記者：雷福財
攝影：伍慶泉
服裝鳴謝： Club Monaco
公認屬演技派的鎮宇，開拍《衝上雲霄》續集，適逢近年都鬧小生荒的 TVB，檔期更全面遷就，難道蜀中真的無大將？「其實斷層期每隔一段時間就會出現，要睇睇邊度斷起。以前有羅嘉良、陶大宇，之後就要睇邊個可接班。現在觀眾好似未接受到新一代小生係電視一哥，但又唔好咁黑心，始終佢哋仲後生，演技上都仲有一定嘅進步空間。」既然出自鎮宇把口，睇怕班小生聽完都要的起心肝磨練演技。芸芸眾生中，鎮宇最睇好陳豪。「陳豪比較成熟啲，你見佢不論廣告、代言的範圍都較大，觀眾緣較好。」 TVB就完鎮宇檔期，又傳高薪引援，係咪真有其事？「接受得人家份工作，有啲嘢都要講配合嘅。例如外間話 TVB係高薪，咁咪高薪囉。其實我再拍都係為觀眾，因為我個人好怕拍續集，怕做唔番以前大家想睇嘅唐亦琛。」
■ Arrive酒紅色背囊$4,560
■ Vapor各式硬邊行李篋（包括20吋、25吋、27吋）$4,560-$5,940 TVB小生有待進步
■ Bedford灰色 Narrow Weekend手提包$6,400 專恰仔的怪爸
雖則演技備受公認，但還未奪過香港電影金像獎影帝，鎮宇對此抱持平常心。「我會繼續支持，能夠奪得金像獎當然係最好，但有啲嘢唔係你想攞就得，無嘅時候要保持平常心，咁就唔會唔開心。」除了拍戲，最令鎮宇享受的一定是與三歲囝囝的相處時刻，原來他更愛整蠱他。「我係一個好好笑嘅爸爸，專門恰吓佢，令佢難堪同不知所措。我覺得小朋友係會旁觀大人行為，無時無刻都接收緊訊息。讀書方面最重要係開心，功課做唔晒都應該十點上床睡覺。我情願佢學多啲嘢，而唔係只為交功課。」眾多話題中只要一觸及湊仔經，鎮宇便有如慈父上身，內心滿足。
■ Dror for Tumi香檳色行李篋（25吋）$6,400 最愛歐遊 Shopping
平日工作周圍飛，原來一放假就變成旅行精，繼續萬呎高空的人生。「一年起碼都有兩三次旅行，春節、小朋友暑假、聖誕節等都會離開吓香港。配備上當然要有個好篋，自己最鍾意綠色、有拉鏈軟身篋。通常去親歐洲 Shopping都會帶多個空篋，方便裝多啲戰利品返嚟。我比較欣賞 Tumi今日嘅 Vapor新篋，打開之後兩邊一深一淺，深嗰面方便裝鞋。」唔係賣口乖，鎮宇當日的確背着個綠色背囊到場開工，印證睇嘢唔好只睇表面。
■ Alpha Lightweight黑色尼龍行李篋（20吋）$5,480
■ Tegra Lite白色行李篋（20吋）$4,580
■ Vapor Polycarbonate黑色行李篋（27吋）$5,940 Vapor新篋 Details Check！
■ Vapor Polycarbonate金銅色旅行篋（27吋）$5,940
■手柄的 X-Brace45專利設計，即使撞凹亦可繼續伸縮自如。
■篋身四邊以硬身保護，功用跟汽車的 Bumper一樣，減低撞花機會。
■特設 TSA鎖的後備鎖位，過境時可讓關員開啟，唔怕被「爆篋」。
■內櫳設計一深一淺加強重心，較深一邊更方便放入大件物品，如鞋類等。
■每個篋均附上特定 Bar Code── Tumi Tracer，內有用家聯絡資料，即使在任何地方「走失」，有人執到都可搵得番。
Tumi（28697488）
中環置地廣場地庫 B6-7號舖
Orignal From: 雲想衣裳：吳鎮宇 帶綠.....篋
沒有留言:
發佈留言