2011年11月15日星期二

face 234

FACE週刊第234期

飲食男女

短聚 5粒鐘髮尾濕　公開王浩信婚前偷食 Cammi短片

2011年11月16日

王浩信與陳自瑤（YoYo）上週五（11日）註冊，週日在金鐘香拉筵開22席，有傳女方已有兩個月身孕，為免凸住肚嫁人，惟有倉卒閃嫁。

拍拖3年，其間一度因男方太爛玩而分手，上週又爆出王浩信婚前偷食醜模Cammi，事後兩公婆齊心對抗外敵，30歲YoYo堅信老公無辜，細兩年的王浩信就力斥有人作料博宣傳，立心不良。

補鑊娶YoYo
週日（13日）擺酒，王浩信與YoYo齊齊封口唔回應偷食Cammi事，更安排雙方家長於秘道出入。

不過本刊卻獨家影到王浩信8月時，趁YoYo離港旅行，親自接Cammi返將軍澳屋企短聚5粒鐘，Cammi離開時更髮尾微濕。有圖有真相，唔到你唔認啦！

王浩信陳自瑤結婚前夕，有週刊指男方婚前偷嗒Cammi，分分鐘比陳冠希更早享用「女版Nel Nel」。報道出街後，王浩信即時公開澄清，指Cammi借佢兩公婆宣傳，「我想強調嗰次佢上我屋企係出席house party！我結婚啦，希望Cammi唔好再搵我做宣傳！」

親自接載

口口聲聲話俾人抽水，但本刊於今年8月已影到二人短聚鐵證。 8月19日夜晚11點多，王浩信親自駕駛其黑色福士跑車到調景嶺港鐵站，裝胸熱褲戰鬥格的Cammi一早到達等候，但王浩信非常警覺，等了幾分鐘確定冇人跟蹤先畀Cammi上車，然後踩行油返回將軍澳維景灣畔寓所。聲稱約了大班朋友返屋企開party的王浩信，之後亦冇再外出接人。

19/8
獨家偷拍：等車晒腿 11:45pm 等緊王浩信期間，身穿背心熱褲，忽然谷胸嘅Cammi企到直一直，仲不斷望實經過嘅私家車，似乎等得好心急！

一call即到 11:48pm 確保冇人跟蹤後，Cammi先開門跳上王浩信架車。

落力冧女
11:55pm 短短幾分鐘車程，兩人成程車有講有笑， Cammi個樣仲冧爆。

王浩信的福士跑車由王姓家人登記，地址為父母居住的鴨脷洲海怡半島。

踩油返家 11:57pm

自爆好攰

據知YoYo於19日早上與朋友出發到泰國旅行，難得咁free，下晝收工計劃夜會Cammi的王浩信，一早預備大量紅酒招呼細12年的妹。不過王唔似萬寧哥哥及Edison咁猴擒，肯花時間同Cammi傾偈熱身。「Cammi嗰晚上到去，見到Signal Wong（王浩信）已經叫定pizza，兩個初時一邊睇電視一邊食嘢，之後個男仔拎啲紅酒出嚟，兩杯到肚，跟手係點要佢兩個先知啦！」

孤男寡女玩足5個鐘，Cammi到凌晨5點先獨自離開王宅，搭的士返回藍田公屋，當時Cammi腳步浮浮兼殘爆，原本束馬尾的她，離奇地放散長髮兼髮尾微濕。一早已在樓下等候女兒返家的Cammi父親，見有記者影相，竟然非常合作話：「阻唔阻住你哋做嘢？隨便影吖！」反而平時鍾意俾人影的Cammi就拒絕上鏡，大嗌：「唔好影啦，我好攰呀！咁夜下次先影啦！」

有餡箍煲
上圍明顯脹大嘅YoYo，死口唔認有餡，但就話會婚後不設防，努力追龍B。

恩愛婚禮
兩人揀於上週五2011年11月11日上午11點8條1好日結婚，週日（13日）在港島香格里拉筵開22圍，二人於婚禮上經常甜笑互望，YoYo又向在場記者大晒幸福，猛話「我哋好恩愛㗎！」宣示正印地位。

Cammi：喺床pair pair吓
原來萬寧哥哥沈志明當晚亦約了Cammi外出，但萬寧哥哥不停轉換約會地點，一時上環一時北角，令Cammi覺得不受尊重；反而王浩信一早以一招「上門玩狗」畀Cammi入屋，令只得16歲的Cammi冧晒，所以王浩信一call，Cammi寧願爽約，都要夜撲王的寓所，Cammi私下亦曾向好友大讚王浩信有風度又細心。

偷會人夫搞到一鑊粥，Cammi被問到私會斷正時顯得非常尷尬，每條問題都要諗成分鐘先識答。

F：《FACE》
C：Cammi

F：你同王浩信點識？你8月19號上佢屋企做乜？
C：我同佢喺一個朋友嘅生日party認識，之前都約過幾次出嚟，大家都有共同朋友。嗰晚上佢度傾偈啫！
F：但你去咗4、5個鐘喎！
C：……都係傾吓偈……食吓嘢，佢係artist，始終喺屋企會方便啲！
F：驚唔驚YoYo呷醋？
C：唔驚！我哋咩事都冇發生過，嗰晚佢都飲咗好多，醉到喺張床度pair pair吓啦！

傾偈傾上人張床，王浩信都係預備定痰罐頂通宵啦！

同日約萬寧哥哥

萬寧哥哥（右）同王浩信都在8月19日約Cammi，雖然Cammi當日揀咗人夫，但5日後立即同萬寧哥哥食米線，然後前後腳返男友北角寓所。

YoYo旅行　男友即食

YoYo於8月19日早上8點幾搭飛機去泰國旅行，同日下午3點幾，王浩信亦風騷表示收工，風騷舉勝利手勢，預備帶Cammi返屋企「傾偈」。

冇句真

婚前先被踢爆偷食，新郎哥為面子為婚姻否認，加上機心重Cammi，真係唔知信邊個好！