2012年8月23日星期四

向海嵐年底復出拍劇

去咗上海四年幾幫朱玲玲老公羅康瑞間瑞安公司打工嘅向海嵐( Anne),聽聞佢最近辭咗職,馮仁昭噚日打電話同仲喺上海返緊工嘅 Anne通過電話,傾吓佢嚟緊有乜新動向。

兼顧搞生意


Anne話佢呢幾年學到好多嘢,好多謝老闆同老闆娘,不過好想有自己嘅事業,所以佢會同香港一個朋友搞公司,專幫內地客出海外搞婚禮,投資成六位數字。佢仲話會簽番個經理人拍番劇集㖭,老闆娘朱玲玲都好支持佢呢個決定。

其實 Anne之前演嘅無綫劇《楊貴妃》同《無頭東宮》喺內地都幾受落,呢兩年都不停有人搵佢拍劇或者演舞台劇,拍戲都係佢嘅興趣,於是決定同盤生意一齊,雙線發展自己嘅事業,佢話經理人幫佢傾緊工作,預計年底會拍劇,不過基地以內地為主,咁仲會唔會返香港拍劇呢? Anne話以前同陳妙瑛、黎姿、黎耀祥佢哋合作得好開心,都好想有機會再合作。

向海嵐再戰娛樂圈,佢話得到老闆娘朱玲玲嘅支持。
向海嵐再戰娛樂圈,佢話得到老闆娘朱玲玲嘅支持。

《無頭東宮》劇照
《無頭東宮》劇照

幫朱玲玲老公羅康瑞打咗四年工,向海嵐決定跳出嚟創業。資料圖片
幫朱玲玲老公羅康瑞打咗四年工,向海嵐決定跳出嚟創業。資料圖片

Orignal From: 向海嵐年底復出拍劇

沒有留言:

發佈留言