李詩韻留了多年的長髮，最近為新戲《換樂無窮》而剪短了，早前接受專訪時她還是長髮披肩，她說：「都要作出犧牲㗎喇，自己都好唔捨得把長頭髮，但做演員唔可以乜都say no，要接受新嘢。」
留了多年長髮的李詩韻，最近為角色剪短秀髮。
與兩男親熱
多年來少有拍攝親熱戲的李詩韻，今次「起孖」與李思捷及王浩信有不少親熱戲，她說：「拍親熱戲都好唔慣，同思捷就好啲，因為係搞笑形式嘅床戲。但同王浩信就唔係，弊在我哋都好少拍呢啲戲，佢仲叫我帶佢添呀。」
李詩韻唔恨嫁有錢人，因錢多會有壓力。
少有拍親熱戲的李詩韻，在新劇中與李思捷（右）和王浩信都有親熱戲。
新劇扮演千億新抱的李詩韻，戲中享盡奢華生活，但現實裏她卻唔恨嫁入豪門，她說：「錢唔需要好多嘅，太多錢好大壓力，甚至乎係負擔，我情願要一個愛我嘅男人好過佢係富豪，錢多，桃花亦多。」
結婚才生BB
不過，劇情後來指她與胡杏兒對調身份，由千億新抱變成師奶，她說：「最難忘係要湊BB，要餵奶、換片，自己未試過都好驚，BB得六個星期大，最初怕佢冷親、又怕整到佢，但係學識咗感覺都幾好，自己都鍾意BB嘅，但係要先搵番個男朋友拍拖、結婚，才可以生BB，唔可以跳step。」
場地：Alexa & Todd
髮型：Jay@HAiR
化妝：Alice@technique
Orignal From: 李詩韻 唔恨入豪門
沒有留言:
發佈留言