「肥田」不但未能在頒獎禮為胡杏兒帶來任何獎項，嚴重打擊了她的自信，自此一蹶不振的她，再沒信心飾演任何角色，同時更被網友揶揄演戲只得個囧樣，令她一度懷疑是否適合再當演員。
胡杏兒年前終於走出陰霾，今年更成為視后頂頭大熱，不論網民意見、或是公司內定統統指向她，再拾自信的她不諱言增強了自信心，就算提名劇集不是外界心水的《怒火街頭》，而是《萬凰之王》也無損她奪獎機會。採訪：杜淑霞 髮型：Aaron@Hair Culture
記者早前跟歐陽震華訪問，提到今年視后的心水，Bobby想也不想便說出胡杏兒的名字，除了因為兩人在新戲《耀舞長安》中合作愉快外，Bobby還透露：「杏兒同我講，話覺得自己冇咩觀眾緣，對自己好似好冇信心咁，我睇過佢喺《魚躍在花見》嘅表現，真係演得幾好，好有進步呀！我個人比較鍾意鋤強扶弱，所以我撐佢！」
「囧樣」是徵狀
訪問當日，胡杏兒細心聽畢Bobby的話，表現得很感動說：「真係好開心，好多謝佢支持！」問她當日何出此言，因她向來給人的印象，絕非這樣沒自信的人，原來她自從演出《肥田囍事》後，事業一直停滯不前，外界以為她被「囧樣」一事拖累，實則「囧樣」只是徵狀，真正病源卻是另有原因。
胡杏兒說：「06年時拍《肥田》都仲算好新，公司突然喺頒獎禮又加多一個獎，當時知道自己冇可能贏到阿佘，但自己好努力咁演，演得咁辛苦，既然有一個大獎一個細獎，我應該都有機會攞番個細啩！點知出嚟係食白果，竟然乜獎都冇，當時好記得，其實我唔介意輸，都預咗輸，但係我真係冇諗過會輸得咁徹底，嗰次真係令我對自己冇晒自信。明明以前都好有觀眾緣，唔知點解突然冇晒！」
不再拍喜劇
往後幾年外界以為胡杏兒只是帶着囧樣做戲，實則她甚至想過放棄，「嗰陣時自己做每個角色都冇晒信心，不斷懷疑自己，會諗我真係咁差咩，甚至會諗我係咪適合再做呢行，所以拍《亂世佳人》、《太極》同《當狗愛上貓》時真係好迷失，去咗一個樽頸位，點都衝破唔到，真係覺得好辛苦。之後屋企人講番畀我聽先知，原來嗰陣時我情緒波動好大，好在我家姐係做輔導員，佢成日開解我，先至過到呢關。」
經歷過低潮時期，胡杏兒更加珍惜今日的高峰，成為網民意見和公司內定的熱門人選，胡杏兒除了很感激網民和公司的支持外，亦多謝近年的對手令她打破困局重拾信心，「好似同松哥（劉松仁）同Chilam（張智霖）佢哋合作，真係學咗好多嘢，可能嗰陣又連續拍咗太多同類型角色，希望嚟緊會拍番多啲好似《萬凰之王》呢類正劇，喜劇留番畀其他人試吓！」對於奪獎她亦顯得相當有信心，「信心都有八成，但如果係贏，梗係唔希望因為年資喇！希望係觀眾認同而贏！」
黃宗澤未夠好
32歲的胡杏兒，雖然跟黃宗澤感情穩定，但她自言未有結婚衝動，「我仲好細，你睇阿佘35歲都仲喺事業上面衝刺啦！我諗再過三、四年後先啦！」問到是否認定黃宗澤為結婚對象，胡杏兒則笑言男方未夠好，還需要時間再考慮清楚，「呢啲永遠都唔夠好，永遠都有進步空間，佢自己知自己事啦！」
Orignal From: 肥田失獎 囧樣打擊 胡杏兒再爭視后增自信
沒有留言:
發佈留言