2011年11月3日星期四

《蘋果》專訪「同Edison只係攬攬錫錫」 Cammi願驗處子之身

《蘋果》專訪「同 Edison只係攬攬錫錫」
Cammi願驗處子之身

【重開艷照門之模剖白】事隔三年，陳冠希（ Edison）再爆慾照風波，這次被爆偷嗒剛夠秤的 16歲中四學生妹、模謝芷蕙（ Cammi），形象破產的他立即再次潛水， Cammi之前曾哭訴第一次給了 Edison，還強調做足安全措施，又指男方要她拍兩分鐘情慾片段，但本報記者昨致電 Cammi，她竟失憶自打嘴巴，堅稱跟慾照中赤膊 Edison只是攬錫男女朋友，沒發生過性關係。為證處子之軀，更不介意找醫生驗身。 Cammi昨足不出戶，卻在微博透露失身傳聞令她崩潰。

在 Cammi與 Edison的疑似床照中， Cammi連親熱都不忘戴大眼仔。

C： Cammi　記：記者
記：有報道指 16歲嘅你自稱第一次畀咗 Edison，仲話做足安全措施？
C：我絕對冇同人講過私下發生過呢啲嘢，我同佢完全冇性關係，只係男女朋友，錫錫。
記：你否認同 Edison發生過性關係，家仲係咪處子之身？
C：呢個唔講啦，如果大家想知，我可以去驗，如果有得驗，我要同媽咪講先得。
記： Edison同你拍拖時，係咪清楚知你 16歲？
C：佢知我幾歲先同我拍拖。
記：你同 Edison拍拖，兩個人喺屋企做啲乜？
C：有入過房，睇電視，房度有電視，有攬呀，大家有攬。

Cammi昨日沒返學留家中避靜，卻兩次更新微博為自己辯白。

「沈志明唔係好人」

年僅 16歲卜卜脆的 Cammi，露腰為月曆擺甫士拍照。

記：傳聞嘅兩分鐘情慾片段呢？
C：冇可能，亂講。
記：情到濃時， Edison冇進一步有要求咩？
C：大家冇提及過要做呢啲嘢，可能佢覺得我太細個，仲係小妹妹， respect（尊重）我，最 close咪錫錫。
記：喺好多慾照入面， Edison都赤膊，你鍾意攬唔着衫嘅 Edison？
C：男仔天氣熱，喺屋企都會咁，我爹哋都係。
記： Edison係咪好好攬，好好咀？
C：唔知。
記：如果同萬寧哥哥沈志明比較，邊個好啲？
C：唔好提佢，我冇同佢（咀），因為佢唔係好人，我同 Edison係拍拖，我同沈志明乜嘢關係都冇。
記：情慾短訊顯示， Edison有叫你帶校服同泳衣去佢屋企，仲話訂咗性感內衣畀你着？
C：講吓㗎咋，我冇帶上去，我冇着嗰啲內衣，我喺佢屋企有着衫，着自己啲衫。
記：有冇喺 Edison屋企過夜？
C：冇，我要返學，拍拖時玩到夜晚 9點幾就返屋企。

「係我第二任男友」

記：點解要影呢啲情慾相？係咪想騷畀朋友睇？
C：係一個回憶，情侶之間影呢啲相好正常嘅。
記：慾照流出， Edison急發聲明同你分手，覺唔覺佢好負心。
C：（好留戀語氣）佢唔係，大家唔係因為呢件事分手，大家性格唔啱，可能我太細個。
記：咁覺得 Edison性格點，對你闊綽定為人自私？
C：（偷笑）我諗吓先，鍾意一個人，缺點都會變成優點。
記：你同 Edison拍拖時，有冇對佢曾於 08年爆過淫照事件存有戒心？
C：嗰時我太細個，冇睇過啲相，鍾意一個人唔應對佢有戒心。
記：點解你明明失戀，但都可以咔咔聲笑？
C：今日已經喊唔出，喊唔係因為分手，係我好驚，唔識點處理。
記：你好似唔介意講 Edison，但好抗拒提沈志明？
C：（滔滔不絕） Edison我都唔想講咁多，但我要講出嚟，等件事先冇咁醜惡。
記：會同 Edison復合嗎？
C：唔會，只係一齊嗰刻好鍾意佢。
記：同 Edison拍拖時，有諗過嫁畀佢嗎？
C：冇諗咁長遠。
記：你哋戀情快嚟快去，好兒戲。
C：我覺得根本似係一場夢，噚晚瞓覺諗咗好耐先接受到呢個係事實，我唔識面對我身邊朋友，佢哋見到呢啲相，唔知我哋一齊拍拖，我隱瞞父母拍拖，好抵鬧。
記： Edison係你第幾個男朋友？
C：攬攬錫錫計，佢係我第二任男友，我 14歲初戀，對方係同學嘅朋友。

父責罵母親擔心

記：回想同 Edison呢段感情，有乜嘢最難忘？
C：其實唔知，但就最刻骨銘心，搞到咁大件事。
記：以後敢唔敢同圈中男仔拍拖？
C：唔知，驚佢哋會怕咗我，我自己好黑仔，如果有機會，唔好話圈唔圈中人，啱 feel先得，拍拖講緣份。
記：事件曝光，校方同父母點講？
C：老師對我好好，我今日（噚日）冇返學，唔想影響到同學，媽咪知道件事好擔心，阿爸冇打我，但有鬧我。我會繼續完成中五課程，好想入讀演藝學院，我都鍾意入行。
記：你被指疑似整容。
C：好笑，唔知開心定唔開心，報道話我靚咗，可能我間尺鼻，見過我個樣都知唔係標青，模中我覺得 Angelababy最靚。我將來唔考慮整容，冇諗過用個樣搵食。

網友惡搞：百變長臉人獸皆宜

Cammi

陳冠希被爆出與模 Cammi的慾照，迴響最大的竟是 Cammi的外表。有眼利網友認出大鼻矇眼的 Cammi竟與形象指導張學潤（ Nelson）有九成以上相似，更有人惡搞將 Nelson的臉孔放到 Cammi的校服照上，又有網友指 Cammi和阿根廷球員迪馬利亞、羊咩和鬥牛梗的樣子相似。
Nelson昨日表示願免費為 Cammi做形象變身，他說：「我建議佢先掉咗對大眼仔，咪黐假眼睫毛，可以試化戚眼妝。仲要讀多啲書，氣質都唔同啲。」

Nelson