子 Cammi，我覺得可以發展一下，我們只是剛剛開始，就發生了這件事，我也沒有甚麼可以回應了，我只可以告訴大家，在這一刻我已回復單身，謝謝大家關心！
情慾私相外洩
兩人於熱戀期間，情到濃時拍下不少啜嘴相。據 Cammi所講，情慾照片大部分均在男方所住的酒店內拍攝。其中一張照片，二人更疑似半裸坐在牀上，陶醉互啜。有傳今次 Cammi遺失手機，導致照片外洩，令 Edison大為震怒。
金魚互啜
半裸伸脷
激情熊抱
晒麒麟臂
自 08年淫照事件後， Edison事業、形象一鋪清袋，為收復失地，以往食女無數的他，三年來修心養性與 Vincy楊永晴拍拖。早前雖然屢傳他跟 Vincy已分手，但在 10月初，他到台灣出席活動時，仍死撐兩人感情很好。言猶在耳，周二（ 1日），在 Edison剛發的聲明中，他為保形象，不惜篤爆自己講大話，指自己其實早於半年前已與 Vincy分手，並無一腳踏兩船。
與 Vincy分手唔夠三個月的他，忽然轉口味，透過微博和 Whatsapp，猛烈追求模組合 Fantasy成員 Cammi。向來疏爽的 Edison，知道女方對 Hello Kitty情有獨鍾，就選了多件限量版 Hello Kitty小禮物，極速將嫩口 Cammi追到手。不過二人關係只維持短短三個月，便因啜嘴親密照流出而告終。周二（ 1日），身處外地的 Edison即單方面發出分手聲明，獨留女方連日單獨面對傳媒，她更遭不少網友狂插擺 Edison上枱谷人氣。
手現瘀痕
Cammi梨花帶雨，本刊更發現她雙手手腕離奇出現多撻瘀痕。
Cammi（右）跟萬寧哥哥沈志明（左）於一派對上認識，她曾被拍到於對方寓所出入，更自爆差點被萬寧哥哥霸王硬上弓， Cammi因此人氣急升。《 Face》圖片
冧女投其所好
陳冠希對緋聞女友一向闊綽，知女友是標準 Hello Kitty迷，除了花 5千元在德國訂了一隻原裝進口羊毛製的 Steiff限量版公仔外，更訂了一個 Hello Kitty Bra給她，夠晒情趣，事後 Cammi更將禮物放上微博。
訂 Kitty Bra
向來對女友送禮絕不手軟的 Edison，與 Bo Bo拍拖期間，知道女友鍾愛名牌，送上 Cartier情侶手鈪，一人一隻。知阿嬌喜歡潮物，即在網上訂對價值 3千元的 adidas限量版波鞋，追女招多年冇變。
陳文媛戴 Cartier手鈪
《蘋果日報》圖片
阿嬌收限量版波鞋
《蘋果日報》圖片
11月 2日
麥記醫肚
周三（ 2日） Cammi於放學回家時，到屋邨附近麥當勞買包醫肚，其間有大批傳媒緊隨貼身追訪，吸引大批街坊駐足觀看。
當日 Cammi由經理人公司員工陪同下如常上學，雙耳塞住 earphone的她對所有提問未有回應。
11月 1日
老竇護駕
情慾照流出首日， Cammi坦承遭學校教師問話，更被校方勸喻早退。她放學時由父親陪同下步行至學校附近報攤，其父買了有報道女兒新聞的報章雜誌。
Cammi連番生事，謝父雖然生氣，不過仍落力保護女兒。
容貌突變
32B
24
34
今年 3月才滿 16歲的 Cammi， 14歲已入行當亞洲遊戲展的「 Game模」，今年暑假簽約 Hong Kong Model House旗下。後加入模組合 Fantasy，推出寫真，主 sell 42吋長腿。
成為新任希女郎後， Cammi亦難逃被起底。 09年眼細鼻大的她，跟現時標準精緻五官相距甚遠，認真女大十八變。
09年
《蘋果日報》圖片
11年
Edison睡房幽會
雖然 Edison多次叮囑 Cammi保守二人關係，但女方卻忍唔住於 9月時，已將二人合照放上自己微博晒幸福。
對於 Edison單方面提出分手，喊足一日一夜的 Cammi在周三（ 2日）接受本刊獨家專訪，驚爆兩人於熱戀時， Edison不單拍了情慾照，還拍了一段 2分鐘的情慾短片。據知在短片中， Edison更指定要她 着上校服、泳衣玩 Cosplay增加情趣。提到兩人的性關係， Cammi更忍不住當場嚎哭。
Cammi： C 記者：記
記：依家心情點？
C：我真係好 hurt，兩個人拍拖係私人事，依家搞到全世界都話我、攻擊我，好唔開心，真係好大壓力。
記：同佢點樣識？
C：係佢公司（指 Juice）朋友介紹，之後就 keep住 send message。
記：同 Edison依家仲有冇聯絡？
C：佢發聲明之後我 哋有聯絡過。
記： Edison發分手聲明，事前你知唔知？
C：（開始嗚咽）佢出 咗聲明，我先知原來我 哋真係分 咗手。
記： 啲相喺佢張牀度影？
C：我 哋通常 喺佢屋企見面，影 嘅相都係 喺佢間房。
堅稱有做安全措施
記：影相係咪佢要求？
C：……其實佢仲要我拍 咗段片，話係留俾佢公司用 嘅。
記：乜嘢片？點解冇見佢公司用過？係咪 Edison留嚟自己用？
C：我唔知呀……好驚呀！
記：佢係咪要你 着內衣、校服玩 Cosplay?
