鍾嘉欣（Linda）、林夏薇、陳智燊（Jason）與楊明日前為劇集《幸福摩天輪》拍外景，劇情講述楊明曾欺騙林夏薇感情，巧遇與她剛分手的Jason在一起，即笑她食回頭草。Jason為助她「落台」，刻意拖手做戲，殊不知被女友鍾嘉欣撞到正。Linda表示拍此劇十分開心，全新組合之餘更是後生仔女，覺得恍如拍攝青春劇。不過，後生組合背後，論資歷原來是Linda最深，她笑說：「佢哋開始時個個叫我阿姐！嚇親我呀！其實我年紀唔大。（Jason大你好多？）係呀！不過佢好大細路，而且又Baby Face，我懷疑佢食咗防腐劑。」
讚陳智燊進步大
對於Jason初任男主角，Linda讚對方進步良多：「我都要跟佢學習，以前我一NG就會好驚同緊張，其實咁樣壓力仲大，相反Jason好積極，做到最後為止。」而Jason則表示已投入很多，自言喜歡拍攝小品式愛情劇集：「要我做好Chok、好型好似好簡單，其實係最難倒我。」
提到林夏薇於戲中與楊明有咀戲，Jason笑言羨慕對方每套劇都有咀戲：「我問佢咀過咁多個，邊個最好咀，但佢唔話我知！」劇中受情傷的林夏薇表示現實生活拍過三次拖，但未試過受騙：「有兩次分手都係因為兩地相隔。（唔再試？）唔會！只要有Feel就冇問題。」
而楊明下月中便與女友到美國註冊結婚，拍完此劇後便會為婚事張羅，稍後會到馬來西亞拍攝婚紗照。問到拍咀戲要否向未來老婆「報定案」時，他指都會講聲，對方亦相當明白。
鍾嘉欣未到三十已經榮升阿姐，犀利！
陳智燊Chok搞笑甫士與林夏薇合照，十足細路仔。
陳智燊、林夏薇、劉俐及楊明個個嫩口，難怪鍾嘉欣話似拍青春劇。
鍾嘉欣（左）撞正男友陳智燊翻拖舊愛林夏薇，好彩現實冇發生！
Orignal From: 《幸福摩天輪》鍾嘉欣榮升「阿姐」
沒有留言:
發佈留言