北上密密送 JJ搞上樊少皇 拋 20年妻棄 15歲女 10歲仔 樊妻含淚：唔好俾仔女知
在《怒火街頭 2》做「北姑骨妹」做到入型入格的賈曉晨（ JJ），兩個月前終於醒覺，決定飛甩奀星男友沈震軒，終止搵錢貼仔生活。
點知蠢性不改！轉過頭 JJ竟然搭上比她大足足十年、兼且有個結婚超過十年的老婆、還有一對十五歲同十歲大仔女的武打奀星樊少皇， JJ甘於做小三同人爭老公。
而一直被樊少皇收埋的正印，對於情敵 JJ頻頻北上送外賣，老公張揚搞 J，只能攬住兩個仔女，含住一泡眼淚，硬食！
青島幽會
同武打奀星樊少皇搞埋後，愛得火熱的 JJ，不時自費買機票返大陸，人肉速遞探望正身在內地拍劇的樊少皇。上星期六（八月十八日）， JJ再次飛青島，三日兩夜瘟人夫，她更在微博中上載一張酒店房內的油畫相，並寫上：「簡單就是快樂」，半小時後，樊少皇亦發了一個微博，同樣放了一張從另一個角度影的同款油畫相並留言：「我要快樂」。
好明顯，當時二人同在酒店房內，公然晒命，風流快活。不過，翌日早上，樊少皇同 JJ快樂完一瞓醒，即靜悄悄刪除這段微博。
據了解，樊少皇同 JJ於今年三月廿三日，洪天明的婚宴上初邂逅，二人經朋友介紹認識，據當晚同場目擊者稱，當時樊少皇已經對 JJ起痰，全晚不停撩她傾偈，知道 JJ對功夫有興趣，第一時間攝位自薦教她，十分主動。
練得一身好武功，肌肉硬過鐵的樊少皇，輕易就溝掂女神 JJ。
對於老公搞女人，樊太表現十分無奈，眼濕濕回應，並叫十歲大的兒子遮面，避免上鏡。
樊太帶仔女返回外家食飯，大女與老豆十足餅印一樣。
目前樊少皇正身在青島，與劉愷威及楊幂拍攝電視劇。
在酒店幽會時，兩人差不多時間上載一幅不同角度影的圖畫上微博，洩露他們在一齊的行蹤。
三月尾 JJ同樊少皇一齊到湖南出席酒吧開幕活動，同場還有洪天明、羅家英，他們兩人更在酒吧內猜枚劈酒狂歡。
湖南撻着
令二人有進一步發展，是三月廿九日， JJ與樊少皇碰巧同被邀請，到湖南出席一間夜店開幕活動，雖然當晚還有羅家英與洪天明兩個香港友，但樊少皇全副精神集中在 JJ身上，全晚陪玩。
「做完開幕儀式，跟住就留咗喺夜店裡面玩，佢哋係咁猜枚劈酒，少皇又表演功夫氹 JJ開心，玩到攬頭攬頸，咬晒耳仔，之後仲交換咗電話。」目擊者說。
自那晚開始，樊少皇展開追 J行動，除了不停 SMS外，又頻頻刻意發放一些「早晨」、「晨光初現」，含有晨字的微博，以表示對 JJ的思念。
其時， JJ與沈震軒仍未分手，卻遇着男友拍《喜愛夜蒲 2》同乳牛劉羽琦拍性愛場面假戲真做， JJ打爛醋埕，一怒之下撇甩窮男友，唔再貼仔。
JJ與前度男友沈震軒，稍後將會在新劇《好心作怪》中再碰頭。
○○年樊少皇與老婆到台灣旅行，已被傳媒影到他們一齊。
兩人愛得火熱，更戴埋情侶帽。
原本二人互不認識，但在洪天明婚禮上， JJ同樊少皇首次碰面，就有火花。
七月尾的時候， JJ又北上探樊少皇班，兩人在餐廳撐枱腳時，將餐廳環境相放上微博。
吹乒乓 變女神
早年在國內拍劇拍廣告做模的 JJ賈曉晨， 03年經朋友介紹認識活躍元朗一帶的江湖人、綽號「上海仔」的郭永鴻，之後簽約對方成立的經理人公司「 Joy Star」。後「上海仔」結束娛樂業務，安排 JJ改投阿叻陳百祥開設的經理人公司「 SNAZZ」。
受人所託，阿叻全力捧 JJ，安排她參加「美女廚神比賽」，雖然滿口鄉音，但甜美外表加上成為廚神冠軍， JJ開始為人所識，之後更歌影視三棲發展。
入行將近十年， JJ最近才憑《怒火街頭 2》做揼骨妹突圍，緋聞唔算多，反而最令人留下深刻印象的，是在一系列《獎門人》遊戲節目中，以閉眼 O嘴啜乒乓波。
戀父狂
由「上海仔」一手帶入行的 JJ，有指二人關係非比尋常，更離奇是 JJ因入住李子雄的物業而傳出緋聞。
嗲功出色
成為「味之天使」梳打後，有指 JJ經常以嗲功冧監製錢國偉，遭其他天使杯葛。
戀奀星
10年與奀星沈震軒到上海拍旅遊節目撻着，男方搬到 JJ位於將軍澳的香閨任食任住，早前沈震軒接拍電影《喜愛夜蒲 2》，因與國產乳神劉羽琦拍情慾戲異常投入， JJ醋意大發分手。
做人小三
JJ火速接受樊少皇追求，以為搵到細心男友執到好嘢，但原來是做人小三，搞上有婦之夫。