C：（眼框開始滲淚）……呢 啲唔答啦！（有點手震）我只可以話唔可以算係情慾片，總之過程有 着衫。
記：咁你嘅第一次俾 咗佢?
C：（突然嚎哭，點頭默認）嗯。
記：有冇做安全措施？
C：（繼續飲泣）我唔想講呀，總之我識保護自己。
記：佢係咪仲鍾意 Vincy，你嬲唔嬲佢完鬆。
C：我唔知呀（唞大氣）……不過我 哋一齊雖然只有三個月，不過真係好開心，因為 嗰時佢好錫我，我相信佢當時係真心 嘅。 （停頓數秒）但係……點解要咁對我！
謝父：冇眼睇
周二（ 1日）情慾照流出後，在九龍灣一間中學就讀中四的 Cammi，當日仍堅持返學，但原定放三點半的她，卻提早一小時、戴 着口罩鬼祟從後門步出，與在門外接應她的謝父一同離開。二人經過報攤時，謝父更將當天報道自己女兒新聞的雜誌和報紙統統買下。
當記者上前訪問時，謝父一度以雜誌為女兒擋駕，十分勞氣地對記者說：「今日我要請半日假，趕 嚟學校見家長。（你知唔知你個女同 Edison拍拖？）唔知，我個女未拍過拖。（依家有相流出，諗住點做？）點做？我冇眼睇呀，今晚要好好教訓佢！」說罷忽然轉身對 着女兒說：「你自己答番佢 哋問題，我唔識答。」面對父親責備， Cammi即時耷低頭唔敢出聲，二人其後乘車返回秀茂坪寓所。直至傍晚，化了淡妝的 Cammi，在寓所附近商場接受有線訪問，其間坦言自己好 hurt，並堅稱拍照時，自己已過 16歲。
周三（ 2日），本刊致電 Cammi的模特兒公司，其經理人 Admond表示：「公司就呢件事好憤怒， Edison好影響 Cammi日後嘅發展，我哋唔會干涉旗下 model拍拖私人事，不過一個成年人唔應該細路女去影呢啲相。」
視像爆粗謀對策
Cammi連日遭傳媒追訪，相反身處外地，再一次因自拍癮闖禍的 Edison，雖然避過傳媒圍攻，但得知情慾照流出後，他即時大發雷霆，更緊張地以視像電話，與香港經理人公司和旗下的 clot一眾高層商討對策。知情者說，「 嗰日朝早有同事睇完報紙，即時通知陳生（即 Edison），佢嬲到打視像電話返公司，爆 咗一連串英文粗口，之後佢同班高層度計。最初陳生話打死唔認同個妹拍拖，不過有人同佢講， 啲相斷正冇得唔認，最後有人提議發聲明， 喺聲明入面認拍拖之後斬纜。仲有人提議叫佢同個妹傾吓，先安撫 咗佢，截住其他相流出。」
據知， Edison之所以唔肯認與 Cammi拍拖，是由於他仍希望與剛分手的 Vincy箍煲，不過今勻情慾照再流出， Edison分分鐘大把手尾跟，睇怕與 Vincy翻撻無望。
9月 23日
返港瘟女
Edison於 9月尾由美國乘搭長途機秘密回港，當時已跟 Cammi打得火熱的他，回港處理公務之時，更重要是瘟新女。
Edison唔單止有鋪拍照癮，連煙癮亦同樣大，當日一落機已急不及待在機場連扯兩支煙。
當日處理完公事的 Edison，即飛奔返回位於圓方附近的酒店，明顯趕住返去瘟女。
情慾對話逐格睇
Edison堪稱情場鬼見愁，逢女必溝到。他與 Cammi拍拖初期，便喪 send whatsapp撩對方影相及着制服，非常猴擒。
