去年三月，鄭秀文和許志安世紀復合，隨後兩人不時被追問幾時拉埋天窗， Sammi一直指未有結婚衝動。皇帝唔急，但太監急。一向喜歡小朋友的安仔，希望盡早與 Sammi開花結果。 Sammi今個月就 40歲，其父母為了早日抱孫，亦不時發功催促她結婚。
近日安仔終於求婚成功。 7月 15日，本刊獨家發現 Sammi一家總動員雲集她位於渣甸山「松園」的新居。據知，當日是許志安相約 Sammi父母傾婚事和禮金。而鄭父亦同意兩人先在 10月於日本輕井澤舉行夢幻婚禮，年尾才在香港補擺喜酒。
安仔開路
7月 15日下午 2時多，本刊發現許志安車 Sammi回她的新居松園，當時兩人十分機警四圍望， Sammi父母的座駕則尾隨進入屋苑。
上月 15日（周日）二時許，鄭秀文的父母、兩名姐姐及姐夫，到了 Sammi
位於渣甸山老牌豪宅「松園」的新居，與 Sammi及許志安會面，眾人一傾就傾了一個半小時。
知情人士表示：「當日安仔專登同 Sammi一家人去飲茶。 Sammi爸爸近年行動不便，少 咗出街。 嗰日咁齊人咁熱鬧，加上知道 Sammi好事近，佢都好開心。飲完茶， Sammi一家人上咗去松園，同安仔傾吓 嚟緊婚禮細節。安仔爽快提出俾 138萬禮金，當做小小意頭。而兩位老人家都好隨和，對禮金多少、婚宴地點都冇乜特別意見，只係對酒席分配有小小要求。安仔父母已經仙遊，許家對結婚 嘅安排，都係安仔話晒事，所以當日傾得好順利，兩位老人家都好安慰。」
孝順二家姐
Sammi的二家姐率先下車，為坐在另一房車的鄭父預先打開車門。
護送父母
逗留兩小時後，鄭父在 Sammi的三家姐及三姐夫的攙扶之下離開松園，鄭母則自行落樓梯。
Sammi與安仔經過多次離合，終鐵定在今年 10月拉埋天窗，二人更不時在微博晒恩愛。
渣甸山老牌豪宅松園
1984年入伙的松園，屬渣甸山老牌豪宅， Sammi早前便以 7萬月租一個二千呎高層單位，打算婚後與安仔同住。
微博晒幸福
去年翻撻安仔之後， Sammi一直猶如熱戀，不時盡現自己女性化一面，又在微博展現廚藝，一改以往不入廚房的習慣，似為做許家媳婦作準備。
風騷求愛
忽然淑女
大騷廚藝
趕讀浸禮班
事實上， Sammi父母向來對安仔印象不錯。昔日 Sammi是個刁蠻女，為人情緒化，信教前脾氣很差。兩老眼見安仔從未有怨言，百般遷就，難得的是他對 Sammi一往情深。 Sammi父母更覺得他是女兒可以付託終生的好男人，所以復合以來，都希望女兒早日出嫁。
Sammi父母大開綠燈，反而 Sammi在婚前對安仔就有一個要求，要他正式成為教徒，才肯成為許太。「 Sammi係虔誠基督教徒，佢希望丈夫都信教。如果 Sammi同安仔都係教徒，咁兩人就順理成章 喺教堂行禮，呢樣係唔少新娘 嘅願望， Sammi亦都唔例外。」
在 Sammi介紹下，安仔已經返教會兩年，仲讀緊浸禮班，讀完之後就可以正式受洗做教徒。安仔在上月初亦承認返教會上浸禮班：「信基督真係好正，人 哋同你祈禱 嘅力量好大，令我依家唔使再理 啲無謂新聞。我已經決志，會返教會浸禮班。」一般浸禮班要讀一至兩個月左右，即是安仔剛剛好讀完浸禮班，成為教徒就結婚。
鄭母微笑回應
7月 19日，鄭母面對記者略顯緊張，她被問及 Sammi婚事時不欲回應，但就不禁面帶笑意。
鄭母當日到北角行家品店，睇中幾條毛巾仔。雖然 Sammi大把錢，但其母仍是左揀右揀，絕不馬虎。
七萬租住松園
為追回分手 7年的寶貴光陰，一向住慣九龍區的安仔，去年已經率先搬至港島西半山的殷豪閣。寓所與 Sammi舊居蔚皇居相距僅五分鐘車程，安仔搬屋明顯是為了方便與女友見面。 Sammi本來在 3月購入南灣道華景園 1800呎大宅作婚後愛巢，但因為消息曝光，她不欲安仔日後進駐她購入的大宅時會被傳媒大造文章，最近才決定以月租七萬租住渣甸山老牌豪宅「松園」一個約二千呎單位，作為兩人婚後愛巢。
為了婚後住得更舒適， Sammi上月初已搬入松園新居。搬屋當日，安仔亦以男主人的姿態到場，幫助 Sammi打點一切。不過礙於信仰關係， Sammi現時並未與安仔同居，安仔只會在婚後才進駐松園。
今年年初，在梁炳演唱會上， Sammi及安仔復合後首次同台演出。經驗老到的 Sammi獻唱時開心到企錯位，要安仔指正，十分少有。
