兩位大隻男梁烈唯（左）與袁偉豪出腳較高下。 攝影：陳俊強
袁偉豪捱過白眼
同樣是電影出身的袁偉豪，經歷過幕前事業、幕後，甚至沒工開的生活，他曾覺得被世界遺忘：「我係98年入行，經歷過幕前、幕後同冇工開嘅生活，但係我試過遇到啲入行已經識嘅行家，好似唔認得我，所以我入到無綫，當重新認識，好多嘢要低調同坦誠啲去行，亦要沉住氣去做嘢，呢度真係學到好多嘢，家我會喺適當時候去表達意見，自信心都多咗。」
袁偉豪謙稱有少少收穫，但未算捱出頭。
「過火扮冇嘢」
袁偉豪坦言學習的過程得啖笑：「有時候某啲位過咗火，惟有扮冇嘢繼續做好啲，呢行有太多唔同性格嘅人，冇人可以要求一個人接受晒全世界，有啲嘢要上心但唔可以太介意，凡事都要適可而止，我家都努力學緊。」對於劇集的迴響，他說：「拍嗰陣我嘅篇幅唔多，冇諗過出街後，反而多咗人識，真係好驚喜，呢段時間可以叫做有少少收穫，出頭唔敢講，可以話叫做進入順啲嘅軌道，唔使再喺度等車，算係上咗班車，等我可以喺事業上努力向前行。」
梁烈唯打醒十二分精神，每個機會都不容有失。
梁烈唯要 Chok型
梁烈唯在99年入行拍電影，04年從大銀幕轉戰電視圈，終於在今年憑《缺宅男女》關二哥一角，為他的事業帶來轉捩點，最近在《飛虎》飾演飛虎隊的狙擊手，觀眾受落，他早前為此劇宣傳時說：「最初我都冇諗過可以喺班型男面前突圍，狙擊手呢個角色最着數，攞正牌見到個樣，每次完成任務後，我特登設計單眼小動作，好幫到個角色，原來 chok型係要，觀眾係好受落。」
梁烈謂坦言有很多人問為何在此時段播放，他說：「有人話用嚟撼奧運實死梗喇，點知原來有好多人留意，迴響好大，今次直情吐氣揚眉。」
「事業有曙光」
今次唯唯總算捱出頭，他笑說：「今年係好特別嘅一年，事業有曙光，身邊朋友戥我開心，以前都有啲機會出現過，或者係錯失喺自己度，冇把握得好，家公司對我嘅誠意多咗，無論機會或者人工，都有增加，我真係好感激，都怕做得唔好，最怕一次錯失，影響人哋對我嘅感覺，辜負公司期望，我成日提自己就算待人接物都要打醒十二分精神，工作方面只要啲監製搵我，就算唔瞓覺都得，我有信心搞得掂。」
翟威廉唔敢 Hea
從亞視轉投無綫的2010香港先生冠軍翟威廉，參賽當日他坦言只想要一份工，故簽約無綫後，曾向經理人提議主持兒童節目，他說：「其實我冇乜所謂，嗰陣喺韓國讀完書返嚟，工作又唔係咁順利，當時我只係想搵份工，反正喺亞視又係咁做。初初諗住做類似嘅嘢，點知原來係兩個世界，呢邊唔可以求其當返份工，好易同大家脫節，一定要好搶住做。」
翟威廉誓要做好呢份工，最擔心與社會脫節。
曾是亞視人的翟威廉，選港男後成功洗底入無綫。
在劇集《飛虎》中，飛虎隊成員梁烈唯與翟威廉造型煞食。劇照
「啱無綫口味」
最近不少亞視藝人過檔，先後傳出被人嫌形象「太亞視」，甚至鬧不和，惟獨翟威廉可置身事外：「可能我係重新變番做普通人先再嚟選，嗰陣連無綫啲人都唔知，係記者踢爆先知，啲人對我印象唔覺得好亞視，加上有好多工作人員係以前喺亞視合作過，壓力冇咁大，亦好易融入工作環境，等我可以專注事業，呢個階段要好好把握。有人同我講，話我好幸運，選完工作未停過，我都覺得機會多，唔單止拍劇，仲可以用番我以前學過嘅嘢，似乎都幾啱佢哋嘅口味，我諗過多三、四年會見到喺工作上嘅成熟。」
Orignal From: 有話兒：飛虎三男拓新肌
沒有留言:
發佈留言