盈盈，樂樂承認奉子要趕喺年尾拉埋天窗外，跟圈外女友Betty拍拖十二年的敖嘉年，更加搶先一步，下月做老襯。唔似錢嘉樂湯盈盈大事鋪張，九月結婚的敖嘉年，為免婚事張揚，既秘密到加拿大註冊行禮，且實施「三不」保密政策。
但紙包唔住火，被踢爆搶閘做老襯，敖嘉年焗住向本刊記者承認婚事。
睇開啲，樂樂！（設計對白）
打我尖！（設計對白）
唔著婚紗禮服
早前與女友行超市入貨，全程沒有親暱舉動，儼如老夫老妻。
在無綫捱了十五年，敖嘉年近年終憑《巾幗梟雄》系列的敗家仔及排骨仔，由大茄跳升二線小生位。早前出街的新劇《造王者》，飾演皇帝的他戲份亦迫近兩主角黎耀祥、鄭則士。事業企穩，四十而立的敖嘉年終肯成家立室，跟拍拖十二年的圈外女友，於九月中秘密到加拿大註冊結婚。敖嘉年不單將婚事低調，更一切從簡，結婚實施「三不政策」，唔著婚紗禮服，唔請朋友觀禮，唔要大排筵席。故加拿大秘密行禮後，據悉回港補擺喜酒亦只邀雙方家人及敖嘉年師傅陳觀泰及同門師叔伯，圈中藝人一律不被邀請。
將婚事低調的敖嘉年，在港補擺喜酒亦只筵開兩三圍宴請親人及師傅陳觀泰。
「敖嘉年同女友兩個都唔鍾意熱鬧，所以婚禮都想靜靜咁舉行。佢女友嘅家人喺晒加拿大，既然雙方唔想婚事張揚，所以就揀喺加拿大註冊。婚紗相就要等到年尾先有時間去泰國補影。佢跟師傅陳觀泰接 咗楊盼盼監製嘅武打片原本 喺九月開拍，但結婚大過天，楊盼盼唯有讓路，將電影延期到敖嘉年完成人生大事，喺加拿大享受埋蜜月之旅，十月先開拍。」知情者爆。
泰國買屋做愛巢
娶妻求淑女，敖嘉年的準老婆 Betty卻係叻女一名。據知她是前美聯社記者，現為一間 workshop老闆。男友事業低潮她仍不離不棄。近年敖嘉年事業漸見起色，她仍甘做隱形女友，直至去年敖嘉年先後跟人妻梁靖琪及江美儀傳緋聞，他為向女友派定心丸，才逐漸將地下情浮面。去年他被哎 吔師傅洗灝英打爆眼角，爆出同門恩怨，事業一度陷入困局，幸得女友在旁支持，故同居多年，都係時候給對方名分，修成正果。
在新劇《造王者》飾演皇帝的敖嘉年，面對兩大男主角黎耀祥及鄭則士，演技亦不比下去。
二人在北角繼園臺同居多年，婚前敖嘉年雖有意置業迎人生大事，但最後因樓價太貴被迫擱置。
記者向敖嘉年求證九月拉埋天窗一事，欲將婚事低調的他起初不想多說，幾經追問他才承認九月在加拿大註冊。「係九月結婚，不過邊一日就唔想講。」他承認婚禮一切從簡，一對新人唔會著婚紗禮服。結婚唔大搞，除不愛熱鬧，另一目的是要儲彈藥置業。「原本諗住結婚買樓，但樓價太貴，點買得起！唯有繼續租樓住。不過我計劃緊 喺泰國買屋，因為我同女友都好鍾意泰國，花二百零萬就可以買到間獨立屋當愛巢。」
準敖太 Betty（箭咀）曾任美聯社記者。與敖嘉年拍拖十二年，在男友圈子中早被確認「阿嫂」地位。
敖嘉年去年被哎吔師傅冼灝英打爆眼角，因而爆出同門恩怨，成為他入行十五年以來少有的負面新聞。
年尾喜事多
今年娛圈喜事旺，由年頭到年尾，不斷有藝人結婚生仔。繼有洪天明與周家蔚結婚兼有喜、姚樂怡終於嫁得出、楊千嬅及劉華分別當上父母後，娛圈喜事，年尾陸續有來。
結婚：年底 盈盈+樂樂
因為湯盈盈有餡，原定明年等埋獎門人曾志偉六十大壽，齊齊辦喜事結婚的錢嘉樂，都要急急標尾會，趕於年底同女友註冊結婚，等湯盈盈以錢太身份生仔。
4/10 陳志健+羅苡之
港男陳志健與羅樂林愛女羅苡之拍拖數年，終定今年十月拉埋天窗，在 Holiday Inn酒店筵開 48席。早前，男方更公開騷 42吋胸肌的型爆婚紗相。
生仔： 11月 羅敏莊
今年 3月，在伊館舉行個唱完成心願的羅敏莊同時宣布有喜，老公陳國邦緊張到去到邊陪到邊，佗女的她預產期為今年十一月初。
10月 文頌嫻
文頌嫻今年 3月與商人李梓慎奉女成婚，預產期為十月。
10月 趙梓淇
跟老公周永恆已育有兩歲女兒周信希的阿 Yu，去年不幸小產，養好身體後，今年初成功再度懷孕，第二胎都係女，預產期為十月。
Orignal From: 敖嘉年九月加拿大結婚
沒有留言:
發佈留言