最近的《法證先鋒III》是祥仔首次擔正的時裝劇，成敗得失絕對影響他將來的戲路，結果該劇最高收視的36點的佳績，令兩奪視帝的他打了強心針，坦言期望締造歷史，成功連任成為首個三連冠視帝。
對於最近王維基引發新一輪電視圈風雲，挖角聲不絕，多年前曾試過向外闖的祥仔，早已聲言會留守無綫，他更認真說：「公司唔駛畀定心丸我，係我畀定心丸公司！」因為他早已習慣無綫的制度，做生不如做熟。採訪：杜淑霞
入行25年的祥仔，向來擅於演繹草根階層的小人物，今次在《法證先鋒III》首次飾演專業人士，對他和觀眾來說絕對是一大突破，他慶幸早前在《畢打自己人》中的「社長」角色要經常穿上西裝，令觀眾和自己早已熟習這個西裝友形象，對今次角色有一定幫助，劇集出街更有不少人大讚他有型，令他相當滿意。
為視帝作改變
近來見祥仔私人時間都比以往注重外表，以為他是為角色作準備，原來這是他自從奪得視帝後，刻意作出的改變，「這兩年確實注重外表多咗，以往出街大家唔會留意你，但係依家唔同，我依家行商場每次都至少要同兩個Fans合照，咁自己就唔可以太烏where，因為啲相會留存落嚟，啲Fans會有期望，我都唔想令到佢哋失望，唯有執正啲出街。」 成為視帝後，祥仔的作品難免令人有所期待，《法》劇收視愈戰愈勇，最高收視達36點、平均則有33點，祥仔這個考牌作絕對成功。最初還擔心觀眾未必接受這個新戲路的他，現在可以放一萬個心，對挑戰三連冠的視帝寶座，亦加強了信心，「今次《法證》唔似以往《義海》戲味比較濃，又有大時代衝擊，勝算會比較高，今年大家表現都好平均，不論係戲種或者角色都係，所以真係好難估，我當然希望可以三連冠啦！始終可以創造一個歷史，成為一段佳話，但係又唔係話好恨！」
早已找到歸宿
早前王維基引發的挖角潮，跟無綫沒有經理人合約的祥仔，成為首批表態撐公司兼承諾不會離開的藝人，祥仔坦言不代表自己不恨錢，只是有些錢根本沒本事賺，原來98年曾離開無綫4年的他，早已找到自己歸宿，「當年離開TVB時，係因為到咗個困局，加上自己年紀輕，好想出外闖闖見識一下，但係嗰陣時我已經諗一定會返嚟TVB，因為我真係好怕陌生環境，所有嘢都要重新適應，喺TVB所有嘢我亦都習慣晒，咁就可以專心去演戲，唔需要再兼顧其他嘢，當然每個人價值觀唔同，但係我寧願留番喺度，所以公司唔駛畀定心丸我，係我畀定心丸公司！」 既然錢不能打動祥仔，要邀得祥仔合作，除了誠意還可以靠甚麼呢？他想了想說：「如果製作好吸引，可以提升到自己，導演、劇本同對手都好，我當然會考慮，就算去內地拍都無問題，雖然我比較鍾意留喺香港做嘢，得閒可以陪吓屋企人。」原來可以真正留住祥仔，其實是太太Julia和囝囝正橋，做住家男、一家三口樂也融融才是他最嚮往的。
後記：視演戲如命
跟祥仔談到訪問歐陽震華時，Bobby希望退休後開老人院自住，問到祥仔有沒有計劃過自己的退休生活，他即愁爆說：「我從來冇當演戲係工作，唔敢諗如果生活中冇咗演戲會點，作為一個演員但唔演戲，等如隻馬唔去跑，咁係咪死得呢？我諗到呢度唔敢再諗落去。」不過將來有意陪囝囝一起讀大學的祥仔，卻絕不選擇讀戲劇，「戲劇理論一早讀咗，以我嘅資歷係去研究同分析角色，心理學、哲學同社會學呢啲更適合，可以用唔同層面去分析角色。」
Orignal From: 留守無綫望三連冠 黎耀祥：我畀定心丸公司！
沒有留言:
發佈留言