查小欣轉投無綫主持明星訪談節目

最近盛傳陳志雲「炒」查小欣而捧吳綺莉上位取代其電台節目主持位置，不過查小欣原來已有「出路」，下月開始為無綫主持一小時麻辣形式的明星訪談節目，查小欣更為其新節目與無綫非戲劇製作總監余詠珊在酒店傾談細節。

余總坦言多次想找查小欣做節目，前後九年，今次終於傾成，而查小欣亦稱「恨做」：「只不過最近我媽媽過身要處理身後事，之後我又要陪囝囝飛美國搞入學，但我8月26日會返嚟出席電台台慶。（關係如何？）我係員工囉！今次幫無綫做節目畀你哋（指記者）撞破，我都要同公司交代。（吳綺莉取代你？）之前已經知喇！志雲叫我退出嚟做其他節目。（話『腰斬』節目你唔開心？）冇！報道手法啫！」而陳志雲在電話澄清並非「炒」查小欣，強調對方會負責其他節目之幕後工作，有關她入無綫「取代」他做近似《志雲飯局》的訪談節目，志雲大力支持：「以小欣姐資歷同訪問技巧，畀個電視平台佢更有發揮。」


查小欣（右）將到無綫新節目，昨日與余詠珊密斟。

查小欣將為無綫主持明星訪談節目。

---

Orignal From: 查小欣轉投無綫主持明星訪談節目