即使做「啞巴」，前天林欣彤堅持現身做新片宣傳，她陰聲細氣說：「因為我用咗好多心機拍呢部戲，之後我仲會幫新唱片宣傳，下月4號又為《新城數碼‧巨旦靚聲音樂會》演出，都頂埋佢啦，因為完成埋手上工作後會全面休息兩至三個月，可能影響到收入同事業，但唔理啦，冇嘢比健康更重要。」
身體差致失聲
談到病情，因為中、西藥雙管齊下，病情略有改善，西醫已停藥，醫生只叮囑她多作休息，現階段每天睇中醫飲藥，醫師指她身體差，才會引致聲帶受損，要固本培元。她坦言：「病後情緒受到困擾，因為喉嚨好痛，連講嘢都有困難，好心急想盡快康復，所以好冇心機，（有冇喊呀？）有呀，唔係擔心事業咁簡單，聲音對一個人嚟講真係好重要。未康復前，唯一希望自己可以開心啲，好彩得到一班巨星幫朋友支持！（包括緋聞男友羅孝勇？）全部啦，仲有一班圈中人，佢哋好鼓勵我。」
經常受失聲之苦的容祖兒亦有介紹Mag到南京做針灸治療，亦已完成了第一個療程，需要時再北上。
籲歌迷勿擔心
至於無綫藝員科高層樂易玲回應林欣彤病情說：「佢係聲帶發炎，但未去到生繭咁嚴重，需要多休息。」對於Mag受失聲困擾而影響到情緒，樂易玲說：「咁梗係唔開心嘅，又食唔落，講唔到嘢，但好多歌手都會經過呢個階段，唔使太擔心。」
聲帶灌膿致抑鬱 暴瘦林欣彤驚收山
曾失聲歌手
容祖兒
容祖兒自嘲出名失聲 ，尤以2001年上半年聲帶發炎，失聲情況最嚴重，一度令事業陷入低潮，以為自己歌唱事業就此完結，其後頻頻到南京接受針灸治療，終戰勝疾病。
李蕙敏
李蕙敏在1997年開始，因為聲帶生繭導致失聲，她接受黃偉文訪問時，曾表示有部份高音唱不到，她一度十分擔心，怕因此而無法再唱歌，又徬徨無助；而生病一事她也不想告訴別人，怕外間以為她以此為唱歌失手走音的藉口，於是每次她唱過現場騷後，也會回家偷偷垂淚。
王傑
星運浮浮沉沉的王傑年前曾自稱，指他曾被人在飲料中下毒藥，中了鉛毒，導致嗓子一度嚴重損壞，好幾年時間啞到失聲。
Orignal From: 暴瘦林欣彤失聲驚收山
沒有留言:
發佈留言