今個月就33歲的周麗淇，早前加盟林建岳的大岳娛樂公司，蓄勢待發加入搵人仔大軍之列。
自從與舊公司BMA約滿後，Niki讓自己放了個悠長假期。年幾的真空期，Niki無約一身輕，樂得當個自由人，好好思考日後事業的方向，她還到了歐洲遊學半個月，報讀了心理學、哲學和語言課程，為自己增值。
Niki經過年多的休息，已作好準備重新出發，再在演藝圈大展拳腳。
鄭嘉穎與Niki拍劇撻着，曾經以情侶檔為婚紗公司行show，不知此情是否可重現。
Niki的姊姊周汶錡（右）下月底結婚，看來Niki要加把勁，早日脫離剩女行列。
Niki05年在無綫台慶頒獎禮上獲飛躍進步女藝員獎，頒獎給她的是韓國型男池珍熙。
遊學自我增值
雖然有人對她說這年幾好像沉寂了，但Niki卻有另一體會，感到自己成長了，思想比以往更成熟，她說：「以前不停咁做嘢，冇機會好好咁休息，呢年幾終於可以放慢腳步，去旅行增廣見聞，我覺得人係要不斷增值，要接觸多啲，咁樣對我拍劇或者拍戲都好有幫助。」
問Niki歐遊半個月，有沒有艷遇？Niki坦言：「都有識到啲朋友仔，有保持聯絡，用電話溝通，但異地戀都係難啲發展。」對於感情事，她表示一切隨緣。
Niki提到快將投入開拍的無綫新劇《好心作怪》，劇中會與苗僑偉和黃宗澤發展一段三角戀，一個成熟穩重，一個靚仔有型，認真難揀，但現實生活中，她直言絕不能接受，Niki說：「我好怕選擇，可以話恐懼，每個人都有唔同嘅特質，冇得揀好過，唔鍾意多過一個以上嘅選擇，好煩，如果係鍾意就鍾意。」當年與鄭嘉穎因拍劇撻着，拍拖5年，後傳出因佘詩曼介入，導致分手收場，不難明白她對三角戀有多抗拒，不喜歡自己選擇也不喜歡讓人家挑選。
隨時翻撻嘉穎
自稱單身的Niki不抗拒被標籤為剩女，因為感情從來也不可以揣測，但心態是開放的，還自言遇到合適有感覺的對象，一撻即着，不用追求便會走在一起，Niki謂：「其實鍾意就唔使追，好自然就會走埋一齊，唔使講咁多。」她透露有追求者，雖然不會阻止別人追求，但不會讓人誤會，更稱現時單身的狀態感覺良好，自由自在，不需向人交代，拍拖就要對另一半負責任。
Niki銳意開拓內地市場，拍劇增人氣，緋聞男友鄭嘉穎近年也北上發展，更因主演內地劇集《步步驚心》而爆紅，二人大有機會在內地合作拍劇，當年分手有指他們反面收場，所以每當提起嘉穎，Niki都顯得煞有介事，不想多談，但最近有傳二人成功翻撻，Niki被問到關於嘉穎的問題時，態度也開始軟化。
對嘉穎在內地因《步》劇爆紅，Niki直認沒有看過該劇，如有人找她跟嘉穎拍劇，會否考慮？Niki笑笑說：「哈哈！冇諗到呢個問題，等我考慮下先。」會否抗拒？她說：「我會保留權利，要睇緣份囉，要有合作機會點都會有，都係要睇劇本同條件，冇刻意諗，我都唔會揀演員。」這是否意味Niki保留翻撻嘉穎的權利，就要看二人是否有緣份。
目標再做業主
愛情未有着落，Niki暫時寄情工作，轉戰內地，並非全為賺錢，她說：「內地係一個可以有好發展嘅地方，我想自己好似水咁，展現自己唔同嘅形態，滲透每個角落，希望可以俾更多人認識我，去更遠嘅地方。」還有另一目標就是再做業主，Niki說：「之前嗰層賣咗，都有賺，家無樓一身輕，但都想再買一間大啲嘅，希望出年可以成事。」
Orignal From: 周麗淇剩女上戰場
沒有留言:
發佈留言