李璨琛是「Law霸」的好兄弟，跟在深水埗做腳底按摩的JJ，因一個大誤會而結緣，「因為佢患咗皮膚病，加上身形豐滿，我誤會佢係提供特別服務嘅北姑，所以勸佢有病唔好出來害人，因而畀JJ掌摑，最後利用佢做卧底，加入咗查案行列。雖然我掂都冇掂過佢，但我哋係happy ending㗎，佢會默默跟我走。」JJ說：「喺查案過程中有性感場口，為咗突出腳底按摩妹造型，要加厚胸墊谷到勁，做到有E cup效果，但造假感覺好唔自在。」
慘痛回憶
除了唔like「裝假狗」外，JJ掌摑琛仔的場口都有壓力：「我未打過人，加上拍電影《校務處》時俾鐵罐扑到『鬼剃頭』，所以仲驚過佢，唔敢郁手，琛仔反而叫我唔好留力，因為當時已夜深，個個都趕住收工，最慘場口對白多，顧得對白，又打唔啱角度，結果NG左4次先收貨。」琛仔笑說：「我都慣咗俾人打，出道10幾年，拍古惑仔、警匪片、鬼戲......邊次冇俾人打？最深印象係拍《特警新人類》時，吳彥祖、馮德倫、謝霆鋒個個都可以打人，唯獨我俾人打；拍《旺角黑夜》第一日開工就畀EO2嘅Eddie爆樽，就算借位都痛㗎。」
JJ暗嘲舊愛有病
今年十一月做新郎哥的李璨琛跟JJ戲外絕緣，他笑住踢爆對方：「佢鍾意靚仔呀！」JJ依然否認跟沈震軒拍過拖，「我哋一直係朋友，依家都係朋友，我感情生活ok，唔係冇人要，我有好多人追，只係未揀啱啫，我會揀靚仔、專一、無病果啲。」咦，莫非阿沈生有病？
兩位拍檔「打」出真友誼，訪問期間你串我一句，我又頂你半句，氣氛極和諧。
為扮腳底按摩妹，JJ要加墊谷胸。
分手情侶有樣睇，兩位朋友個樣幾尷尬。
Orignal From: 失戀後無處發洩 JJ怒摑李璨琛降火
沒有留言:
發佈留言