據了解，樊少皇早有個跟他二十年、結婚十多年的老婆，二人的長女已經十五歲，還有一個十歲兒子。
「少皇同霞女（樊太）係青梅竹馬，一齊咗二十年，九六年因為大咗肚結埋婚，佢哋嗰陣就住喺紅磡佢老豆（樊梅生）屋企。佢哋感情好好，成日拍住拖去街，不過對於仔女就好低調，唔同人講，話做娛樂圈俾人覺得係獨身會好啲喎！近呢幾年少皇成日返大陸拍戲，都搵到啲錢，之後就搬咗出嚟，一家四口喺黃埔花園租咗個八百幾呎單位，以為佢好顧家，原來都係玩女人嗰隻。」樊少皇身邊人說。
忘恩負義
據稱，霞女對另一半死心塌地，有一段長時間樊少皇無戲拍無收入，曾做售貨員的霞女要獨力賺錢養家，俾零用錢兼買埋車給樊少皇；想不到樊少皇忘恩負義，對曾經共患難的另一半不忠，甚至去到拋妻棄仔女的地步。
誤做小三的 JJ，知道樊少皇有老婆仔女的真相後，雖然亦有質問對方，但卻天真到唔相信事實，繼續聽樊少皇講大話。
「 JJ同樊少皇件事爆咗出嚟之後，已經有人同佢講呢個男人有老婆， JJ好大反應好傷心，走去問樊少皇係咪有呢件事，點知個男人同佢講一早已經同個女人（霞女）無晒感情，離咗婚好多年，連啲仔女都無見好耐，心中只有佢一個，仲安慰 JJ話佢唔係第三者，唔需要內疚。 JJ亦傻到信晒呢個人，仲話即使俾人誤會自己係小三都唔介意喎！」 JJ身邊人說。
「宅男女神」 JJ，只係間中性感打扮，再加埋高潮樣，就已經殺死不少男人。
大部分時間在大陸拍戲的樊少皇，與娛樂圈狼之一族的陳浩民及馬德鐘十分老友，經常一齊食飯。
樊少皇的坐駕，車主登記是他的太太陳少霞。
戀情未踢爆前，兩人經常在微博上公然打情罵俏。
童星變打星
現年 39歲的樊少皇，父親是動作演員兼指導樊梅生，令他常有機會在電影中客串做童星，有指父親對他管教嚴苛，中學年代被送到少林武術隊讀書及練武，畢業後才正式加入娛樂圈。
早年樊少皇在電影圈工作，曾加入無綫拍劇，主演過《南拳北腿》及《少年英雄方世玉》等動作劇，打出名堂，更因拍劇出現首個緋聞女友。
97年，有傳樊少皇因為與梁榮忠爭奪傅明憲，兩男在清水灣電視城內講數兼郁手； 99年，傳樊少皇拍《少年英雄方世玉》期間，戀上來自台灣的李婷宜；到 02年，樊少皇拍《繾綣仙凡間》期間力追楊思琦，後來女方拍《血薦軒轅》撻着李泳豪，當時有傳楊思琦為避開痴情樊少皇，急搬到李泳豪屋企附近；而較近期的緋聞是今年年初，樊少皇接拍大陸劇《北京愛情故事》，傳與同劇演員佟麗婭日久生情。
近年樊少皇與父親樊梅生關係麻麻。
樊少皇不是第一次偷食，之前想溝楊思琦，試過被老婆踢竇。
話變就變
無論家有糟糠賢妻，抑或娶得美人歸，男人要變心，往往下半身支配上半身，拋妻棄仔女，在所不計。
羅嘉良
由過鏡奀星捱到上一線小生，羅嘉良圈外女友方敏宜一直對他不離不棄，二人拍拖 16年， 98年到加拿大註冊結婚，翌年誕下兒子羅裕珹。婚姻維持九年， 07年二人分居，辦好離婚手續後，羅嘉良 09年火速與年輕 12年的國內女星蘇岩，於北京高調擺酒再婚。
鄭少秋
先後結過三次婚，有四個女兒的鄭少秋，算是圈中負心男經典。跟已故藝人沈殿霞於 85年在加拿大結婚，兩年後肥姐懷有欣宜在加國待產，但同一時間，秋官卻人在台灣，與官晶華發展婚外情，肥姐於是提出離婚。
黃霑
有香港鬼才之稱的黃霑， 67年與歌手華娃結婚，並育有兩子一女。 76年，當時華娃懷有幼女黃宇詩，黃霑卻高調力追女作家林燕妮，華娃忍無可忍提出離婚。有傳黃霑與林燕妮在金庸見證下再婚， 90年二人宣布分手。
含淚訴苦
本刊找到住在黃埔的霞女及她一對仔女，對於老公不忠，樊太含淚訴苦。
壹：你係咪樊少皇太太？
樊太：係！乜嘢事？
壹：你知唔知你老公同 JJ搞埋一齊？
樊太：（耷低頭） Sorry……我冇嘢講，你問番佢（樊少皇）啦！
壹： JJ成日飛去青島搵你老公喎！
樊太：（情緒崩潰）唔好咁啦！
壹：樊少皇同 JJ講，話同你仲有啲仔女，已經無晒關係！
樊太：（眼有淚光，咬住牙關）唔好講，有細路喺度，唔好俾細路知！
壹：咁你同樊少皇仲有冇關係？有冇離婚？
樊太：好多嘢你哋（指記者）都查到，唔使我講喇！
Orignal From: JJ搞上樊少皇 拋20年妻棄15歲女10歲仔 樊妻含淚
沒有留言:
發佈留言