鄭希怡墮樓穿肺 昏迷2日 仍然虛弱

【on.cc 東方互動 專訊】 屢遇「黑仔」事件的鄭希怡，日前與男友Andy在泰國布吉出席朋友的泳池生日派對時，因地滑跣腳而跌落30呎深的山坡，遭樹枝從背部插穿肺部，當場昏迷送院！經醫生搶救後，Yumiko脫離危機期，但足足昏迷兩天，至第3天才恢復知覺，目前要用頸箍承托頸部，不能活動自如！

記者透過WhatsApp問候，Yumiko報平安寫上：「OK，未死！」。其經理人霍汶希曾聯絡Yumiko，並指她情況良好：「聽佢把聲好精神，康復進度良好，佢話呢兩日都做物理治療。（要留院幾耐？）以我所知，佢應該要留多一個禮拜，到時由醫生決定幾時出院同上機，因為醫生依家都唔贊成佢坐飛機。（點解唔飛返嚟醫？）佢覺得冇咁o既必要，當地醫院已經夠。（發生咁大件事都唔出聲？）佢想低調，主要係唔想屋企人擔心。」據知Yumiko甦醒後即時致電家人報平安，而男友對她不離不棄，其他朋友亦留在布吉照顧她。

---

Orignal From: 鄭希怡墮樓穿肺 昏迷2日 仍然虛弱