Niki簽約新公司後，八月底再為無綫開拍新劇，一年內更兩度演女警角色，Niki謂：「今次唔同，升咗職係演高級督察。」Niki表示這次對她是大挑戰，首次拍30集劇更在夏天拍攝，不論體力和演技都是挑戰，雖然演女警已有經驗，但今次都做足準備，事前特別向一個現役女督察取經，學習她的神髓。Niki笑謂：「原本仲諗住趁機可以變吓剪短頭髮，點知導演話唔係要男仔頭嘅女警，仲下令我要將頭髮有咁長留咁長添，要有女人味。」
Niki將飾演一個充滿女人味的高級督察，並不怕與對手傳緋聞。
單身已久的Niki笑言在新劇譜三角戀能滿足私欲。
唔怕傳緋聞
至於新劇將拍足三個月，Niki笑言：「唔使再Dry，因既有成熟穩重嘅三哥，又有『少女殺手』嘅黃宗澤。（Bosco啱啱甩拖？）接嗰時未發生呢件事！（Bosco經常同對手有激咀戲，依家敏感關頭會唔會避免？）呢個唔係一個好演員去做嘅事，總之劇情需要去到咪做囉，最緊要係自己有冇能力演好角色向監製交代，炒作新聞嘅嘢唔諗得咁多。」
Niki笑言周旋於Bosco和三哥兩個俊男之間唔怕Dry。
三哥（中）
Niki認為家姐會好快做母親。
講到現實中的三角戀？Niki坦言：「現實冇咁好兩個畀我選擇喎，呢次一次滿足晒我，相信呢三個月會好滋潤，我會好好享受周旋兩個俊男之間，唔使再Dry。」現實生活Niki坦言不會受大氣候影響，為結婚生仔而急於找男朋友。
等家姐生B
家姐周汶錡（Kathy）終嫁杏有期，Niki開心說：「佢嫁咗我就輕鬆晒、安樂晒！（驚佢嫁唔出？）唔係，現今女性冇嘢係要驚，係睇自己想定唔想，我開心係家姐將展開人生新一頁。」Niki最期待家姐做母親，想看她充滿母愛一面，她謂：「我覺得佢會好快做媽咪，我相信距離呢個階段絕對唔耐。」
服裝：ACNE@I.T.
髮型：Debby Kwan@Hair
場地：九龍珀麗酒店
文：音樂組
攝：吳文聰
Orignal From: 周麗淇情迷苗僑偉 等咀黃宗澤
沒有留言:
發佈留言