據知台慶劇《萬凰之王》內，原定陳美詩（Macy）角色會係崔嬤嬤（程可為飾）個女，之後仲會同胡杏兒有唔少對手戲。可惜最後因為劇本太長，監製即向Macy角色開刀，大幅刪減其戲分。Macy雖則做足廿幾集，但最多只係做宮女，於宣萱身邊行行企企，更冇乜對白，猶如「老臨」。
程可為最後會被胡杏兒喺獄中親手鍊死。而Macy戲分被刪，令佢同胡杏兒嘅對手戲都冇埋。
宣萱坐正
宣萱最後會成為皇后，所以連化妝都變濃，個嘴畫到細晒。但首週廣管局已收到六宗投訴，其中話演員個妝太濃，唔知到時會唔會再多啲呢？
胡囧死
胡杏兒最後被陳山聰挾持，之後更被錯手殺死，而陳山聰最後亦自殺。
陳錦鴻掟孽種
胡杏兒搵陳山聰借種，可惜最後被皇上（陳錦鴻飾）發現，仲將佢哋嘅孽種掟落地。
定欣入冷宮
胡定欣在本週又吊頸、又七孔流血，更倒戈幫宣萱，原來之後亦會勾引皇上，成為另一妃嬪，可惜最後都被打入冷宮。
Orignal From: 率先爆《萬凰之王》結局
沒有留言:
發佈留言