樂瞳憑《點解阿Sir係阿Sir》的學生妹「中女」一角成功上位，雖然身高158CM，跟法拉BB同嘉欣BB的無敵長腿完全無得揮，但勝在夠Cutie，親切感勝一切，被宅男們速捧成女神，TVB力捧，劇接劇，曝光率極高，但吊頸都要唞吓氣。去年11月10日，樂瞳忙裏偷閒跟鄧智偉秘往馬爾代夫展開六日四夜甜密旅程；熱心讀者指，兩人當日先到首都馬里住一晚，翌日乘內陸飛機到Kaadedhdhoo機場，然後轉乘Speed Boat往港人最熱愛的蜜月酒店Ayada「享受」陽光與海灘。在轉乘Speed Boat期間，兩人不時拖手、攬腰、搭膊頭、細聲講甜甜笑，表現煙韌，明顯是熱戀中的愛侶。由於同船只有6人，另外兩對均是來自香港的情侶，雖然樂曈架上太陽眼鏡，但兩人「身份」很快被識破，為了掩人耳目，他們竟然轉Channel講「唔鹹唔淡」的港式英文，此舉即時現晒型，露出馬腳。
欲言又止嘴扁扁
問樂瞳是否跟鄧智偉拍拖？當事人先呆後尷尬壓軸驚青，又不停用眼神向身旁的經理人求救，女神聲震震如蟻咬，欲言又止般，「你究竟知道啲乜？(你同鄧智偉係咪拍拖去馬爾代夫？)呀~呀~我~我哋係好朋友，你有無相呀?(有相先認?)唔係，我只係想知影到啲咩，嗯~呀~o依~哦~真係唔識答，(公司唔畀拍拖?)唔係，我好努力先做到啲成績，唔想人哋覺得我係靠人。」樂瞳講到想喊勁陰功豬，記者即轉話題，(兩個人去旅行開唔開心?)女神嘴扁扁，「咁去旅行梗係開心。」
愈答愈失控
女友承認拍拖，但鄧智偉卻否認，「我哋係一班人一齊去，已經年幾前嘅事，一個星期都可以有好多變化，總之我哋係好朋友，識咗好耐。(識咗幾耐？)唔記得，(點樣識？)撞到囉，咁私人嘅事唔答，每個人生都有唔同際遇，我係幕後人，無新聞價值，多謝讀者報料。(讀者指你同樂瞳拖晒手。)有咩？唔記得咯，幫幫忙，唔好寫啦。佢(樂瞳)好好人，心地好好，(會唔會追佢？)我都唔追女仔嘅，啲人以為我Gay。」然後鄧智偉語無論次愈來愈嚴重，「出咗報道之後，啲人就會知道我朋友多。」
港夫婦蜜月勝地
去年十月份開幕的Ayada Maldives深得香港新婚夫婦歡迎，由於鄰近赤道，熱帶風情表露無遺，加上湛藍的海水與一望無際的天空，此景只應天上有。最平的Beach Villa要1,400美元(約11,000港幣)一晚，最貴的Sunset Ocean Suites 更要1,960美元(約15,203港幣)一晚，粗略一計，樂瞳住了4晚Beach Villa盛惠5,600美元，即43,438港幣，為冧女友，鄧智偉非常揼本。
女神多兵
樂瞳入行6年，09年進軍樂壇，同年推出首張迷你專輯《短罪》主打歌由鄧智偉作曲，當年樂易玲聽過樂瞳唱歌後，即引薦畀無綫電視音樂總監鄧智偉，之後再得到 DJ Tommy賞識簽約成為 CMD歌手，同年更攞到無綫「最受歡迎新人銅獎」，上位後緋聞停不了。
羅鈞滿合作拍《護花危情》
《點解阿sir係阿sir》的朱敏瀚
《天與地》少年版陳豪的楊潮凱
Orignal From: 樂瞳秘撻TVB音樂總監鄧智偉 馬爾代夫預支蜜月
沒有留言:
發佈留言