影相
E： Edison C： Cammi
E：我可唔可以同你影相？
之後會刪除啲相
E：玩玩而已。
E：你答我先啦！
E：我會保守秘密。
C：影咩相？
E：我不知道喎，哈哈。
C：噢！
E：我會刪除啲相。
E：保守秘密嘛。
E：你可以同我一齊合照。
E：我覺得我相信你。
E：會很有趣的
安排拍照
E：影一些兩人的
E：影一些個人的
E：我會為你提供全套裝備
E：影一些可愛的
E：影一些性感的
E：影一些制服裝扮的
E：保持秘密
E：你可否保存？
誘拍制服
E：你做緊咩呀寶貝？
C：返屋企途中
C：你呢？
E：記得明天帶你套校服來
E：同埋泳衣
E：同埋一些可愛服裝
C：可以
E：等唔切呀
心理學家：佢性慾強
Edison自拍慾照癮多年未戒甩，更喜歡叫對手着上制服作角色扮演。據行為心理學家李寶能指出，喜歡與女伴拍牀照的男子，通常性慾較大，因為普通性事未能滿足他，俗稱為「替代性行為」，「佢有好大需要，好難滿足到，惟有用呢啲方法去發洩。而玩制服係心理上一種刺激，係一種反叛性慾望，亦反映呢個人嘅性慾特別強。」
律師：衰十一判監五年
而現年 31歲的陳冠希，搭上今年 3月才滿 16歲的 Cammi，更為對方拍下情慾照。據資深律師黃國桐表示，若然男方走運，在女方滿 16歲後，才與對方發生性行為，便相安無事，否則隨時惹官非。「任何男子與未滿 16歲少女發生性行為，即係你哋好多人所講嘅衰十一，無論女方係咪自願，呢個男人都係犯法，最高刑罰判監五年。」
雜食恐龍
陳冠希由 00年入行開始，其緋聞數量可謂冠絕全城。莫講話跟他拍過牀照的女星令人難忘，還有未「斷正」的女藝人，手指連腳指加埋都數唔晒，唔同階層唔同年齡都有，夠晒雜食。
中女界
謝凱珊 98年
當年謝是寶麗金歌手，並與陳山聰蜜運中，但女方卻同時跟比她細 5歲、仍未加入娛樂圈的陳冠希拍拖，為時約三星期。
紅星界
鍾欣桐 01至 06年
陳冠希與陳文媛拍拖，阿嬌因擔任男方〈緋聞〉 MV女主角而撻着，更拍下牀照。
張栢芝 03至 06年
拍地鐵廣告撻着，三年間兩人斷斷續續拍下不同時期的牀照，其間男方同時與陳文媛與鍾欣桐拍拖，並傳搭上鄧麗欣、 Maggie Q，名副其實溝女王。
陳文媛 01至 04年
甫開始便與女方發展地下情，惟被發現一同戴卡地亞情侶鈪才曝光。
奀茄界
顏穎思 00至 01年
同樣鬼聲鬼氣，兩人拍《特警新人類 2》撻着，並疑似在布吉一酒店拍下牀照。
陳思慧 03年
陳冠希搭上家姐陳見飛老友奀星陳思慧，並疑似拍下牀照。
黃榕 05年
向來喜歡作性感打扮的黃榕，輕易惹來陳冠希注意，但兩人拍拖僅半年，男方便另覓新歡，事後黃榕更數臭 Edison，指他要睇醫生戒色。
名人界
楊永晴（ Vincy） 04至 11年
Vincy是富商楊受成胞弟楊超成的女兒，兩人開始時， Vincy才僅 16歲，陳冠希還一度表示賺夠 2千萬美金便迎娶女方，最終仍是分手收場。
Orignal From: 16歲Cammi獨家哭訴：第1次俾咗佢 爆陳冠希手持2分鐘情慾短片
沒有留言:
發佈留言