梁嘉琪在劇集《回到三國》中飾演諸葛亮夫人黃月英，相傳其外號是「黃阿醜」，嘉琪表示起初以為要化超醜妝，但監製劉家豪想着重諸葛亮與妻子的感情，故毋須刻意扮醜，只需化上病妝，但她直言不介意激醜：「公司靚過我嘅人大把，我想做個稱職演員，好似喺《衝呀！瘦薪兵團》入面，我都加個大眼鏡，原來好多人鍾意我咁誇張！」
慢熱嚇退追求者
談及劇中的夫妻情，嘉琪大讚孔明具才智又專一，加上由靚仔林峯演繹，笑言原來盲婚啞嫁亦可「執到寶」：「呢個世代太多選擇，郁啲就分手，我好欣賞古代嗰種長情同唔易放棄。」單身的她仍在「龜速」擇偶中，身邊好友均比她着急，她表示要花長時間互相了解，因而嚇退唔等得的追求者：「可能我出咗幾次街都冇畀咩反應，嚇走唔少人o架！但若果遇到真命天子，或者我又唔使考慮咁耐呢！」她笑言與黃月英有相似之處，同樣願意隱藏在成功男士背後，留給對方出風頭。
由於與林峯演一對而備受批評，嘉琪坦然面對，認同對方Fans的想法：「我開頭都好Shock，如果要睇夠唔夠資格，我可能真係唔夠，但都係為配合角色，既然講明唔靚，大家唔好爭啦！」她大讚林峯親切冇架子，經常買壽司「萬歲」，又會Check實她的妝容，非常細心。
梁嘉琪不介意演「醜角」，認為自己有更醜的空間。
梁嘉琪揀男友要先「龜速」慢慢了解，因而嚇退不少追求者。
梁嘉琪一聲聲「夫君」，嗌到林峯Fans心都碎！
在劇中一臉病容的梁嘉琪（右），看來氣若游絲。
Orignal From: 梁嘉琪嫁林峯唔怕醜
沒有留言:
發佈留言