一輪電視大戰，令不少無綫幕後人員被撬走，令製作經常出現錯位，最近一次播出的《飛虎》劇就有時空交錯的人物出現，令人啼笑皆非。昨日又有眼利觀眾發現，前晚播出的《怒火街頭2》，在劇中飾演富豪麥長青兒子的周志康，竟忘記拉褲鏈，周志康當時坐在摺凳上，雙腿張開，雖然鏡頭只有一、兩秒，但仍清晰見到他的褲襠位置呈現一個黑色洞。
周志康在《怒火2》中忘記拉褲鏈，他得知後亦感尷尬。電視圖片
古裝劇《造王者》中，胡諾言衝口說現代語：「總之就黑仔！」而字幕則打出倒楣二字。電視圖片
區文詩（右）一身火紅裝束，不及谷胸的唐詩詠搶鏡。
古裝劇講現代語
周志康昨在電話中解釋說：「吓？係咩？真係唔知，我都要返去睇吓。雖然有啲尷尬，但都開心觀眾連咁細微嘅位置都留意到。」至於同在前晚播出的古裝劇《造王者》竟有現代語言出現，胡諾言對住一同坐牢的黎耀祥，衝口而出說：「總之就黑仔！」
胡杏兒搵貓陪瞓
《怒火2》的收視和口碑雖不及第一輯，但無綫仍有意開拍電影版，身為女主角的胡杏兒前晚與薛凱琪（ Fiona）、唐詩詠、陳逸璇等在中環出席時裝騷，杏兒透露有聽公司提過：「但有好多變數，要遷就男主角鄭嘉穎。」
回復單身的杏兒表示將來揀男友不一定要專業人士，提到早前一擲千六萬買豪宅，她否認由台灣藝人黃少祺送贈，揚言不會刻意待黃宗澤離港才搬屋：「大家係朋友，但唔會叫佢幫手搬。」問是否買來做姑婆屋？她無奈地說：「唔知㗎，睇緣份！我有八隻貓陪我，家要享受吓單身生活。」
應屆中國跳水隊奧運銅牌得主唐奕表示好喜歡 Fiona的新歌《倒刺》， Fiona為此感光榮，自爆主動在微博聯絡對方：「我送咗隻親筆簽名 CD畀佢，佢又送番件奧運入場 T恤同簽名泳帽畀我，好開心。」
《今日我至衩》
前晚胡杏兒着住套勁高衩嘅高貴黑色晚裝出席時裝騷，似乎要話畀舊愛黃宗澤知，分手之後佢仲索過以前。
Orignal From: 同《造王者》鬥穿崩 《怒火2》闊少冇拉褲鏈
沒有留言:
發佈留言