周一（ 30日），許志安約咗梁漢文、蘇永康同張 衞健去君悅傾偈，主要傾 Big Four演唱會 Part II，當中許志安亦順道向張 衞健及梁炳取經，睇下婚禮點搞。《蘋果日報》圖片
選定輕井澤行禮
對於婚禮安排，據知安仔與 Sammi打算 10月邀請部分親友在東京輕井澤觀禮，年尾才在香港大宴親朋。揀日本行禮，主因是兩人去年復合後曾率先到東京旅遊，有着甜蜜回憶。而輕井澤有不少具特色且私隱度高的小教堂，啱晒 Sammi心水。再者香港往日本機程約四小時，對年老的 Sammi父母來說亦不算辛苦。
「 Sammi同安仔想婚禮可以低調 啲，唔諗住大搞，所以邀請 嘅親戚得五十人，亦唔會揀香港人去 嘅遊客區行禮。朋友就邀請梁漢文、張 衞健幾個老死。」知情者說。
安仔宣傳完新碟之後， 8月中就會與 Sammi好好休息，準備婚禮及慶祝婚前最後一個生日（兩人均是 8月生日）。
在音樂小說《學愛》，許志安新歌〈睡火山〉有「忽然生，又忽然死……一口氣，又回復敏感回味。我認了，認你很重要。」寫出安仔對復合的喜悅心情。
對婚事口密
本刊詢問許志安婚事時，他表示未有結婚打算，又叫大家唔好猜測，話唔會有隱瞞喎！
許志安回應浮誇
本刊於上周六（ 28日）問許志安結婚一事，他相當口密，不過帶感冒的安仔全程笑咪咪。而成日去東京的他居然話唔識輕井澤，淨係識 AV女優蒼井空，浮誇到好似言不由衷喎！
記： 8月係咪會拍拖去旅行慶祝生日？
安： 8月未知忙到幾時呀，我諗就唔會喇！
記：之前影到你同 Sammi父母去 咗 Sammi屋企，你 哋係咪傾結婚呀？
安： Sammi搬新屋，我同佢屋企人上去睇屋 啫。
記：入伙酒呀？
安：唔係，淨係想去睇下。
記：有冇傾到結婚呀？
安：冇……真係冇。
記： Sammi鍾意日本，係咪打算 喺輕井澤結婚？
安：蒼井空我就聽過，輕井澤我冇聽過，心齋橋我都聽過。如果我真係結婚 嘅話，我寧願唔隱瞞，因為你 哋都會知，既然係咁唔好猜測喇。
安仔與 Sammi經歷多年風雨終於修成正果，這對金童玉女結婚，最開心的除了是兩位主角，還有一班支持他們的 fans，以及唱過不少次〈其實你心裏有沒有我〉的 K迷。
去年 3月， Sammi同安仔被傳媒拍到在太平館甜蜜嘆豬髀，成為復合鐵證。《蘋果日報》圖片
安仔同 Sammi去年復合不久， 6月就拍拖去東京旅行，睇 Sammi在成田機場開懷大笑個樣，就知佢哋有幾咁 sweet。
「風 の教堂」永恆浪漫
據知 Sammi及安仔揀了東京近郊的輕井澤的「風 の教堂」進行婚禮。教堂以玻璃建造，以風為主題，是寓意戀人之承諾如大自然的風聲一樣永恆不息。教堂內可容納約 80人，婚禮可採用日語或英語，現場有聖詩及琴師演奏，教堂離東京 1小時車程，附近設有度假式酒店，絕對方便賓客。
不過，香港法例並不承認在日本的婚姻，換言之， Sammi要正式成為許太，始終都係要 喺香港簽字。
婚禮費用
教堂租金（ 2小時）： 3萬
來回商務機票費用（ 50人）： 35萬
酒店五晚住宿（ 50人）： 25萬
日本接送巴士費用： 6萬
膳食費用（ 50人）： 20萬
合共約： 89萬
頸椎病不影響生育
40歲的 Sammi，一直有頸椎問題，據脊椎神經科醫生溫文灝表示，鄭秀文的頸椎問題對生育不會有太大影響，恨抱孫的鄭母自然放心。不過醫生表示因頸椎有好多神經線反而會影響到日常生活。
溫醫生指：「醫生會建議病人唔好做撞擊性 嘅劇烈運動，建議游水比跑步好，始終跑會有震動有機會 chok親。鄭秀文 嗰個係舊患，舊患通常都好長手尾，做藝人仲要着住高 踭鞋跳舞，好容易勞損埋膝蓋。」溫醫生並表示，患者要均衡飲食，亦可多食關節補充劑、骨膠原、葡萄糖胺等，但切忌食糯米，因為糯米會令筋腫脹。
6月 21日， Sammi在助手陪同之下，去銅鑼灣治療頸椎舊患。雖然頸椎問題唔影響生育，不過就好影響日常生活， Sammi醫好之前，真係唔好成日跑步喇！《壹週刊》圖片
日前 Sammi在微博放了一張圍住頸箍的照片，表示依然受頸椎舊患所困擾。
Orignal From: 渣甸山新愛巢見家長 鄭秀文許志安鐵定東京結婚
沒有留言:
發佈留言