娛一叮
謝天華衰收尾 鄭嘉穎加簽五年換視帝
2011年11月11日
每年年尾，又是一班小生花旦為《萬千星輝頒獎典禮》爭崩頭的時候，競爭最激烈的視帝和視后將於下月初誕生。視后已確定是胡杏兒的囊中物；至於視帝方面，鄭嘉穎和謝天華分別憑高收劇集《怒火街頭》和《潛行狙擊》成為視帝大熱，旗鼓相當。
於下年底才約滿無綫的鄭嘉穎，竟然不為國內電視台的銀彈攻勢所動，落實與無綫加簽五年約，以示忠貞。一向錫鄭嘉穎錫到燶的樂易玲，就立即以傾掂鄭嘉穎續約為由，在眾高層面前落足嘴頭，為他穩奪今年視帝寶座。 換言之，謝天華卻變成今次視帝戰的犧牲者。周三（9日），記者向謝天華提到鄭嘉穎續約換獎一事，他不忿地說:「乜有啲咁嘅事？」
Laughing冇得繼續laughing，惟有嘆句冇運行。
今年中播出的《怒火街頭》口碑好，結局收視高達35點，鄭嘉穎飾演的流氓大律師Law霸，演技被激讚之餘，觀眾緣亦由谷底反彈。不過8月尾出街的《潛行狙擊》創下40點收視，孭飛的Laughing哥謝天華搶盡風頭，加上早前林保怡和馬德鐘相繼炮轟無綫，視帝人選愈來愈少，令鄭、謝二人成為頂頭大熱。
上周五《怒》在西貢拍外景，人前親民的鄭嘉穎，原來好鬼大支嘢，嘆完下午茶順手拎張一百蚊叫林子善去埋單。
日前鄭嘉穎到深水埗拍劇，街坊大叫「視帝」，他非常受落，一有時間就同街坊影相吹水，前所未有咁nice。
加五倍人工
在無綫每集只有四千酬勞的鄭嘉穎，雖然早前憑國內劇《步步驚心》在大陸人氣勁升，有國內製作人更豪爽地出價16萬一集邀拍劇。不過據知鄭於上月突然與無綫傾約，「佢份約其實仲有成年先完，仲爭公司60集劇未拍，不過，佢竟然喺趕拍《怒火街頭2》期間，主動搵樂小姐傾約。」現時正值電視台大戰，城市電訊的王維基不斷向無綫藝人高薪挖角，樂易玲眼見鄭嘉穎難得唔睇錢份上，決定出招令鄭嘉穎續約續得心服口服。
本刊收到消息，鄭嘉穎下年底舊約完後，自動波加簽三年死、兩年生新約，人工除加到新高2萬蚊一集外，樂易玲更為鄭嘉穎的視帝獎項力爭到底。「樂小姐之前已經鋪定路，除咗喺六嬸面前狂讚嘉穎呢個親生仔夠義氣之外，仲經常同有份投票嘅高層分析今年視帝形勢，義正辭嚴話《潛行狙擊》最高收視嗰集焦點係因為黃宗澤死，臨近結局卻收視回落，唔及嘉穎由頭帶到尾。」樂大媽捧仔計劃周詳，令鄭嘉穎攞視帝之路暢通無阻。
鄭嘉穎在《72家租客》只客串一場戲，但樂小姐都親到監場，錫契仔錫到出晒面。
年前laughing哥熱潮勢不可擋，更火速開拍電影版，樂小姐當然要俾面出席，仲拖實謝天華俾記者影相。
謝天華: 我都唔差㗎﹗
其實鄭嘉穎自02年加入無綫後，一直深得樂易玲歡心，樂易玲更極速捧鄭為視帝，不過卻弄巧成拙。據幕後高層爆料：「樂小姐不嬲錫鄭嘉穎錫到出面㗎啦，06年捧鄭嘉穎憑《天幕下的戀人》攞視帝，點知外面反應極差，勁插嘉穎，真係幫佢反而害佢。樂小姐對此耿耿於懷，所以今次個劇反應咁好，佢梗係出力催谷啦。」除下令要食住個勢開拍續集外，身兼邵氏電影策劃的樂易玲，還落令下年中開拍電影版。本刊就嘉穎續約換獎一事致電樂易玲，但截稿前仍未回覆。
鄭嘉穎視帝在望，回應時他說：「由觀眾決定啦，我有信心但要睇外面反應，公司話注重民意，如果我唔值得攞，就千祈唔好俾我。」至於民意亦相當高企的謝天華，無綫和樂易玲為了安撫他，決定安排他攞「我最喜愛的角色」獎。
