最近慘被捲入劉定成的「男藝人艷照案」的翟威廉，憑着八料港男冠軍的靚仔外形，在《耀舞長安》中飾演「萬人迷」設計師「敖雪松」後，即將會在新劇《飛虎》演繹型仔飛虎隊員「張繼光」。不過，原來威廉最希望不靠單靠高大靚仔外形搵食，寧願大家留意他的演技，就算做諧星扮衰人亦不介意。撰文：杜淑霞 攝影：徐錦池
化妝及髮型：Dmake Lion 服裝：Leo場地：皇家太平洋酒店
翟威廉在《耀舞長安》中有JJ（賈曉晨）和馬賽為他爭崩頭，憑住靚仔外形當然令人着迷，之後他在《飛虎》中飾演飛虎隊員，憑高大身形已經入型入格，相信大家亦不會質疑。
自言有進步空間
對於機會接二連三，而且一部比一部戲份更重，威廉都感到相當高興，「老實講，《耀舞長安》係我第一套劇集，好多嘢要學習同兼顧，所以我只係會畀自己45分，我覺得仲未合格囉！之於飛虎就好好多，開始熟習咗環境，開始知道自己做緊咩，表現會好好多，但都係啱啱合格，仲有進步空間。」
身為「港男」冠軍級人馬的威廉，自然被派演一些有型靚仔角色，不過他卻相當抗拒，「我真係唔想變咗花瓶，女仔靚樣就話重要，男仔真係唔使，我寧願做啲衰格啲角色，或者搞笑，甚至做變態佬都無問題，我唔想大家只係留意我嘅外形，抹煞咗喺演戲方面嘅努力。」
翟威廉不想靠樣，希望在演戲上多作嘗試。
懶理小三傳聞 馬賽照會緋聞男友
馬賽在劇集《耀舞長安》飾演暗戀翟威廉多時、極之純情的「曲圓圓」，但現實生活中，她卻被指介入「巨聲幫」大孖周志文和靚模CoCo（袁聖殷）感情，乖乖女慘變「小三」。日前馬賽接受本報專訪時解釋，跟周志文不存在感情瓜葛，所以不會刻意避忌跟男方見面。撰文：杜淑霞 攝影：徐錦池 髮型：Sidney@Hair 服裝：MAGIN場地：皇家太平洋酒店
24歲的一向形象健康的馬賽，出道4年以來，僅在前年拍《女王辦公室》時與吳卓羲傳過緋聞，早前卻跟09年「巨聲幫」大孖、22歲的周志文，因合作新劇《名媛望族》合演情侶而傳出緋聞，之後更被聲稱是男方正印女友、23歲的靚模CoCo（袁聖殷）指為「小三」，明搶其男友。
無心談情
早前馬賽接受本報訪問，對於被指是「小三」感到相當無奈，「我同志文只係傾得埋嘅朋友、同事，我冇聽佢講有女朋友，亦都唔識得嗰個女仔，唔明白點解傳到咁樣。不過我無唔開心，亦都唔會刻意避忌見志文，以前我會好介意呢啲新聞，甚至想轉行，但依家諗通咗，做好自己工作就可以。」
馬賽坦言就算有追求者，亦無心談情，「我話冇人追，你都唔會信啦！但係未遇到合適對象，我唔知係咪要求高，只係要大家溝通到，明白我就可以，我相信緣份，況且依家都未係時候，事業先至啱啱起步，熟悉咗環境可以去享受演戲過程，我真係唔想分心住！」
08年以三料港姐姿態入行的馬賽，去年奪得「飛躍進步女藝人」，前途大好。面對種種負面傳聞，馬賽一於好少理，跟周志文如常在上海拍外景。
Orignal From: 翟威廉八料港男冠軍唔靠樣 馬賽照會緋聞男友
沒有留言:
發佈留言