2012年8月22日星期三

上海直擊 鄭嘉穎勁抽葉問造型曝光

壹週刊 第1172期

正身處距上海市一個鐘車程的崑山,拍內地劇《葉問》的鄭嘉穎,拍劇價已經暴升到三十萬一集,一劇袋千萬,令他坐正今年無綫最賺錢藝人。財多身弱,本身患有遺傳高血壓的鄭嘉穎,長期要食血壓藥,今次演出葉問一角,由於有不少動作場面,加上零武功底,打起來更是百上加斤。

本刊直擊拍攝現場,發現鄭嘉穎不斷重複做一個武打動作,但武指唔收貨,一個鏡頭打足成個鐘,鄭視帝打到滿頭大汗,助手就不停抹汗。鄭嘉穎更向身邊人狂呻,日打夜打得番半條人命!呢一千萬,絕對係辛苦錢。

鄭嘉穎勁抽葉問造型曝光
鄭嘉穎咬住煙行出外景場地,助手邊行邊用毛巾吸汗,似大天二多過一代宗師。

無綫吸金王


去年九月,鄭嘉穎憑內地劇《步步驚心》爆紅後,自此一年內連接五劇,劇價由十五萬一集跳廿五萬再上調到三十萬,收入高達三千萬,今年坐正做無綫最賺錢藝人冧把 one。

「邊個估得到?年半前,嘉穎仲喺低潮期,工作無突破,量亦唔多,直至爆咗部《步步驚心》,一年就搵咗三千幾萬,賺突!呢排佢媽咪都幫嘉穎密密睇樓,佢想買兩個單位,一個自己住,一個送俾媽咪!」鄭嘉穎的友人說。

陳豪揼心


鄭嘉穎的賺錢能力,遠遠拋離去年無綫兩大賺錢王林峯及陳豪。
「本來《步步驚心》八阿哥個角色係搵陳豪,但 Moses一劇接一劇,嗰時根本無時間接,而家佢都有啲揼心。」
不過風光背後有代價,正在崑山拍內地劇《葉問》的鄭嘉穎,幾乎日日要打,四十三歲又無功夫底,好攞命!
「鄭嘉穎唔同宇宙最好打甄子丹,就算有替身,仲有好多要自己嚟嘅鏡頭,仲要打到似模似樣,真係唔易。喺崑山拍咗幾日戲,嘉穎已經同朋友講話場場戲都要打,嗰度氣溫高達三十八度,又熱又焗,日日開○七,真係得番半條人命,每日收工攰到爆,連電話都唔願傾。」鄭嘉穎的友人說。

鄭嘉穎勁抽葉問造型曝光
一手煙一手劇本,鄭嘉穎扯煙解壓。

鄭嘉穎勁抽葉問造型曝光

鄭嘉穎勁抽葉問造型曝光
酷熱天氣下開工,嘉穎唔夠一陣已經成身濕晒,辛苦得面容扭曲。

鄭嘉穎勁抽葉問造型曝光
自從成為賺錢王,樂易玲重將鄭嘉穎列入愛將榜,早前到上海出席電影節時,陪飲陪傾陪食煙。

創新高


今次拍劇價一集三十萬創新高,是無綫三十倍,明知做葉問一角要應付的動作場面勁多,鄭嘉穎亦頂硬上。
「除咗錢吸引,套劇嘅製作亦好大,唔少大牌都爭做呢個角色,投資方最終揀咗自己,嘉穎都想拍到部代表作,可以喺內地再行多步!」
已屆中年,一直患有遺傳高血壓的鄭嘉穎要長期食藥,炎夏中應付大量動作場面,加倍辛苦。
「嘉穎都有 check住啲血壓,食嘢亦好小心,其實佢媽咪都好擔心,怕佢捱出病。」鄭嘉穎身邊人說。

坐正做阿一


雖然在無綫劇價唔算高,《步步驚心》後,鄭嘉穎在內地拍劇有價有市,一年已賺過三千萬,力壓今年賺 1075萬的陳豪及 829萬的林峯。

坐正做阿一


雖然在無綫劇價唔算高,《步步驚心》後,鄭嘉穎在內地拍劇有價有市,一年已賺過三千萬,力壓今年賺 1075萬的陳豪及 829萬的林峯。

鄭嘉穎勁抽葉問造型曝光

鄭嘉穎勁抽葉問造型曝光

鄭嘉穎勁抽葉問造型曝光

勁 NG


上週四(八月十六日)早上九時,鄭嘉穎已在崑山的福納影城開工,穿上一層層的唐袋衫,未埋位已經滿頭大汗;身邊兩個女助手忙幫他抹汗補妝,他則一手劇本,一手煙,勁抽!
下午集中拍室內戲,打鬥戲則押到最後夜晚拍,其間鄭嘉穎與一名男演員過招,三幾下招式 NG四次,仍達不到武指要求,之後武指還親身示範做一次,鄭嘉穎跟住照做,亦要 NG多三次,導演才收貨。

鄭嘉穎勁抽葉問造型曝光
在崑山開工個多星期後,嘉穎已經狂呻得番半條人命,該劇要拍三個月,有排捱。

鄭嘉穎勁抽葉問造型曝光
打極都唔似,武指親自示範,嘉穎照跟。

鄭嘉穎勁抽葉問造型曝光
開完早班,夜晚還要拍動作,一日踩十多粒鐘。

《步步驚心》八阿哥一角,因陳豪辭演,嘉穎才冷手執個熱煎堆。

《步步驚心》八阿哥一角,因陳豪辭演,嘉穎才冷手執個熱煎堆。

多胞葉問


「葉問」一角最富代表性要算宇宙最好打的甄子丹,梁朝偉亦令人期待,陸續有來的還有黃秋生、鄭嘉穎。

○八年葉問 甄子丹


○八年葉問 甄子丹

出名打得的甄子丹自細習武,曾參加世界武術錦標賽並得到冠軍。○八年擔正《葉問》,大收旺場,自此被稱宇宙最強,一○年添食《葉問 2》,一樣大收。

一二年葉問 梁朝偉


一二年葉問 梁朝偉

○二年開始籌備拍攝的《一代宗師》,經過王家 衞多年雕琢近十年,梁朝偉如何演繹,觀眾引頸以待,是本年壓軸電影。

Orignal From: 上海直擊 鄭嘉穎勁抽葉問造型曝光

沒有留言:

發佈留言