周三（9日），記者向謝天華提到有人續約換視帝一事，他面色一沉：「乜有啲咁嘅事嘅咩！你問我梗係想攞，嘉穎做嘅Law霸做得好好，但我都唔差㗎﹗我好滿意自己今年嘅成績，《潛行》收視同外界嘅反應都好好。（係咪後台唔夠人勁？）無得咁計㗎喎﹗我嚟做嘢㗎咋﹗又唔係區議會選舉，無內幕啩﹗」
飛車賀台慶 被蒙在鼓裏的謝天華，仲以為自己可同鄭嘉穎公平揮過，近日賣命練飛車賀台慶。
視帝心水分析
無綫官方討論區搞咗個視帝選區，根據民意，鄭嘉穎和謝天華可謂叮噹馬頭，其他一律冇得爭。
扮型趕客
黎耀祥之前冧莊視帝都是古裝劇，《法證先鋒III》 令觀眾投入唔到。
造型怪雞
陳豪在《點解阿sir係阿sir》中演技保持水準，可惜造型怪雞，加上他07年已得雙料視帝，再下一城有難度。
齋chok冇演技
另一視帝候選人林峯在《不速之客》中經常拎住蘋果，被指抄日劇，表情又得一個，勝算很低。
女飛躍爆冷 樂瞳靠嫩口贏陳敏之
經過一輪大龍鳳，鄭嘉穎最終憑賣身契壓倒謝天華，但一向被認定為豬肉獎的「飛躍進步女藝員」獎，亦要獻計先有得攞。據內幕消息，今次奪得「飛躍進步」獎的是資歷甚淺的宅男女神樂瞳。她可以打敗「索腿天后」陳敏之，除因嫩口之外，亦要賣身。
《點解阿sir係阿sir》演學生妹的樂瞳，憑住嬌俏外形，成功俘虜宅男而響朵。08年已簽無綫為親生女的樂瞳，據知最近再加簽四年，用誠意打動無綫高層，換取「飛躍進步女藝員」獎，成功擊敗大熱陳敏之。
25歲的樂瞳，雖然主演的角色佔戲不多，如《法證先鋒Ⅲ》的天眼少女只有五集戲，《點解阿sir係阿sir》亦行行企企，但令一眾宅男一見難忘。
論進步，好有信心。 今年「飛躍進步女藝員」本來是陳敏之囊中物，奈何樂瞳突然續約，令賽果有變。
個獎係for新人！
32歲陳敏之在《怒火街頭》中演性工作者，一幕全裸追賊戲更令她拍到骨折，十分搏命。
加簽四年換獎
知情人士透露：「高層第一次開會投票嗰陣，『飛躍進步女藝員』都係陳敏之最多票，不過第二次開會時竟然變咗係樂瞳。原來樂瞳上個月主動續約，條件之一就係今年攞『飛躍進步』獎。當然部分與會人士亦力撐樂瞳有足夠條件獲得此獎。
周二（8日），記者就此事問及樂瞳，她亦承認有加簽新約：「我剛剛加簽咗TVB幾年，又加咗人工，多謝公司認同。其實敏之演戲一定好過我啦，不過論進步，我覺得自己今年進步咗，對呢個獎好有信心。」 對於連續五年爭輸「飛躍進步女藝員」獎的陳敏之，坦言志不在此，她說：「我自己都tip係樂瞳攞『女飛躍』，呢個獎係for新人。佢演出好可愛好甜，應該攞呢個獎。我喺TVB十年，如果係我攞，我會唔好意思。」不過不少高層見陳敏之在無綫捱了十年亦毫無怨言，故鐵定將「最佳女配角」預留給陳，難怪她可以咁大方讚樂瞳。
至於「飛躍進步男藝員」獎就由入行十年的陳展鵬奪得。陳展鵬雖然今年才簽無綫，但無綫正鬧小生荒，加上由他孭飛的《真相》收視不俗，為了催谷陳上一線，無綫即頒此獎給他。對此陳說：「我喺呢行十幾年喇！我真係努力咗唔少日子。」
入行十多年的陳展鵬終於有獎拎，他笑說：「我真係努力咗唔少日子，應該頒個老人獎俾我。」
Orignal From: 率先爆「萬千星輝頒獎典禮2011」得獎名單
沒有留言:
發佈留言